2 Corintios 11:7 - Qullan Arunaca

⁷ Cunapachatï evangelio arunac jumanacar parlapcäyäsmajja jan cuna mayisa, nayapacha jisc'ar tucusa, jumanacajj jach'ar aptatäpjjañamataqui, ucach jan ucajj, ¿jan walïcjjejja?

Aymar Bibliia 1986

⁷ Cunapachatï evangelio arunac jumanacar parlapcäyäsmajja jan cuna mayisa, nayapacha jisc'ar tucusa, jumanacajj jach'ar aptatäpjjañamataqui, ucach jan ucajj, ¿jan walïcjjejja?

Qullan Arunaka DC

⁷ Criston suma yatiyäwi arunakap jan kun mayisak yatiyapksma, nayapach jisk'ar tukus jumanakan jach'ar aptatäpxañamataki, ¿ukati jan walïkisti?

2 Corintios 11:7 Jak'a apnaqawi uñst'ayäwi

Hechos 20:33

Janiw nayajj munapaycäyätti qhitin kollkepsa ni qhitin isipsa.

Hechos 20:34

Jan ucasti quicpa amparanacajjampiw nayajj irnakasta take cuntejj muncta ucanac jicjjatañataqui, uqhamarac nayamp chicäquis ucanacataquisa. Jumanacajj sumwa ucanacjja yatipjjta.

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

1 Corintios 9:12

Yakhanacajj take ucanacwa jumanacatjja catokapjje. Ucanacat sipansa nanacaw jumanacat take ucanaca catokapjjañanacajjajja. Ucampis janiw nanacajj take ucanacatjja arsusipcti jan ucasti take cunansa amuquïsipctwa Tatitun arunacap parlañajj jan jaytatäñapataqui.

1 Corintios 9:6

¿Jan ucajj jumanacajj amuyapjjtacha Bernabeampi nayampiquicha jan asquïpctjja jilatanacat take ucanac catokañataquejja?

2 Corintios 10:1

Naya Pablow jumanacarojj Tatitun munasiñap laycu achict'apjjsma. Cunapachatï jumanacampïcta ucqhajja: “Wali llamp'u jakew” sapjjetuwa. Ucampis jumanacat jayancjjta ucqhajja: “Khoru jakew” sapjjaraquituwa.

2 Corintios 10:16

Ucatsti jumanacat jayaru yakha chekanacaruw sarañ munapjjaractjja, uqhamat khespiyasiñ arunaca ucqhanacaru apasa. Ucampis janiraquiw mayninacan irnakatanacapar mantasina jach'a jach'a tucuñ munapcti nanacan luratanacajjäcaspas uqhama.

2 Corintios 12:13

Jumanacarojj janiw yakha iglesianacat menosäpcasmas uqham lurapcsmati, jan ucasti jumanacat jan cun mayitajjaquiw utjejja. ¡Perdonapjjet uqham jan mayitajjatjja!

2 Corintios 2:12

Cunapachatï Troas marcar Cristo Tatitun arunacap parlañataqui purincta ucqhajja, walipunïnwa uca marcan Tatitutac irnakañajja.

1 Tesalonicenses 2:9

Jilatanaca, ¿amtasipjjtati cunjämsa irnakapjjäyäta, uqhamarac t'akhesipjjäyäta jacañataqui ucjja? Uruy aruma irnakapjjäyäta jumanacatac jan cuna llaquïscañataqui cunapachatejj jumanacar Diosan arunacap churapcäyäsma ucqhajja.

2 Tesalonicenses 3:8

Janiraquiw qhitin mank'apsa inaqui mank'apcti, jan ucasti uruy arumaw irnakapjjta, jan jumanacataqui mä llaquïscañapataqui.