Uqhamarus Mizpa sataraquiwa, Labanan aqham satap laycu: —Tatituy uñjistpan jiwasa paninirojja, cunapachatejj jan jiquisiñ puedcjjañäni ucapachajja.
1 Samuel 7:6 - Qullan Arunaca Israelitanacasti Mizpa chekaruw tantacht'asipjjäna, ucanwa uma apsupjjäna, uca umwa waratatapjjäna mä ofrendäcaspas Tatitutaqui uqhama. Uca urusti ayunapjjänwa, khanwa arsusipjjaraquïna Tatitu contra jucha luratanacapjja. Uca Mizpa chekanjja Samuelojj israelitanacan jach'a jilïripa tucjjaraquïna. Aymar Bibliia 1986 Israelitanacasti Mizpa chekaruw tantacht'asipjjäna, ucanwa uma apsupjjäna, uca umwa waratatapjjäna mä ofrendäcaspas Tatitutaqui uqhama. Uca urusti ayunapjjänwa, khanwa arsusipjjaraquïna Tatitu contra jucha luratanacapjja. Uca Mizpa chekanjja Samuelojj israelitanacan jach'a jilïripa tucjjaraquïna. Qullan Arunaka DC Israelitanakasti Mispá chiqaruw tantacht'asipxäna, ukan uma apsusin Tatit nayraqatan mä waxt'äwïkaspas ukham wartapxäna. Uka urusti israelitanakax ayuno lurapxäna, Tatit nayraqatan jucha luratanakapsa qhan arsusipxäna. Samuelux Mispá chiqanwa israelitanakan irpiriparu tukurakïna. |
Uqhamarus Mizpa sataraquiwa, Labanan aqham satap laycu: —Tatituy uñjistpan jiwasa paninirojja, cunapachatejj jan jiquisiñ puedcjjañäni ucapachajja.
Chekpachansa takeniw jiwañänejja, cunjämatejj umajj orakeru wartatajja uqhama jiwasajj wartasiractanjja, uca umasti janiw apthapiñjamäcaraquiti. Ucampisa Diosajj janiw qhitirus jacañapjja apakquiti, jan ucasti Diosajj cunjämatsa muniwa uca jayaru apanucutäqui ucajj jan uqham jayan jacascañapataqui.
ucatsti cawqha jaya marcarutejj apanucutäqui ucqhatpacha jumar cutcatjjapjjätam, ucatsti achict'asipjjaraquïtam jan wali jucha luratanacap uñt'asisa,
Ucatsti quimspachani jan ajjsariri chachanacaw filisteonacan campamentoparu mantapjjäna, ucatjja Belén puncuna phuch'uta uma apsunisinwa Davidan ucaru apanipjjäna. Ucampis Davidajj janiw umt'añ muncänti, jan ucasti Tatitutaquiwa mä ofrendjama waranucüna,
Josafat reyisti walwa ajjsarayasïna, ucatsti Tatitur maqhatjjawa amtasïna. Ucatjja ayunañataquiw take Judá orakpacharu yatiyäna,
Ucatwa jumajj uñisirinacapan amparanacaparojj catuytajja jupanacar t'akhesiyapjjañapataqui. Ucatsti jupanacajj uqham t'akhesiyatäsinwa jumarojj yanapa mayipjjtamjja, ucampis jumajja jach'a qhuyapayasiñama laykojja, alajjpachatpachwa ist'tajja; ucatjja churtawa jakenaca t'akhesiyiripan amparapat khespiyapjjañapataqui.
Ucasti Dios nayrakatanjja amtatanacajj-jja khanañcharacpan, uqhamat jupajj jachatanacajj uñjañapataqui;
Saraquiniwa: ‘Nayajj juchwa lurta, cunatejj jan chekapäqui ucwa luraractjja, ucampisa Diosajj janiw mutuyañ muncaraquitänti;
Ucatpï jichhajj chuymas usuta parlatanacajjatsa jumat jayana pisayastjja, lak'a khellaru kont'ata.”
Nayra awquinacajjar uñtataw jucha lurapjjta, cunayman ñankhanaca, juchanac lurapjjta.
Urus arumas jachaquiw mank'añajjajja, ucchañcamasti urpachaw jisqhipjjetu: “¿Cawquincarac Diosamasti?” sasa.
Jachcäwejj karitäjjtwa, sapa arumaw iquiñajjan jachta, jachampiw iquiñ ch'ijmajjarojj juriptayta.
Marcajjay, jupar take chuymamp iyawsam, chuymanacam jupar jist'arapjjam, Diosaw jiwasan imantasiñasajja.
Nayajj jumatjja jayarst'awaytwa, ucampisa jichhajj walpun amtta saranucutajj-jja; juchajj uñt'astwa, ucatsti charajjaruraquiw lek'esta; p'enkachata, jisc'achjataraquiw uñjasta, wayna urunacajjan jucha luratajj laycu.’
Joacim chachan Josías yokapajj Judá orakena pheska mara reyïcän ucapachaw, llätunquïri phajjsinjja mä amtäwejj misturaquïna take qhitinacatejj Jerusalén marcan jacapqui, uqhamaraqui Judá orakena marcanacapata jutapqui ucanacajj ayunapjjañapataqui Tatitu nayrakatana.
¡Nayranacajjan jachapajj mä uma jalsjamäspa, walja jaliri umanacjama, uqhamat uruy aruma jachañajjataqui, marcajjan jiwarat jakenacatjja!
Jachcäwisa nayrajj usjjetuwa, chuymas waystañjamacwa munjjetu. Jakenacajjan marcapa t'unjata uñjasajja, callenacan wawanacaru mank'atjama jiwarasquiri uñjasasa janiw ch'amajj utjcjjetuti.
P'ekenacasatsti pillus mä p'enkaw jalaktjjaraquistu; ¡cunaquïcani jiwasa juchararanacatjja!
Jumajj uca jakenacarojj juchañcham; cuna ajjtascañ luräwinactejj awquinacapajj lurapcän ucanaca jupanacarojj yatiyaraquim.
“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,
“Ucampis jichhajja, Tatitojj siwa: Take chuymampi nayan ucar cuttanjjapjjam. ¡Ayunapjjam, arnakasipjjam, jachapjjaraquim! sasa.
“Aca leyinacasti jumanacataquejj wiñayataquïniwa: tunca uru sarakataru pakallköri phajjsina jumanacajj ayunapjjäta, take luräwinacamwa suyt'apjjäta, take israelita jakenaca uqhamarac jaya marcat jutasina jumanaca taypina jaquiri jakenacasa.
“Jumanacajj ñankha luratanacamsa, uqhamarac awquinacaman ñankha luratanacapsa uñt'asipcätawa, uqhamarac nayarusa jan take chuymampi arcapjjatamsa, uqhamarac naya contra sayt'asipjjatanacamsa,
Awquejjan ucaruw cutt'jjä, ucat saraquï: Awquiy, Dios contra, uqhamarac juma contraw juchañchasta.
Ucatsti israelitanacajj Diosaruw yanapa mayipjjän aqham sasa: “Dios Tatitu, juma contraw nanacajj jucha lurapjjta, uqhamarac apanucupjjaracsmawa c'ari diosanacaru yupaychatanacajj laycu” sasa.
Uqham ist'asinsti israelitanacajj, Diosarojj sapjjaraquïnwa: “Nanacajj juchwa lurapjjta. Jichhasti nanacampejj cunjämarutejj muncta uqhamaruy luram, ucampis nanacajj achict'asipjjsmawa, jichhajj khespiyapjjaquitaya” sasa.
Angelajj uqham parlaña tucuyjjepansti, takpach israelitanacaw wali jach'at wararisina jachapjjäna.
Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.
Ucatsti take Israel marcanquir soldadonaca, jakenaca uqhamaw Belén marcar jutapjjäna Diosan nayrakatapan jachiri. Jupanacasti sapüruw jan mank'atasa ayunapjjäna, uqhamaraqui Diosarojj holocausto sat sacrificio loktapjjaraquïna sumancthapiñataqui.
Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.
—Janiw umatäcti, tata. Janiw nayajj cuna vinsa umcti ni cuna casta machjayiri umañanacsa, jan ucasti chuymajjan wali llact'ataw jicjjatasta, uca t'akhesitajj Tatitur yatiyasiscta.
Ucjjarusti Samuelojj take israelitanacaruw jawsaraquïna, Mizpa sisqui uca chekan Tatitur yupaychañataqui.
Ucampis jupanacajj Tatituruw juchanacap arsusipjjäna, uqhamarac juparu apanucutanacapsa, Baal uqhamaraqui Astarté sisqui uca yakha diosanacapar sirvisina, ucatsti achict'asipjjaraquïnwa, uñisirinacapat khespiyañapataqui, jupa saparu sirviñataquiw arsupjjaraquïna.