1 Timoteo 1:3 - Qullan Arunaca

Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

Aymar Bibliia 1986

Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

Qullan Arunaka DC

Macedonia markar sarkasaw Éfeso markan qhiparañamatak achikt'sma, ukan k'ari yatichäwinak yatichirinakar jan juk'amp yatichasipkañapatak jark'añamataki,

1 Timoteo 1:3 Jak'a apnaqawi uñst'ayäwi

Hechos 18:19

Éfeso marcar purisinjja, Pablojj Priscilampir Aquilampir jaytawayasinjja sinagogaruw sari, judionacamp parliri.

Hechos 18:21

Jupanacarusti sänwa: [—Nayanjj waquisituwa jutcan uca fiestan Jerusalenancañajja.] “Dios munanejja, nayajj wastataw jumanacar uñjirijj jutä” sasa. Éfeso marcatjja jilatanacar jaytawayasinjja, barcot sarawayjjäna.

Romanos 15:26

Macedonianquirinacajja, uqhamarac Acayanquirinacasa mä ofrenda apthapipjje Jerusalenancquis uca pist'at jilatanacataqui.

Romanos 16:17

Jilatanaca, achict'apjjsmawa, sum amuyasipjjam qhitinacatï iglesianjja jan wali lurqui ucanacatjja. Jupanacajj jaljtañanacaru uqhamarac jan walt'añanacaruw apapjjeristam, take acanacasti cuntejj jumanacajj yatekapctas uca contrawa. Jupanacatjja jithektapjjam.

2 Corintios 11:4

Jumanacajj wali sum catokapjjtajja qhitinacatejj yakha Jesusjjat parlasis purisipqui ucanacarojja, cawquïr Jesusattï nanacajj parlapcsman ucat sipansa. Uqhamaraquiw yakha ajaysa sum catokapjjtajja cuntï nanacat catokapcäyätas uca Ajayut sipansa, yakha arunacsti sum catokapjjaractajja khespiyasiñ arunac churapcsmas ucat sipansa juc'ampi.

Efesios 4:14

Janiw wawanacjamäcjjañäniti, cawcsarus janc'aqui irpataqui, cawquïri machak yatichäwin thayapampis apataqui, uqhamarac sallka jakenacan luräwinacapar jalantasa, jupanacasti jan wali sarnakäwinacaparuw irpañ munistu.

Filipenses 2:24

Tatiturojj iyawstwa janc'aqui naya quipca jumanacar uñjiri jutañajjataqui.

1 Timoteo 4:11

Acanacjja ewjjt'am, yaticharaquim.

1 Timoteo 4:6

Actejj yatichäta jilatanacarojja, Jesucriston mä suma sirviripäyätawa, ch'amañchasïtawa iyawsäwi arunacampi, suma yatichäwinac arcatamampi.

1 Timoteo 5:7

Acanacjja ewjjt'awayaraquim, jan qhitins camscaya sarnakapjjañapataqui.

1 Timoteo 6:10

Kollkeru munañajja take jan wali luräwinacan saphipawa; ucatwa mayninacajj juc'ampi munapjjatap laycu iyawsañatjja maysaru saranucupjje, pachpa jacäwinacaparuw t'akhesiñampi yapjjatasipjje.

1 Timoteo 6:17

Aca orakenquir kamirinacarojj sañamawa: “Jan jach'a jach'a tucupjjamti” sasa, janiraqui kamir cancañaparus alcatasipjjpati, ucanacasti tucusiriquiwa. Ucat sipanjja jacquiri Diosaru catuyasipjjpan, qhititejj take cunsa jilarquir churquistu cusisit jacañasataqui ucaru.

1 Timoteo 6:3

Maynitejj c'ari yatichäwinac yatichchejja, ucatjja janiraqui Tatit Jesucriston suma yatichäwinacapjama yatichcchi, cuntejj jiwasan saräwinacasajj yatichqui, janirac ucarjamäquisa

2 Timoteo 1:18

Tatitojj churpan qhä urunjja qhuyapayasiñap catokañapataqui. Jumajj asquiw yattajja cunjämtejj Éfeso marcanjja yanapquistän ucjja.

2 Juan 1:7

Aca orakenjja walja sallkjirinacawa sarnake. Jupanacajj janiw Tatit Jesucriston mä jakeru tucusa jutatapjja iyawsapquiti. Qhititejj uca yatichäwinïqui ucajj sallkjiriwa, Tatit Jesucriston uñisiriparaquiwa.

Apocalipsis 2:14

Ucampis juma tokejj mä kawkha arunaca sañajjaw utjitu. Jumanac taypinjja Balaam sat jaken jan wali yatichäwinacap jan apanucuñ munirinacaw utjasqui. Uca Balaam jakejj Balac chacharuw amtayäna israelit jakenacaru juchar puriyañataqui, yakha diosanacar loktatäquis ucanac mank'ayasa, uqhamarac uca c'ari diosa nayrakatanjja wachoka jucha lurayasa.

Apocalipsis 2:20

Ucampis mayan juma toke sañajj utjitu. Jumajj amuquiw catoktajj uca Jezabel sata warmirojja. Uca warmejj —Dios toket parlta —siwa, ucampis janiw uqhamäquiti, jan ucasti yatichäwinacapampejj sirvirinacajjaruw pantjayasqui wachoka juchan jacayasa, uqhamarac yakha diosanacar loktatäquis ucanac mank'ayasa.