1 Corintios 9:12 - Qullan Arunaca

¹² Yakhanacajj take ucanacwa jumanacatjja catokapjje. Ucanacat sipansa nanacaw jumanacat take ucanaca catokapjjañanacajjajja. Ucampis janiw nanacajj take ucanacatjja arsusipcti jan ucasti take cunansa amuquïsipctwa Tatitun arunacap parlañajj jan jaytatäñapataqui.

Aymar Bibliia 1986

¹² Yakhanacajj take ucanacwa jumanacatjja catokapjje. Ucanacat sipansa nanacaw jumanacat take ucanaca catokapjjañanacajjajja. Ucampis janiw nanacajj take ucanacatjja arsusipcti jan ucasti take cunansa amuquïsipctwa Tatitun arunacap parlañajj jan jaytatäñapataqui.

Qullan Arunaka DC

¹² Mayninakatix jumanakat ukham katuqchixa, nanakatakix ukat juk'ampi katuqañaw wakisi. Ukampis janiw nanakax taqi ukat arsusipkti, Diosan suma yatiyäwi arunakap qhanañchañ jan jark'atäñap laykux amukiw mutupxta.

1 Corintios 9:12 Jak'a apnaqawi uñst'ayäwi

Génesis 24:56

Sirviristi saraquïnwa: —Jan juc'ampi jarc'apjjestati. Diosaw nayarojj saräwejjan yanapasquitu, uqhamasti uywirejjan utapar qhitanucjjapjjeta.

Nehemías 4:8

Ucatsti takeniwa mayaqui amtapjjäna Jerusalenaru ñankha luraña, uqhamaraqui t'unjañataqui.

Lucas 11:52

“¡Ay, camachapcaquïta, ley yatichirinaca! Jumanacasti yatiñ puncun llavepjja catuntasipjjtawa, janiraquiw jumanacas mantapctati, ni mantañ munirinacarus mantayapctati.

Hechos 18:3

Aquilamp Priscilampisti carpanac lurirïpjjänwa. Pablosti uca luririraquïnwa. Ucatwa Pablojj jupanacamp chic khepari irnakañataqui.

Romanos 15:22

Ucataracpï jumanacan ucaru jan uñjir jutctejja, walja cuti muncchïyäta ucasa.

1 Corintios 13:7

Take cun t'akhesi, take cun iyawsi, take cun llamp'u chuymampi suyt'araqui.

1 Corintios 6:7

Jumanac taypin ch'ajjwañanac utjatapampejj k'ala aynacht'atäjjapjjtawa. ¿Cunatsa jan t'akhesipcta jan ch'ajjwasaquejja? Mayninacatejj aparañ munapjjstam ucqhajja: “Apasipjjpan” sapjjamaya.

1 Corintios 9:14

Uqhamaraquiw Tatitojj saraqui: “Qhitinacatejj evangelio parlapqui ucanacajj uca irnakatapataraqui mank'añapa” sasa.

1 Corintios 9:15

Ucampis nayajj janipuniw cuns catokcti, acsa janiraquiw kellkanipcsmati nayar mä cunsa churapjjañanacamataqui. ¡Janïra qhitis nayat aca cusisiñajja apakquipanjja asquïspaw nayan jiwjjañajjajja!

1 Corintios 9:16

Nayataquejj janiw cuna jach'achasiñäquisa evangelio parlañajja, jan ucasti, waquisituwa parlañajjajja. ¡Janitejj Diosan arunacap parlquirist ucajja cunaquïcaspa nayataquejja!

1 Corintios 9:18

Nayataquejj uca wajjt'asiñajj acawa: Chuymajjanjja cusisiñaw utji jan qhititsa cun mayis khespiyasiñ arunac parlatajjata. Janiraquiw cunatejj wact'quitu ucanacsa mayiscti.

1 Corintios 9:2

Mayninacajj: “Janiw jupajj apostolöquiti” sapjjaquitaspawa, ucampis jumanacataquejj mä apostolötwa. Nayasti jumanacarojj Tatituruw uñt'ayapjjsma, ucawa nayataquejj apóstol satäñajjataqui uñacht'äwejja.

2 Corintios 11:12

Ucampis cuntï lurcta ucjja lurascaquïwa, uqhamata qhitinacatejj cuna c'arinacsa thakapqui, nanacjam tucuñ munasa suman uñt'ayasiñataquiraqui, ucanacar jan uqham lurañapataqui.

2 Corintios 11:20

Ucampis jumanacajj janiw arsusipctati uca ch'amampi sirviyasirinacarojja, jumanacan tucjirinacarusa, jumanacar jisc'achirinacarusa, uqhamarac jumanacar nuwirinacarusa.

2 Corintios 2:12

Cunapachatï Troas marcar Cristo Tatitun arunacap parlañataqui purincta ucqhajja, walipunïnwa uca marcan Tatitutac irnakañajja.

2 Corintios 6:3

Janiraquiw qhitirus cuna jan walsa lurapcti, uqhamata nanacan luräwinacajjat jan walinac parlasipcañapataqui.