Éxodo 15:16 - Qullan Arunaka DC

¹⁶ Tatay, ¡jupanakax mulljasipxpan!, ¡axsarayasipxpan! ¡Ch'amam uñjasin qalanakjam tukupxpan, qhispiyat markaman makhatañapkama!

Aymar Bibliia 1986

¹⁶ Tatitu, ¡jupanacasti sustjasipjjpan, ajjsarayasipjjaracpan! ¡Ch'amam uñjasinsti kalanacjama amuturac tucupjjaracpan, aca jumatac khespiyat marcamajj maqhatañapcama! Cawquïr marctejj jumatac alascta ucajja.

Qullan Arunaca

¹⁶ Tatitu, ¡jupanacasti sustjasipjjpan, ajjsarayasipjjaracpan! ¡Ch'amam uñjasinsti kalanacjama amuturac tucupjjaracpan, aca jumatac khespiyat marcamajj maqhatañapcama! Cawquïr marctejj jumatac alascta ucajja.

Éxodo 15:16 Jak'a apnaqawi uñst'ayäwi

Génesis 35:5

Jupanakax sarxarxapxäna ukkhasti, Tatituw uka jak'ankir markanakarux axsarañ mantayäna, ukat jupanakax Jacobun wawanakapar jan arktapkänti.

2 Samuel 7:23

¡Janirakiw Israel markamjamas yaqha markax aka uraqin utjkiti! Jumaw Tatay, juman markamäñatak qhispiytaxa, ukatsti wali aytat markaruw tukuyaraktaxa, jach'a muspharkañ luräwinak jupanakatak lurasa. Egiptot qhispiyanit markam nayraqatatsti jumaw yaqha markanakarusa, diosanakaparus jaqunuktaxa.

Salmos 105:38

Egiptonkirinakax mistxir uñjasax kusisipxänwa, jupanakax wali mulljatäpxänwa.

Salmos 74:2

Nayra pachatpach jikxatasit markamat amtasim, jumankañapatak qhispiyat markamat khuyapayasim; kawkhantix utjaskäyäta uka Sión qullut amtasirakim.

Salmos 89:14

14 (15) Chiqapar uñjañampi, aski kankañampiw markarux apnaqtaxa, munasiñaman wiñayatakïtap uñacht'ayapxistaxa.

Éxodo 11:7

Ukhamat jumanakan yatipxañamataki kunjämtix Tatitux israelitanakar egipcionakat yaqhachki ukxa. Israelita jaqinakarusti, ukhamarak uywanakaparus janiw anunakas wajkaniti.

Éxodo 15:13

Munasiñamampiw juman qhispiyat markar irpasktaxa; ch'amamampiw qullan utjäwimar irpasktaxa.

Éxodo 15:5

Jupanakax qalanakjamaw quta manqhir jaqurantti, jach'a quta manqhiw jupanakarux chhaqtayi.

Éxodo 15:6

Tatay, kupi amparaman ch'amapampiw uñisirinakarux t'unjtaxa.

Éxodo 18:8

Ukatsti Moisesax kuntix Tatitux Israel markat arxatasisax faraonampiru, egipcionakampir lurkatayna taqi ukanak awkch'ipar yatiyäna, kuna jan walt'añanakatix thakhin utjkatayna, kunjämtix Tatitux jupanakar qhispiykatayna taqi ukanak yatiyarakïna.

Éxodo 20:2

“Nayaw juman Tatit Diosamätxa, nayaw Egipto uraqit irpsunsma, t'aqhisiyat jikxataskäyät uka markata.

Éxodo 23:20

Tatitux jupanakar sarakïnwa: “Nayaw angelaxar nayraqatam sarañapatak khithanïma, jupaw thakhin imätam, kawkha uraqtix wakicharapksma ukkhar irparakïtam.

Éxodo 23:22

Jumatix chiqpachapun jupar jaysäta, ukatsti nayan arsutaxarjam taqi kuns lurarakïta ukaxa, nayax uñisirinakaman uñisiripäyäwa, jumar jan munirinakarux janiw munkarakïti.

Éxodo 23:27

“Kawkha markanakarutix takt'käta ukansti, juman uñisirinakamarux axsarañampi, jach'a llakisiñamp apayanï, axsarañatsa juma nayraqatat jaltxapxaniwa.

Éxodo 6:7

Jumanakarusti nayan markaxaruw tukuyapxäma, nayaw jumanakan Diosamäyä. Ukhamat jumanakax yatipxäta nayan jumanakar wali ch'ama lurañanakamp egipcionakax t'aqhisiyapktam ukanakat qhispiyir Tatit Diosamätaxa.

Isaías 51:10

Jach'a lamar qutsa jumaw wañt'ayta, uka qutanjam mä thakhi jist'arta, uka chiqaw markamax makhatawayi.

Isaías 63:12

¿Kawkinkarak khititix uka jach'a ch'amapsa Moisesar churki ukasti?, ¿kawkinkarak khititix markap nayraqatansa jach'a qutsa payar jaljki, wiñayatak aytatäñap munki ukasti?,

Jeremías 31:11

Tatituw israelitanakarux qhispiyi; mä jach'a ch'aman markat qhispiyaniraki.

Ezequiel 16:8

“ ‘Wasitat juma jak'a sarakipawayta, ukat jumar uñkatsma. Wali tawaqüxatätawa, niyas chacht'asirpacha. Nayax uka q'alal janchim imxatañatakix isixampiw janxatsma, ukat jumampi parlthapirakta; mä arust'äwi jumampix lurtan, ukhamat jumax nayankxaraktaxa. Naya, Tatituw uk arsta.

Hechos 20:28

Ukhamasti, jumanak pachpa amuyasipxam, iyawsirinakarus taqpachanir uñjapxarakim, Qullan Ajayuw jumanakar Tatitun iglesiap awatipxañamatak uchapxtam, wilapampiw uka iglesiap alasiwayi.

Deuteronomio 11:25

Janiw khitis jumanakar atipjir markax utjkaniti. Jumanakan Tatit Diosamaw kawkha chiqanjamtix sarapkäta uka markanakar axsarañat khathatiyani, Diosan arsutaparjam phuqhasa.

Deuteronomio 2:25

Jichhürut uksarusti taqi markanakaw jumanakatak axsarapxani. Jumanakat parlir ist'asinsti, jupanakax wal khathatipxani, llakisipxarakini’ sasa.

Deuteronomio 2:4

Markarusti akham iwxarakim: Jumanakax Esaú chachan wawanakapan uraqip chiqaw sarakipapxäta, jupanakasti Seír chiqan jakapxi, jumanakan wila masinakamawa, jumanakarux axsarapxtamwa, ukampis wal amuyasipxam,

Deuteronomio 32:6

¿Akhamti Diosar yuspagarapxta? Pisi chuyma, jan yatiñan jaqinaka, ¿janit jupasti awkimäki, janit juman irnuqirimäkisti? ¡Jupaw irnuqtam, jupaw jakañsa churaraktam!

Deuteronomio 32:9

Diosan katuqäwipasti, jaqinakapawa, Jacobun markapawa.

Tito 2:14

Jupaw jiwas layku jiwawayi jan walinakat jiwasar qhispiyañataki, q'umachañataki, ukhamat jiwasanakan jupan markapäñasataki, askinak lurañasatakiraki.

Josué 2:9

—Nayasti Tatitun aka uraqi jumanakar churatap yattwa, nanakax jumanakat parlir ist'asax wal axsarayasipxta. Aka markankirinakax taqiniw jumanakat ist'asax axsarañatsa khathatipxi.

Josué 4:24

Ukhamat uraqinkir taqi markanakax kunja ch'amanïkitix Tatitux uk yatipxani, jumanakasti Tatitu Diosamarux jach'añchapxapunïtawa” sasa.

1 Pedro 2:9

Ukampis jumanakax Tatitunkiritak ajllitäpxtawa, reyir luqtir sacerdotenakäpxtawa; mä q'uma markäpxtawa; Diosan ajllisit markapäpxtawa. Ukatpï, Diosan muspharkañ luräwinakap yatiyapxañamaxa, Diosaw jumanakarux ch'amakat irpsusinxapxtam, suma muspharkañ qhanapar mantxapxañamataki.

2 Pedro 2:1

Ukampis Israel marka taypin k'ari profetanakax utjarakïnwa; ukhamarakiw jumanak taypin k'ari yatichirinakax utjani. Jupanakasti jan wali amtäwinakap jamasanakan yatichapxani, qhispiyir Tatituparus jan uñt'iriw tukupxani; ukham yatichapxatapatsti, mäkhi t'unjatäpxaniwa.

1 Samuel 2:9

Tatituw jupar jaysirinakarux imi, jan jaysasirinakasti llakisiñat jiwapxi, ¡inamayatakikiw ch'amapasa!

1 Samuel 25:37

Qhipür willjtasti, kunapachatix Nabal jaqin machatapax apaqtxän ukkhaxa, Abigail warmipax kunatix luraskatayna uk yatiyäna. Nabal jaqix uk ist'asax jiwatjam jan unxtkiriw tuküna.