Jeremías 24:6 - Qullan Arunaca

⁶ Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Aymar Bibliia 1986

⁶ Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Qullan Arunaka DC

⁶ nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.

Jeremías 24:6 Jak'a apnaqawi uñst'ayäwi

Génesis 44:21

Ucapachasti jumajj: ‘Irpanipjjam uca sullca jilama’ sapjjaraquiyästawa, uñt'añ munatam laycu.

2 Crónicas 16:9

Tatitusti sumwa uñjasqui take acapachana cunanacatejj lurasisqui ucanacjja, uqhamata ch'ama churañataqui qhitinacatejj chekpachana juparu iyawsasipqui ucanacaru. ¡Jumasti mä lokjamawa uqham lurtajja! ¡Jichhat ucsarusti juc'ampi guerranacawa jumataqui utjani!” sasa.

Nehemías 5:19

“¡Diosajjay, amtasitaya nayan asquejjataqui, take cunanactejj aca marcataqui lurcta uca laycu!”

Salmos 34:15

Tatitojj asqui jakenacaruw imasqui, arnakasitanacaparusti ist'araquiwa.

Salmos 44:2

Diosar jan uñt'irinacarojj amparamampiw jakonuctajja, marcanacaruw mutuytajja, nayra awquinacajjar utt'ayañataqui.

Isaías 14:1

Jïsa, Tatitojj Jacobotjja qhuyapt'ayasiniwa, Israelarusti wasitatwa jupan ajllisitapat uñt'asjjani, israelita jakenacasti wasitatwa orakenacaparojj utjnokasjjapjjaraquini. Jaya marcan utjir jakenacasti jupanacarojj jac'achasipjjaraquiniwa, Jacobon marcapampisti mayachasjjapjjaraquiniwa.

Isaías 60:21

“Marcamanquiri take jakenacasti suma jakenacäniwa, orakepatsti wiñayataquiw jupanacancjjani; cawquïri altï nayajj ayrcäyätjja ucat sartirïpjjtawa, amparajjampi uscutäpjjtawa, nayan jach'a cancañajj uñacht'ayañataqui.

Jeremías 1:10

“Nayaw arunacajj-jja lacamaru uchta. Jichhajj take munañanïñwa chursma, reinonacjjaru, marcanacjjarusa, jiq'inucuñamataqui, liwinucuñamataqui, t'unjañamataqui, pampa tucuyañamataquisa, uqhamaraqui, wasitat utacht'asin sayt'ayañamataquisa” sasa.

Jeremías 12:15

Uqhama jiq'inucutatsti, jupanacatjja qhuyapayasiraquïwa, pachpa orakeparu, pachpa marcaparuw cuttayanjjaraquï.

Jeremías 16:15

jan ucasti sapjjätawa: ‘Israelitanacaru amsta marcata uqhamaraqui yakha marcanacaru ananacutat cuttayanquistu uca Tatitojj jacasquiwa’ sasa. Nayaw jumanacarojj orakemaru cuttayanjjapjjäma, cawquïri oraktejj nayra awquinacamaru churcta ucaru.

Jeremías 21:10

Nayasti aca marcjjarojj ñankha apaniñwa amtta, janiwa asqui apaniñti. Aca marcjja Babilonianquir reyiruw catuyä, jupasti ninampiw aca marcjja naqhantayaraquini.’ Naya Tatituw ucjja arsta.

Jeremías 23:3

Naya quipcaraquiw ovejanacajj-jja anthapisinjja cawquïri marcanacarutejj chhuqhunucuycta ucata, tantacht'asinsti pastonacaparuw cuttayanjjä, uqhamata walja kallunacanïpjjañapataqui.

Jeremías 29:10

“Naya Tatituw sista: ‘Cunapachatejj Babiloniaru pakallko tunca marajj phokhasjjani, ucapachasti nayajj jumanacatjja amtasjjäwa, cuntejj jumanacataqui arscta uca arsutajjsti phokharaquïwa, jumanacarusti cuttayanjjapjjaraquïmawa aca pachpa chekaru.

Jeremías 31:28

Cunjämatejj jiq'inucuñataquisa, liwinucuñataquisa, pampa t'unjañataquisa, tucjañataquisa, cunayman ñankhanaca lurañataquisa nayajj janc'aquïyätjja, uqhamaraqui jichhajj janc'aquiraquïyäwa wasitat sayt'ayañataquisa, uqhamaraqui wasitata ayruntañataquisa. Naya Tatituw ucjja arsta.

Jeremías 31:4

Israel, jumarojj wasitatwa sayt'ayjjäma, wasitataracwa chhulluchhullunacamampi, c'uchiqui thokt'asir jutäta.

Jeremías 32:37

Nayaw jakenacaparojj take marcanacat anthapinjjä, cawquïri marcanacarutejj ananuccta ucanacata, cunapachatejj nayajj jupanacataqui sinti coleratäcäyät ucapacha. Nayasti jupanacarojj aca pachpa orakeruw cuttayanjjä ucan c'uchiqui jacasjjapjjañapataqui.

Jeremías 32:41

Jupanacaru asquinac lurasinsti nayajj cusisiraquïwa, take chuymaraquiwa jupanacarojj aca oraken utjasiyaraquï” sasa.

Jeremías 33:7

Judá marcana, uqhamaraqui Israelan sarnakäwipsa sumaruw tucuyjjaraquï, ucatsti wasitatwa jupanacarojj sayt'ayjjä: cunjämäpcäntejj kalltanjja uqhamäjjapjjañapataquiraqui.

Jeremías 33:9

Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Jeremías 39:12

“Jeremiasarojj juma quipca uñjam, janiraqui cuna ñankhsa luramti, jan ucasti take cuntejj maycätam uca churaraquim” sasa.

Jeremías 42:10

‘Jumanacatejj aca oraken kheparaña munasipcsta ucajj, nayajj jumanacarojj jach'aruw aptapjjäma; janiw tucjapcaraquïmati, jan ucasti nayaw ayruntapjjäma, janiraquiw jiq'inucupcämati, uca jan walt'añanaca apayanitajjatsti walpun amtaracta.

Ezequiel 36:24

Nayaw jumanacarojj take uca marcanacat apsunjjapjjäma, tantacht'asinsti orakemaruw cuttayjjapjjäma.

Amós 9:14

Ucqhawa Israel marcarojj apanucutat cutt'ayanëjja. T'unjat marcanacsa wasitat sayt'ayapjjani, ucanracwa jacasipjjani; uva yapunacwa ayruntapjjani, ucatsti vino umapjjaraquini. Huertonacap yapuchasinjja, achunacapjja mank'apjjaraquiniwa.

Deuteronomio 11:12

Uca oraksa Diosaraquiwa imaraqui, marpacharaquiw jupajj uñch'uquiniraqui.

1 Pedro 3:12

Tatitusti asqui jakenacarojj imiwa, mayisitanacapsa ist'araquiwa, ucampis jan wali lurir jakenacarojj janiw ist'quiti.”