Isaías 5:2 - Qullan Arunaca

² Uca orakwa onjjtayi, kalanacwa sum pallsuraqui, ucatsti suma ajllit alinacracwa ayruntänjja. Uca yapu taypirusti mä torre sayt'ayaraqui, uqhamaraqui uvanac ch'irwsuñataquisa mä cheka waquicharaquïna. Amigojjasti mojjsa uvanacwa suyt'äna, ucampis c'allc'u uvanacaquiw achjjänjja.

Aymar Bibliia 1986

² Uca orakwa onjjtayi, kalanacwa sum pallsuraqui, ucatsti suma ajllit alinacracwa ayruntänjja. Uca yapu taypirusti mä torre sayt'ayaraqui, uqhamaraqui uvanac ch'irwsuñataquisa mä cheka waquicharaquïna. Amigojjasti mojjsa uvanacwa suyt'äna, ucampis c'allc'u uvanacaquiw achjjänjja.

Qullan Arunaka DC

² Uka uraq unxtayi, qalanaksa sum pallsu, suma ajllit alinak ayrunti. Uka yapu taypirusti mä torre sayt'ayi, uvanak ch'irwsuñatakiw mä chiq wakichi. Jupasti muxsa uvanak suyt'äna, ukampis k'allk'u uvanakakiw achxäna.

Isaías 5:2 Jak'a apnaqawi uñst'ayäwi

2 Samuel 7:10

Uqhamarus marcajjataquejj mä orake waquicharactjja, ucaruraquiw Israel marcajj uscusta uca pachpa chekan jacapjjañapataqui, jan qhitis cun sascañapataqui, uqhamarac jan wali jakenacas jan t'akhesiyascañapataqui cunjämatï kalltanjja lurapcäna uqhama,

Nehemías 13:15

Qhaya urunacanjja Judá orakenjja uñjtwa yakhepanacajj samarañ urunjja uvanac taquiri vino lurañataqui, uqhamarac trigo pichunaca apnakeri asnonacatsa qhumunakeriraqui uvanaca, higonaca, uqhamarac take casta carganaca, uqhamarac samarañ urunaraqui Jerusalenar apapjjäna. Ucatsti nayajj tokenoktwa uca urun aljañanac aljasipjjatapata.

Salmos 80:8

Jumaw Egiptot uva alir apsuntajja, Diosar jan uñt'ir jakenac jakonucusin ayrunttajja;

Salmos 80:9

jumaw orak korsusajj k'omachtajja, uva alisti, saphintänwa, orakpacharuw phokhantaraquïna;

Éxodo 33:16

Jumatejj jan nanacampi sarcasma ucajj ¿cunjämataraqui yatisispasti jakenacamasa, nayasa juman yanapamampi sarasipcatajjatsti? Ucampis juman yanapamampiquiwa jakenacamasa, nayasa take aca oraken jaquir jakenacans uñjcata mayja uñstapjjeristjja —sasa.

Isaías 1:8

Sión marca sapaquiw jichhajj sayjje, uva uñjañ chhujllar uñtata, melón yapu uñjañ chhujllar uñtata, sapa apanucuta, uñisirinacapan muyuntat marcjamawa.”

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Jeremías 11:17

“Naya take ch'amani Tatituw uca koka ayruntta, jichhasti jach'a t'akhesiña sartayaracta Israelana, uqhamaraqui Judá orakensa jach'a ñankhanaca lurapjjatap laycu, Baal diosaru incienso loktasasti nayarojj ñankhachapjjetuwa.”

Jeremías 2:21

Mä suma uva alïcasmas uqhamwa nayajj ayrusïyäsma, wali suma uva jathat jutirïcasmas uqhama. Ucampisa jichhajj k'ala jan wali tucutätawa, jan uñt'añjamäjjtawa.

Oseas 10:1

Israelajj walja achuni uva alir uñtatawa; ucampisa achupajj juc'ampïtap laycojja, juc'ampi altaranacracwa lurarasipjjäna; orakepan juc'ampi sumätap laycojja, kollana kalanacapas juc'ampi sumaraquïnwa.

Miqueas 4:8

Jumasti Jerusalén, Sionan torrepa, uqhamarac sayt'asiñapa, jumaw nayan reinojjan jach'a marcapa tucüta, nayrajj cunjäma jach'a marcäcäyätatejj uqhama.”

Números 23:9

Aca jach'a kalanac patatwa uñjta, aca jisc'a kollunac patatwa uñtaracta; yakhachataw aca marcajj jacaraqui, janiraquiw cawquïr marcjamäquisa.

Mateo 21:19

Thaqui jac'ansti higo kok uñjäna, ucaru jac'achasisinsti janiw ni mä higo achsa jicjjatcänti, jan ucasti laphinacac uñjäna. Ucatwa Jesusajj uca higo kokarojj säna: —¡Janipun mayampis ach churamti! —sasa. Ucspachaw kokajj wañsuwayjjaraquïna.

Mateo 21:33

“Ist'apjjaraquim aca amuyt'a toke: Mä yapuchir jakew uva alinac orakeparu ayruntäna, ucjjarusti lawanacampiraquiw muyuntayäna. Luraraquïnwa uca uva ch'irwsuñataquejja mä uta, uqhamarac mä torre luraraquïna take ucanac uñjañataqui. Ucat yapunejj yakha yapuchir jakenacaruw uca yapupjja arrendjawayi ucatsti jayaruw sarjje.

Mateo 21:34

Cunapachatejj yapu apthapiñ horasajj purinjjän ucqhajja, uca yapuruw qhiti mä kawkha jupan uywatanacaparu, cunatejj jupar wact'cäna apsusiñapajj cosechatjja uca aptaniri.

Marcos 11:13

Jayat uñtasinsti, mä higo koka uñjäna, ucasti laphinïscänwa. Jesusasti: —Achunïpachacha —sasaw uñjir saräna. Purisinsti laphinacac jicjjatäna. Janiw mä achus utjcänti, janïraw higo horasäcaraquïnti uca laycu.

Marcos 12:1

Ucjjarusti Jesusajj uñtasïwinac toke parlañ kalltäna: “Mä jakew utjäna, orakeparusti uva alinac ayruntäna. Ucatsti uyuchrantayänwa; uqhamaraquiw uva ch'irwañ waquicharaquïna. Uñjañataquisti mä torre luraraquïna. Jupasti yapuchir jakenacaruw uca orakepjj arrendjawayäna, ucatsti jaya marcaruw sarjjäna.

Marcos 12:2

Yapu apthapiñ horas purinipansti, uca jakejj mä uywataparuw qhitäna. ‘Uca yapuchirinacat achunac mayinirapjjeta kawkhatejj nayar wact'quitus uca’ sasa.

Romanos 9:4

Jupanacajj israelitanacäpjjewa, jupanacarusti wawapatwa Diosajj catokasjje. Diosasti wali ch'aman cancañapanjja jupanac taypincaraquïnwa arust'äwinacsa Moisesan leyinacapsa churaraquïnwa, templon culto lurañsa uqhamarac arsutanacapsa.

1 Corintios 9:7

¿Qhiticha soldado sirviñanjja pachpa kollkepampi phokhanejja? ¿Qhitich jan ucajj uva yapuchasajj uvjja jan mallt'quejja? ¿Qhitich jan ucajj oveja awatisajj ovej lechsa jan mallt'caraquejja?

Deuteronomio 32:6

¿Aqhamti Diosaru pagapjjta? Pisi chuyma jan yatiñan jakenaca, ¿janit jupasti awquimäqui, irnokerimäcaraqui? ¡Jupaw irnoktam, jacañsa churaractam!

Jueces 16:4

Sansón chachasti, Dalila sat warmiruw sinti munäna. Aca warmisti Sorec sat vallenwa jacänjja.