Jeremías 24:6 - Qullan Arunaka DC

⁶ nayaw jupanakarux imaskä, ukatsti uraqiparuw kuttayanxä; ukan jupanakarux wali sum jakayarakï, janiw mayampis jupanakarux t'unjkxäti; janirakiw jupanakarux yaqha markar katuntat apaykxäti.

Aymar Bibliia 1986

⁶ Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Qullan Arunaca

⁶ Nayaraquiw jupanacarojj suma uñjascä, ucatsti aca marcaruw cuttayanjjaraquï; acanwa jupanacarojj wali suma jacasiyaraquï, janiraquiw mayampi jupanacarojj t'unjcjjäti; ayruntäwa, ucatsti janiraquiw jiq'inuccäsa.

Jeremías 24:6 Jak'a apnaqawi uñst'ayäwi

Génesis 44:21

Ukatsti jumax jupar uñt'añ laykuw sapxarakistaxa: “uka sullka jilam irpanipxam” sasa.

2 Crónicas 16:9

Tatitux kunanakatix akapachan lurasiski ukanak sum uñjaski, ukat khitinakatix taqi chuymampi jupar katuyasipki ukanakar ch'am churañataki. ¡Jumasti luqhir uñtataw ukham lurtaxa! Jichhat uksarusti juk'amp ch'axwañanakaw jumatak utjani” sasa.

Nehemías 5:19

Ukhamasti, Tatitur mayt'asisaw sarakta: ¡Tatitu Diosaxay, nayan askixatak amtasitaya, taqi kunanaktix aka marka layku lurkta ukanakata! sasa.

Salmos 34:15

15 (16) Tatitux aski jaqinakaruw imaski, arnaqasitanakaparus ist'arakiwa.

Salmos 44:2

2 (3) Diosar jan uñt'irinakarux amparamampiw jaqunuktaxa, markanakaruw mutuytaxa, ukarurakiw nayra awkinakaxar utt'aytaxa.

Isaías 14:1

Israel markat khuyapt'ayasitapatxa, Tatitux wasitat jupan ajllisit markapat uñt'asxistani. Tatitux uraqisaruw kuttayanxistani. Yaqha markan utjir jaqinakasti markas taypin jawsayasiñatakiw jutapxani, ukatsti markasampiw mayachasxapxani.

Isaías 60:21

“Markamankir taqi jaqinakasti aski jaqinakäniwa, wiñayatakiw uka markax jupanakankxani; kawkïr alirutix nayax ayruntkäyätxa ukat sartirïpxtawa, amparaxampi uskutäpxtawa, ukhamat nayan jach'a kankañax uñacht'ayañataki.

Jeremías 1:10

“Nayaw arunakax lakamar uchta. Jichhax taqi munañanïñ chursma, marka apnaqäwinakxaru, markanakxaru, ukanakar jik'inukuñamataki, tinkuyañamataki, t'unjañamataki, pampa tukuyañamataki, ukhamaraki, wasitat utacht'asin sayt'ayañamataki” sasa.

Jeremías 12:15

Ukham jik'inukutatsti, jupanakat khuyapayasirakïwa, pachpa uraqiparu, pachpa markaparuw kuttayanxä.

Jeremías 16:15

jan ukasti sapxätawa: ‘Israelitanakaru Asirio markata, Babilonia markata, yaqha markanakaru ananukutat kuttayankistu uka Tatitux jakaskiwa’ sasa. Nayaw jumanakarux uraqimar kuttayanxapxäma, kawkïr uraqtix nayra awkinakamar churkta ukaru.

Jeremías 21:10

Nayasti aka markxarux aski lantxa, ñanqha apaniñ amtta. Aka markxa Babiloniankir reyiruw katuyä, jupasti ninampiw aka markxa phichhantani. Naya, Tatituw uk arsta.

Jeremías 23:3

Naya kipkaw ovejanakaxar anthapisinxä, kawkïr markanakarutix ananukuykäyäta ukata, tantacht'asinsti suma chiqäwjaruw kuttayanxä, ukhamat mä jach'a marka tukxañapataki.

Jeremías 29:10

“Tatitux siwa: ‘Kunapachatix Babiloniaru paqallqu tunka mara apnaqañap phuqhasxani ukkhasti, nayax jumanakat amtasxäwa, arsutaxarjamaw phuqharakï, jumanakarusti aka pachpa uraqiruw kuttayanxapxarakïma.

Jeremías 31:28

Kunjämatix nayrax jik'inukuñataki, liwinukuñataki, pampa t'unjañataki, tukjañataki, kunayman ñanqhanak lurañatakis nayax jank'akïyätxa, ukhamarak jichhax wasitat sayt'ayañatakisa, ayruntañatakis jank'akirakïyä. Naya, Tatituw uk arsta.

Jeremías 31:4

Israel marka, jumarux wasitat sayt'ayxäma. Wasitat chhullu chhullunakampi, k'uchik thuqt'asir jutäta.

Jeremías 32:37

Nayaw jaqinakaparux taqi markanakat anthapinxä, kawkïr markanakarutix nayax jupanakatak sinti phiñasitäkäyät ukapacha ananukkäyät ukanakata. Nayasti jupanakarux aka pachpa uraqiruw kuttayanxä ukan k'uchik jakasxapxañapataki.

Jeremías 32:41

Taqi chuymaxampiw aka uraqin jupanakarux utjasiyxä, markaxan suman jakasxatapaw nayarux kusisiyitani” sasa.

Jeremías 33:7

Judá markana, Israel markan sarnaqäwipsa sumaruw tukuyxarakï, kawkïr markarutix apayatäpkäna uka markatxa kuttayanxäwa, ukatsti jupanakarux wasitat sayt'ayxä: kunjämäpkäntix qalltanxa ukhamäxapxañapataki.

Jeremías 33:9

Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Jeremías 39:12

“Jeremiasarux juma kipka uñjam, janirak kuna ñanqhsa luramti, jan ukasti taqi kuntix maykätam uk churam” sasa.

Jeremías 42:10

‘Jumanakatix aka uraqin qhiparañ munapxstaxa, nayax jumanakarux jach'aruw tukuyapxäma; janiw tukjapkämati, jan ukasti nayaw mä quqarjam ayruntapxäma, janirakiw jik'inukupkämati, uka jan walt'añanak apayanitaxatsti walpun amtarakta.

Ezequiel 36:24

Nayaw jumanakarux taqi uka markanakat irpsunxapxäma, tantacht'asinsti uraqimaruw kuttayanxapxäma.

Amós 9:14

Ukkhaw Israel markarux jaya markar apanukutat kuttayanï. Jupanakaw t'unjat markanak wasitat sayt'ayapxani, ukan jakasipxarakini; uva alinak ayruntapxani, jupanakan vinop umapxani, yapuchasinsti, achunakap manq'apxarakini.

Deuteronomio 11:12

Tatitu Diosaw uka uraqi uñjaski, marpacharakiw jupax uñch'ukisinki.

1 Pedro 3:12

Tatitusti aski jaqinakarux imiwa, mayisitanakaparus ist'arakiwa, ukampis jan wali lurir jaqinakarux janiw ist'kiti.”