2 Corintios 2:12 - Qullan Arunaka DC

¹² Kunapachatix Tróade markar Criston suma yatiyäwi arunakap yatiyir purkäyät ukkhaxa, Tatitutak irnaqañax uka markan walipuniw utjäna.

Aymar Bibliia 1986

¹² Cunapachatï Troas marcar Cristo Tatitun arunacap parlañataqui purincta ucqhajja, walipunïnwa uca marcan Tatitutac irnakañajja.

Qullan Arunaca

¹² Cunapachatï Troas marcar Cristo Tatitun arunacap parlañataqui purincta ucqhajja, walipunïnwa uca marcan Tatitutac irnakañajja.

2 Corintios 2:12 Jak'a apnaqawi uñst'ayäwi

Hechos 14:27

Antioquía markar purisinsti, jupanakax iglesiankir jilatanakaruw jawsthapipxäna. Ukat jupanakarux taqi kunanaktix Diosax jupanak tuqi lurkatayna ukanak yatiyapxäna. Kamisatix Tatitux jan judiöpkis uka jaqinakan iyawsapxañapatak yanapt'katayna ukanaksa.

Hechos 16:11

Tróade chiqat barcor mantasin, Samotracia wat'aruw chiqak sarapxta. Qhipürusti Neápolis markaruw puripxta.

Hechos 16:8

Ukhamasti, Misia chiqa sarkasasti Tróade sat quta thiyaruw saraqapxäna.

Hechos 20:8

Nanakax amsta utan tantacht'at jikxatasisipkäyäta, ukansti walja micha chuwanakaw qhanaskarakïna;

Romanos 1:1

Roma markan iglesiankir munat jilatanaka, kullakanaka: Naya Pablox Jesucriston luqtiripa, apostoluparakïtwa, Diosaw nayar ajllisitu suma yatiyäwi arunak jaqinakar qhanañchañaxataki.

1 Corintios 16:9

ukansti Tatitutak lurañax waliw utjarakitu, waljanis nayar uñisir utjkchi ukasa.

1 Corintios 9:12

Mayninakatix jumanakat ukham katuqchixa, nanakatakix ukat juk'ampi katuqañaw wakisi. Ukampis janiw nanakax taqi ukat arsusipkti, Diosan suma yatiyäwi arunakap qhanañchañ jan jark'atäñap laykux amukiw mutupxta.

1 Corintios 9:14

Uka kipkarakiw Tatitux sawayi, khitinakatix Diosan suma yatiyäwi arunakap qhanañchapki ukanakax, uka pachpa irnaqäwit jakapxpan sasa.

1 Corintios 9:16

Nayatakix Diosan suma yatiyäwi arup qhanañchañax janiw kuna jach'achasiñäkisa, uka qhanañchañan wakisipunitap amuyta. ¡Kunakïkan nayatakixa, Diosan arunakap jan qhanañchkirista ukaxa!

2 Corintios 10:14

Ukat nanakax kunatix lurañanakaxäki ukat juk'amp jan lurapkti, janis nayrax jumanak taypir purinipkirista ukhama. Nanakaw jumanak taypir Criston suma yatiyäwi arunakap nayraqat puriyanipxta.

2 Corintios 11:4

Jumanakax wali sum katuqapxtaxa khitinakatix yaqha Jesusxat parlasis purinipki ukanakaruxa, kawkïr Jesusattix nanakax parlapksma ukat sipana. Ukhamarakiw yaqha ajaysa sum katuqapxtaxa kuntix nanakat katuqapkäyätas uka Ajayut sipansa, ukatsti yaqha arunak sum katuqapxaraktaxa qhispiyasiñ arunak churapksmas ukat sipan juk'ampi.

2 Corintios 11:7

Criston suma yatiyäwi arunakap jan kun mayisak yatiyapksma, nayapach jisk'ar tukus jumanakan jach'ar aptatäpxañamataki, ¿ukati jan walïkisti?

2 Corintios 4:3

Diosan suma yatiyäwi arunakap parlapksma ukanakatix mä velompjam imt'ata jan qhanäkchixa, khitinakatix chhaqhañar sarapki ukanakatakikiw ukhamäski.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

2 Corintios 8:18

Titompi chikasti mayni jilataruw khithanipxsma, uka jilatatsti taqi iglesianakan wali sum parlapxi, Diosan suma yatiyäwi arunakap yatiyañan wali sum irnaqatap layku.

2 Corintios 9:13

Aka yanapasti jupanakarux Criston suma yatiyäwi arunakarjam sarnaqapxatam uñacht'ayani, ukatsti jupanakax Diosaruw yupaychapxani, jumanakan ukham kusisit chuymampi jupanakatakisa, taqinitakis yanapanak apthapipxatamatxa Diosarux jach'añchapxarakiniwa.

Colosenses 4:3

Nanakatakis Diosat mayipxarakim, Tatitun punkunak jist'arañapataki, ukat arunakap parlañataki, Criston imantat amtäwip qhanañchañataki, uka laykuw jichhas nayax katuntatäskta.

1 Tesalonicenses 3:2

ukat Timoteo jilatar khithaniñataki, jupasti Criston suma yatiyäwi arunakap parlañan Diosan yanapiripawa. Juparusti jumanakan iyawsäwim thurt'ayañataki, ch'amañchañatakiw khithanipxta,