2 Samuel 7:10 - Qullan Arunaka DC

¹⁰ Ukhamarus Israel markaxatakix mä chiqawja wakicharakta, ukaruw jupanakar uchta pachpa uraqipan jakasipxañapataki, jan khitis kun jupanakar saskañapataki, janiraki jan wali jaqinakas t'aqhisiyaskañapataki, kunjämtix qalltan lurapkän ukhama,

Aymar Bibliia 1986

¹⁰ Uqhamarus marcajjataquejj mä orake waquicharactjja, ucaruraquiw Israel marcajj uscusta uca pachpa chekan jacapjjañapataqui, jan qhitis cun sascañapataqui, uqhamarac jan wali jakenacas jan t'akhesiyascañapataqui cunjämatï kalltanjja lurapcäna uqhama,

Qullan Arunaca

¹⁰ Uqhamarus marcajjataquejj mä orake waquicharactjja, ucaruraquiw Israel marcajj uscusta uca pachpa chekan jacapjjañapataqui, jan qhitis cun sascañapataqui, uqhamarac jan wali jakenacas jan t'akhesiyascañapataqui cunjämatï kalltanjja lurapcäna uqhama,

2 Samuel 7:10 Jak'a apnaqawi uñst'ayäwi

2 Reyes 21:8

Janiw israelitanakarux, nayra awkinakapar churkta uka uraqit wasitat jaqunukkäti, jupanakatix nayan arsutaxarjam sarnaqapxani, Moisés luqtirixax churawayki uka yatichäwinakarjamsa phuqhapxarakini ukapacha” sasa.

1 Crónicas 17:9

Ukhamarus Israel markaxatakix mä chiq wakichta, ukawjaruw utt'ayta uraqipan jakasiñapataki, jupanakarux jan khitis kun kamsañapataki, janiraki jan wali jaqinakas nayrjam t'aqhisiyañapataki,

2 Crónicas 33:8

Israelitanakarux janiw mayampis kawkïr uraqtix nayra awkinakapar churkta ukat jaqunukkäti, jupanakatix taqi arsutanakaxaru, taqi yatichäwinak phuqhapxani, ukhamarak Moisés tuqi churawaykta uka kamachinaka, arsüwinak phuqhapxani ukapachaxa” sasa.

Salmos 44:2

2 (3) Diosar jan uñt'irinakarux amparamampiw jaqunuktaxa, markanakaruw mutuytaxa, ukarurakiw nayra awkinakaxar utt'aytaxa.

Salmos 44:4

4 (5) ¡Reyixay! ¡Diosaxay! Jumaw Israel markaman atipjañapatak ch'am churtaxa;

Salmos 80:8

8 (9) Jumaw Egiptot uva alir uñtat apsuntaxa, Diosar jan uñt'ir jaqinak jaqunukusin ayrunttaxa.

Salmos 80:9

9 (10) Jumaw uraq sum q'umachtaxa, uva alisti, saphintänwa, uraqpacharuw phuqhantarakïna.

Éxodo 1:22

Faraón reyisti taqpach markaparuw säna: “Israelitanak taypintix yuqall wawanakax yurchixa, jawirar jaquntanipxam, ukampis imilla wawanakax jakaskpan” sasa.

Éxodo 15:17

Tatay, qullan qullumar jakir irpapxita, jakañatak jumax ajlliskta uka chiqaru, amparamamp sayt'ayat utamaru.

Isaías 5:2

Uka uraq unxtayi, qalanaksa sum pallsu, suma ajllit alinak ayrunti. Uka yapu taypirusti mä torre sayt'ayi, uvanak ch'irwsuñatakiw mä chiq wakichi. Jupasti muxsa uvanak suyt'äna, ukampis k'allk'u uvanakakiw achxäna.

Isaías 5:7

Taqi ch'amani Tatitun uva yapupaxa, uka suma munat yapupasa, Israel markawa, Judá markarakiwa. Tatitusti jupanakatxa, kamachipar yäqatäñap munänxa, ukampis jaqi jiwayañanakak jikxatixa; chiqa luräwinak suyt'änxa, ukampisa t'aqhisiñat warariñanakak jikxatarakixa.

Isaías 60:18

Uraqimansti ch'axwañanakax janipuniw mayampis ist'askxaniti, janirakiw t'unjatäñampi, aynacht'añampix utjkxaniti, jan ukasti pirqanakamarux: ‘Qhispiyasiña’ sasaw sutichäta, punkunakamarusti: ‘Yupaychaña’ sasaw suticharakïta.

Isaías 60:21

“Markamankir taqi jaqinakasti aski jaqinakäniwa, wiñayatakiw uka markax jupanakankxani; kawkïr alirutix nayax ayruntkäyätxa ukat sartirïpxtawa, amparaxampi uskutäpxtawa, ukhamat nayan jach'a kankañax uñacht'ayañataki.

Jeremías 18:9

Yaqha urun uka markarux sayt'ayirista, jach'arus jiltayarakirista.

Jeremías 24:6

nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.

Ezequiel 28:24

“ ‘Israel markasti janiw mayampsa t'aqhiskxaniti, kunjämatix yaqha markanakan jisk'achatapampix ch'aphinakampjam t'aqhiskän ukhama. Ukapachaw nayan Tatitütax yatipxani’ sasa.

Oseas 2:18

18 (20) “Khä urunsti, Israel markatakix, pampankir laq'unakampi, jamach'inakampi, katarinakampix mä suma arust'äwiruw mantä, aka markatsti, nuwasiñ yänakap aparasin q'al t'unthapï, ukhamat markaxax samart'at sarnaqasxani.

Amós 9:15

Nayaw jupanakarux kipka uraqinakapar ayruntä, ukatsti janiw mayampis jupanakar churat uraqit jik'suta uñjasipkaniti.” Tatitu Diosaw uk arsu.

Apocalipsis 21:4

Jupaw taqi jachanakap nayranakapat picharani, janirakiw jiwañasa, jachañasa, warariñasa, usuyasiñas utjkxaniti, taqi kunanakatix nayrax utjkän ukanakax tukusxiwa” sasa.

Jueces 4:3

Jabín reyix hierrot lurat llätunk pataka carronakanïnwa, israelitanakarux pä tunka maraw walpun t'aqhisiyäna, ukhamïpan israelitanakax yanapt'ayasiñatak Tatitur art'asxapxäna.

1 Samuel 13:17

filisteonakax campamentopat kimsa tamar t'aqjtataw mistunïna; maynïr tamax Sual uraqinkir Ofrá uksaruw saräna,