Éxodo 15:17 - Qullan Arunaka DC

¹⁷ Tatay, qullan qullumar jakir irpapxita, jakañatak jumax ajlliskta uka chiqaru, amparamamp sayt'ayat utamaru.

Aymar Bibliia 1986

¹⁷ Tatitu, kollan kolluman jacañataqui irpapjjeta, cawqha oraktejj jumajj ajllcta jacañataqui ucaru. Uqhamarac cawqha kollan uttejj amparamampi waquichcaracta ucqharu.

Qullan Arunaca

¹⁷ Tatitu, kollan kolluman jacañataqui irpapjjeta, cawqha oraktejj jumajj ajllcta jacañataqui ucaru. Uqhamarac cawqha kollan uttejj amparamampi waquichcaracta ucqharu.

Éxodo 15:17 Jak'a apnaqawi uñst'ayäwi

2 Samuel 7:10

Ukhamarus Israel markaxatakix mä chiqawja wakicharakta, ukaruw jupanakar uchta pachpa uraqipan jakasipxañapataki, jan khitis kun jupanakar saskañapataki, janiraki jan wali jaqinakas t'aqhisiyaskañapataki, kunjämtix qalltan lurapkän ukhama,

1 Reyes 8:13

Ukampis nayax mä uta jumatak utacharapsma, ukawjan wiñay jakasiñamataki” sasa.

Salmos 114:2

Judá markax Tatitun qullan utjäwiparuw tuküna; Israel markax jupan apnaqat markaruw tuküna.

Salmos 2:6

“Naya pachpaw reyixarux ajllista, Sión, qullan qullux patxaruw utt'ayta” sasa.

Salmos 44:2

2 (3) Diosar jan uñt'irinakarux amparamampiw jaqunuktaxa, markanakaruw mutuytaxa, ukarurakiw nayra awkinakaxar utt'aytaxa.

Salmos 68:16

16 (17) Jach'a qullunaka, ¿kunatarak uñisiñampi Diosan utjasiñapatak ajllit qullur uñch'ukipxtasti? ¡Tatitux uka qullun wiñayatakiw jakani!

Salmos 76:2

2 (3) Qullan utapax Jerusalenankiwa, utjäwipax Sión qullunkiwa;

Salmos 80:15

15 (16) amparamamp ayruntat uva alïchixaya, juman ch'amaniptayat alirakïchixaya.

Salmos 80:8

8 (9) Jumaw Egiptot uva alir uñtat apsuntaxa, Diosar jan uñt'ir jaqinak jaqunukusin ayrunttaxa.

Éxodo 15:13

Munasiñamampiw juman qhispiyat markar irpasktaxa; ch'amamampiw qullan utjäwimar irpasktaxa.

Éxodo 23:20

Tatitux jupanakar sarakïnwa: “Nayaw angelaxar nayraqatam sarañapatak khithanïma, jupaw thakhin imätam, kawkha uraqtix wakicharapksma ukkhar irparakïtam.

Éxodo 25:8

Ukatsti nayatakix mä qullan utjäwi lurarapipxitäta, nayan jumanak taypin utjasiñaxataki.

Éxodo 32:34

Jichhasti saramaya, kawkharutix sisksma uka chiqar marka irpam. Angelaxaw irpätam. Mutuyañ uru purinkani uka urusti, nayaw juchanakapat mutuyaskä —sasa.

Jeremías 2:21

Mä suma uva alïkasmas ukham nayax ayrusïyäsma, wali suma uva jathat jutirïkasmas ukhama. ¡Ukampis jichhax q'ala jan wali tukutätawa, jan uñt'añjamarakïxtawa.

Jeremías 31:23

Israelan Diosapa, taqi ch'aman Tatitux siwa: “Kunapachatix nayax Judá markankir jaqinakan sarnaqäwip sumar tukuyxä, ukat jupanakax wasitat uraqipankxani, markanakapankxani ukkhax wasitat sapxani: ‘¡Tatituy Jerusalén markan utjir Tatitun utaparu, askinakampi phuqt'pan, kawkhantix chiqa kankañax utjki ukaru!’

Jeremías 32:41

Taqi chuymaxampiw aka uraqin jupanakarux utjasiyxä, markaxan suman jakasxatapaw nayarux kusisiyitani” sasa.

Ezequiel 37:26

Jupanakan jan kun axsaras jakasipxañapatakisti mä arust'äwi lurä. Ukasti wiñay arust'äwïniwa. Nayaw jupanakarux waljaniru tukuyxä, jupanak taypirusti wiñayatakiw nayan qullan utax ucharakï.

Ezequiel 37:28

Nayan qullan utaxax wiñayatakiw jupanak taypinkxani, ukapachaw yaqha markanakax yatipxani, nayan Israel markaru mä suma qullan utjäwixatak ajllisitaxa.’ ”

Deuteronomio 33:19

Jach'a qutampita, quta lakapampita suma qamir yänak apsupxäta. Jak'ankir markanakaruw jawsthapipxäta, qullumaruw makhatanipxani, ukansti waxt'anak Tatitur luqtapxani” sasa.

Josué 22:19

Kawkïr uraqinaktix jumanakar wakt'apktam ukatix jan askïkchi ukaxa, Tatitun uraqipar jutapxam, kawkhantix Tatitumpi Jikisiñ utapax jikxataski ukawjaru, nanakan uraqinakax taypin mä chiqa katusipxarakim. Ukampis Tatitun altarap utjkipan, yaqha altar lurasax jan Tatiturux saykatapxamti, janirak nanakatakisa sayt'asipxamti.