1 Timoteo 6:3 - Qullan Arunaca

³ Maynitejj c'ari yatichäwinac yatichchejja, ucatjja janiraqui Tatit Jesucriston suma yatichäwinacapjama yatichcchi, cuntejj jiwasan saräwinacasajj yatichqui, janirac ucarjamäquisa

Aymar Bibliia 1986

³ Maynitejj c'ari yatichäwinac yatichchejja, ucatjja janiraqui Tatit Jesucriston suma yatichäwinacapjama yatichcchi, cuntejj jiwasan saräwinacasajj yatichqui, janirac ucarjamäquisa

Qullan Arunaka DC

³ Maynitix k'ari yatichäwinak yatichchixa, ukat janirak Tatit Jesucriston suma yatichäwinakaparusa, jiwasan ajay tuqi saräwisarus yäqkchixa,

1 Timoteo 6:3 Jak'a apnaqawi uñst'ayäwi

Proverbios 15:4

Suma arunacajj jacaña kokjamawa, ucampis jan wali arunacajj jaken chuymaparojj usuchjiwa.

Mateo 22:21

Jupanacasti sapjjänwa: —Cesaranquiw —sasa. Ucjjarusti Jesusajj saraquïnwa: —Cesarancquis ucjja Cesarar churapjjam, Diosancquis ucsti Diosarurac churapjjam —sasa.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Romanos 16:17

Jilatanaca, achict'apjjsmawa, sum amuyasipjjam qhitinacatï iglesianjja jan wali lurqui ucanacatjja. Jupanacajj jaljtañanacaru uqhamarac jan walt'añanacaruw apapjjeristam, take acanacasti cuntejj jumanacajj yatekapctas uca contrawa. Jupanacatjja jithektapjjam.

1 Tesalonicenses 4:8

Uqhamajj qhititejj aca yatichäwir jisc'achqui ucajja janiw qhiti jakerus jisc'achquiti, jan ucasti Diosaruw jisc'achasqui, qhititejj Ajayup churquistu ucaru.

1 Timoteo 1:10

wachoka juchan sarnakerinacataqui, chachapura jan wali sarnakerinacataqui, jak lunthatirinacataqui, c'arinacataqui, c'ari juramento luririnacataqui. Leyejj asqui yatichäwinac toke parlapqui ucanacataquiraquiwa.

1 Timoteo 1:3

Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

1 Timoteo 1:6

Yakhepanacajj acatjja saranucjjapjjewa, jan cunatac sirvquir ch'ajjwañanacaru chhakasina.

2 Timoteo 1:13

Cuna suma yatichäwtejj churcsma ucatjja janipun sarakamti, iyawsäwinrac jacam, uqhamarac munasiñasajj utjquistu Cristo Jesusampi mayaru tucutas laycu ucansa.

2 Timoteo 4:3

Niya purininiwa cunapachatejj jakenacajj jan asqui yatichäwinac catokañ munapcani uca urunacajja; ucampis jupanacan munañanacaparjamaquiw walja yatichirinac thakapjjani, cunjämtejj jupanacajj yatichayasiñ munapjje uc ist'añataquiqui.

Tito 1:1

Naya Pablojj Diosan sirviripätwa, Jesucriston apostoloparaqui, jupan qhitataraqui qhitinactejj Diosajj ajllisqui ucanacar iyawsañar apaniñajjataqui, uqhamarac Diosan cheka yatichäwinacapsa uñt'apjjañapataqui,

Tito 1:9

Uqhamaraquiw catjjäsiñapa yatichatäqui uca cheka arunaca, uqhamat yakhanacar waytt'añapataqui uca suma yatichäwimpi, uqhamarac qhitinacatejj jan Diosar ist'añ munapqui ucanacar iyawsayañapataquisa.

Tito 3:8

Aca arunacasti chekawa, nayajj juman ch'aman sayt'asiñam munta, qhitinacatejj Diosar iyawsapjje ucanacajj asqui lurañanacaru uchasipjjañapataqui. Ucanacajj asquiwa sumaraquiwa taketaquisa.