1 Timoteo 1:3 - Qullan Arunaka DC

³ Macedonia markar sarkasaw Éfeso markan qhiparañamatak achikt'sma, ukan k'ari yatichäwinak yatichirinakar jan juk'amp yatichasipkañapatak jark'añamataki,

Aymar Bibliia 1986

³ Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

Qullan Arunaca

³ Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,

1 Timoteo 1:3 Jak'a apnaqawi uñst'ayäwi

Hechos 18:19

Éfeso markar purisinsti, Pablox Priscilampir Aquilampir jaytawayasin sinagogaruw sari, ukansti judionakampiw parli.

Hechos 18:21

Jupanakampi jikist'awayasinsti sänwa: [Jutkani uka uru uruyañatakix Jerusalenankañaxawa.] “Dios munanixa, nayax wasitat jumanakar tumpt'ir jutä” sasa. Ukat Pablox Éfeso markat jilatanakar jaytawayasin barcot sarawayxäna.

Romanos 15:26

Macedoniankirinakampi, Acayankirinakampix mä yanap apthapiñatakiw taqi chuymamp amtasipxi, ukat Jerusalenankir pist'at jilatanakar apayañataki.

Romanos 16:17

Jilatanaka, khitinakatix iglesian jan wal lurapki ukanakat sum amuyasipxam, jupanakax jaljtañanakaru, jan walt'añanakaruw puriyapxiristam, taqi akanakasti kuntix jumanakax yatiqapktas ukanakar jan walt'ayañatakiwa. Jupanakat jithiqtapxam,

2 Corintios 11:4

Jumanakax wali sum katuqapxtaxa khitinakatix yaqha Jesusxat parlasis purinipki ukanakaruxa, kawkïr Jesusattix nanakax parlapksma ukat sipana. Ukhamarakiw yaqha ajaysa sum katuqapxtaxa kuntix nanakat katuqapkäyätas uka Ajayut sipansa, ukatsti yaqha arunak sum katuqapxaraktaxa qhispiyasiñ arunak churapksmas ukat sipan juk'ampi.

Efesios 4:14

Janiy wawanakar uñtat sarnaqxañäniti, kawksarus jank'ak irpataki, ukatsti jan wali thakhi sarnaqir k'ari yatichirinakan yatichäwipampis sallqjataraki.

Filipenses 2:24

Tatituruw mayiskta naya kipka jank'ak jumanakar uñjir jutañaxataki.

1 Timoteo 4:11

Taqi akanak yatichañamawa, uka yatichäwinak phuqhapxañapatak wayt'añamawa.

1 Timoteo 4:6

Jumatix iglesiankirinakar akanak yatichätaxa, Jesucriston aski luqtiripäyätawa, iyawsäwi arunakamp ch'amañchata, aski yatichäwir arkatamamp thuruñchata.

1 Timoteo 5:7

Taqi akanak iwxapunim, jan khitinsa kamskay sarnaqapxañapataki.

1 Timoteo 6:10

Qullqir munañax taqi jan wali luräwinakan saphipawa; ukat mayninakax juk'amp munapxatap laykux iyawsäwit maysar saranukupxi, ukatsti jach'a t'aqhisiñanakaruw puripxi.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.

1 Timoteo 6:3

Maynitix k'ari yatichäwinak yatichchixa, ukat janirak Tatit Jesucriston suma yatichäwinakaparusa, jiwasan ajay tuqi saräwisarus yäqkchixa,

2 Timoteo 1:18

Taripäwi urunxa Tatitux jupat khuyapt'ayaspan. Jumax askiw yattaxa, Éfeso markan yanapkistän ukanakxa.

2 Juan 1:7

Ukampis walja sallqjirinakaw akapachan sarnaqi, jupanakax janiw Tatit Jesucriston chiqpach jaqir tukus jutatap iyawsapkiti. Ukham jan iyawsirinakax sallqanakawa, anticristorakiwa.

Apocalipsis 2:14

Ukampisa, jumatak arsuñaxaw utjitu: Balaam sat jaqin yatichäwinakap jan apanukuñ munirinakaw ukan utjaski, jumasti janiw kamsktasa. Uka Balaam jaqix Balac chacharuw amtayäna israelita jaqinakar juchar puriyañataki, idolonakar luqtatäkis ukanak manq'ayasa, uka idolonak nayraqatan wachuqa jucha lurayasa.

Apocalipsis 2:20

Ukampis jumatak arsuñaxaw utjitu. Jumax uka Jezabel warmirux janiw kamsktasa. Uka warmix ‘Diosaw khithanitu’ sasaw sarnaqi, yatichäwipampix luqtirinakaxaruw pantjayaski, wachuqa juchan jakayasa, idolonakar luqtatäkis ukanak manq'ayasa.