2 Corintios 2:12 - Qullan Arunaca

Cunapachatï Troas marcar Cristo Tatitun arunacap parlañataqui purincta ucqhajja, walipunïnwa uca marcan Tatitutac irnakañajja.

Aymar Bibliia 1986

Cunapachatï Troas marcar Cristo Tatitun arunacap parlañataqui purincta ucqhajja, walipunïnwa uca marcan Tatitutac irnakañajja.

Qullan Arunaka DC

Kunapachatix Tróade markar Criston suma yatiyäwi arunakap yatiyir purkäyät ukkhaxa, Tatitutak irnaqañax uka markan walipuniw utjäna.

2 Corintios 2:12 Jak'a apnaqawi uñst'ayäwi

Hechos 14:27

Antioquiar purisinsti, iglesia jilatanacaruw jawsthapipjjäna. Ucat jupanacarojj take cunanactejj Diosajj jupanac toke lurcatayna ucanacwa yatiyapjje. Uqhamaraquiw yatiyapjjäna cunjämtejj Tatitojj jan judionacäpquis ucanacan iyawsapjjañapataqui punc jist'arcän ucsa.

Hechos 16:11

Troas chekat sarjjatasinsti, Samotracia islaruw chekaqui sarapjjta. Khepürusti Neápolis marcaruw puripjjaracta.

Hechos 16:8

Misia toke sarasinsti Troasaruw sarakapjjäna.

Hechos 20:8

Altos patan tantacht'atäsipcäyätwa. Ucansti walja mechanacaw khanascaraquïna.

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

1 Corintios 16:9

ucansti waliw Tatitutaqui lurañajj utjaraquitu waljaninacar Tatitur uñt'ayasa, waljaninac naya contra utjcchi ucasa.

1 Corintios 9:12

Yakhanacajj take ucanacwa jumanacatjja catokapjje. Ucanacat sipansa nanacaw jumanacat take ucanaca catokapjjañanacajjajja. Ucampis janiw nanacajj take ucanacatjja arsusipcti jan ucasti take cunansa amuquïsipctwa Tatitun arunacap parlañajj jan jaytatäñapataqui.

1 Corintios 9:14

Uqhamaraquiw Tatitojj saraqui: “Qhitinacatejj evangelio parlapqui ucanacajj uca irnakatapataraqui mank'añapa” sasa.

1 Corintios 9:16

Nayataquejj janiw cuna jach'achasiñäquisa evangelio parlañajja, jan ucasti, waquisituwa parlañajjajja. ¡Janitejj Diosan arunacap parlquirist ucajja cunaquïcaspa nayataquejja!

2 Corintios 10:14

Ucatwa nanacajj cunatejj lurañanacajjäqui ucat juc'ampjj jan lurapcti, janis nanacajj jumanacar purinipquiristjja uqhama. Nanacajjay jumanacarojj nayrakata Criston arunacapampejj purinipjjstjja.

2 Corintios 11:4

Jumanacajj wali sum catokapjjtajja qhitinacatejj yakha Jesusjjat parlasis purisipqui ucanacarojja, cawquïr Jesusattï nanacajj parlapcsman ucat sipansa. Uqhamaraquiw yakha ajaysa sum catokapjjtajja cuntï nanacat catokapcäyätas uca Ajayut sipansa, yakha arunacsti sum catokapjjaractajja khespiyasiñ arunac churapcsmas ucat sipansa juc'ampi.

2 Corintios 11:7

Cunapachatï evangelio arunac jumanacar parlapcäyäsmajja jan cuna mayisa, nayapacha jisc'ar tucusa, jumanacajj jach'ar aptatäpjjañamataqui, ucach jan ucajj, ¿jan walïcjjejja?

2 Corintios 4:3

Ucampis khespiyasiñ arunaca parlapcsma ucanacatejj jan khanäcchejja, qhitinacatejj chhakañaru sarapqui ucanacataquiquiw uqhamäsqui.

2 Corintios 4:4

Cunjämatï jupanacajj jan iyawsapquejja, ucatwa acapach diosajj jupanacan amuyt'anacapjja ch'amact'ayi jan Criston khanquir arunacapa uñjapjjañapataqui, Diosajj cunäquitejj uc uñacht'ayasa.

2 Corintios 8:18

Titomp chicsti mayni jilataruraquiw qhitanipjjta. Uca jilatatsti take iglesianacanjja wali sumwa parlapjje, Tatitun luräwipan suma irnakatap laycu.

2 Corintios 9:13

Aca yanapasti jupanacarojj Tatitun arunacaparjam sarnakapjjatamwa uñacht'ayani, ucatsti jupanacajj Diosaruw yupaychapjjani. Diosarusti jach'aruraquiw aptapjjani, jumanacajj uqham cusisit chuymampi jupanacataquis, takenitaquis apthapt'apjjatamatjja.

Colosenses 4:3

Nanacataquis orapjjaraquim Diosajj nanacatac waquichañapataqui arunacap parlañataqui, uqhamarac cunatejj Criston imantatäqui ucanac khanañchañataquisa, uca imantata laycuraquiw jichhas preso jicjjatasisctjja.

1 Tesalonicenses 3:2

ucatsti Timoteo jilataruw qhitanipjjsma jumanacar uñjiri. Jupajj Diosan sirviripawa, Tatitun khespiyasiñ arunacap parlañanjja nanacamp chicaraquiw irnake. Ucatsti jupajj ch'amacht'apjjeristamwa, nayraruw irptapjjeristam iyawsäwinjja,