2 Corintios 2:11 - Qullan Arunaka DC

¹¹ Ukhamat Supayax jiwasar jan atipjkistaniti, ñanqha amtanakap sum yattanxa.

Aymar Bibliia 1986

¹¹ uqhamata Supayajj jan jiwasar atipjañapataqui. Yatiractanwa cunja jach'a sallkäquitejj Supayajj ucjja.

Qullan Arunaca

¹¹ uqhamata Supayajj jan jiwasar atipjañapataqui. Yatiractanwa cunja jach'a sallkäquitejj Supayajj ucjja.

2 Corintios 2:11 Jak'a apnaqawi uñst'ayäwi

Job 1:11

Kunanakapatix utjki ukanak apaqxam, ukapachaw uñjäta kunjämtix ñanqhachkätam ukxa —sasa.

Job 2:3

Ukat Tatitux juchañchir angelar jiskt'arakïna: —¿Job luqtirixar uñjaniwaytati? Janiw khitis uraqin jupjama chiqa, aski jaqix utjkiti, jupax Tatitur axsartir jaqiwa, ñanqha lurañat jithiqtataw jakasi. Jumax ina ch'usatsa yänakapa, uywanakap tukjaykchista ukasa; jupan aski sarnaqäwipax pachpakïskiwa —sasa.

Job 2:5

Jichhasti janchipar llamkt'am, ukapachaw uñjäta, kunjämtix juman ajanumar ñanqhachkätam ukxa —sasa.

Job 2:9

Warmipasti jupar sänwa: —¿Jumax ukhampachas suma jaqïñ munaskaktati? ¡Diosar ñanqhacham, ukat jiwxam! —sasa.

Mateo 4:10

Jesusasti juparux sänwa: —Saraqit nayat supaya, Diosan qillqatapasti siwa: ‘Tatitu Diosamarukiw yupaychäta, jupa saparukiw arkäta’ —sasa.

Lucas 22:31

Jesusax sarakïnwa: —Simón, Simón, sum ist'am, supayax jumanakar trigorjam jawq'suñatakiw mayi;

Juan 13:2

Supayasti niyaw Simonan Judas Iscariote yuqapan chuymapar Jesusar aljantañ amta uchatayna. Jesusasti Diosat jutatap sum yatïna, ukatsti Diosar kutt'xañapa, Awkin taqi munañanïñ kankañ churatapsa yatirakïnwa; manq'kipansti, Jesusax sartasin patxa isip apsusïna, ukatsti ajanu phiskhurasiñ isimpiw wak'antasïna.

Hechos 1:25

jupan apóstol kankañ luräwin Judas lanti sayt'añapataki, jupasti jucha luratap laykuw lurañap apanukuwayi, kawkharutix sarañapäki ukkharurakiw sarxi” sasa.

1 Corintios 7:5

Ukalayku, jan jumanak purax “janiw” sasipxamti, wakischi ukax arust'asipxam mä juk'a pacha jan jak'asiñataki, uka urunakan Diosat mayisiñataki. Uka qhipatsti wakisiw mayachasipxañama; inampis maynix janchipar jan atipirjamäsax, Supayax juchar puriychispa.

2 Corintios 11:14

Ukasti janiw kunäkisa, pachpa Supayaw k'ajkir angeläkaspas ukham tuku;

2 Corintios 11:3

Ukampis axsarañaxaw utjitu, kunjämatix katarix Eva warmir k'arinakapampi sallqantänxa, ukhamach jumanakan chuymanakam sallqantarakispa uk amuyta, ukhamäspa ukasti Cristor q'uma chuymampi arkañat saraqtayapxiristam.

2 Corintios 4:4

Jupanakax janiw iyawsapkiti, ukat akapachankir supayax amuyunakap ch'amakt'ayi, Criston qhankir suma yatiyäwi arunakap jan uñjapxañapataki, Cristosti Diosan jakkir uñanaqapawa.

2 Timoteo 2:25

jan ist'asirinakarus llamp'u chuymamp iwxt'añaparakiwa, inampis Diosax jan wali luräwinakapat kuttayasinkaspa, ukhamat jupan chiqa arunakap uñt'apxañapataki,

1 Pedro 5:8

Wal amuyt'asipxam, jank'akïpxarakim, jumanakar uñisir supayasti mä leonar uñtataw warart'asis khitir manq'antañatak thaqhaski.

Apocalipsis 13:8

Taqi khitinakatix aka uraqin jakapki, ukatsti uraqi qalltatpacha luqtat Corderon jakañ qillqatapan sutinakapas jan qillqatäpki ukanakaxa, uka jach'a axsarkañ animalaruw yupaychapxani.

Apocalipsis 2:24

Ukampis jumanakat khitinakatix Tiatira iglesian uka yatichäwinakar jan arkapkta, janirak kuntix jupanakax ‘supayan imantat yatichäwipa’ sapki, ukanaksa uñt'apkta, jumanakaruw sapxsma, janiw kunampsa mayipkämati.