1 Samuel 7:5 - Qullan Arunaca

⁵ Ucatsti Samuelojj saraquïnwa: “Take Israel jakenacarojj Mizpa sisqui uca chekar tantacht'apjjam, ucat nayajj jumanacatac Tatitut mayï.”

Aymar Bibliia 1986

⁵ Ucatsti Samuelojj saraquïnwa: “Take Israel jakenacarojj Mizpa sisqui uca chekar tantacht'apjjam, ucat nayajj jumanacatac Tatitut mayï.”

Qullan Arunaka DC

⁵ Ukatsti Samuelux sarakïnwa: “Israelitanakar Mispá chiqar tantacht'apxam, nayax Tatituruw jumanakatak mayï” sasa.

1 Samuel 7:5 Jak'a apnaqawi uñst'ayäwi

Génesis 20:7

Ucampisa jichhajj uca warmjja chachapar irpjjaruyjjam, jupasti profetawa, juman jacañam laycusa achict'araquispawa, ucampisa janitejj chachaparu irpjjaruycjjätajja, chekpachansa jumampi, familianacamampejja jiwarapjjätawa” sasa.

Génesis 31:49

Uqhamarus Mizpa sataraquiwa, Labanan aqham satap laycu: —Tatituy uñjistpan jiwasa paninirojja, cunapachatejj jan jiquisiñ puedcjjañäni ucapachajja.

2 Reyes 25:23

Ucatsti cunapachatï Judá orakenquir ejerciton jilïrinacapasa, uqhamarac jakenacasa yatipjjäna Babilonianquiri reyejj Gedalías chacharu apnakeripata utt'ayatapata ucqhajja, jupanacasti jupar uñjiriw sarapjjäna Mizpa chekana. Jupanacasti acanacäpjjänwa: Netanías chachan Ismael yokapa; Carea chachan Johanán yokapa; Tanhumet chachan Seraías yokapa, Netofa chekanquiri; Maaca marcanquiri mä chachan Jaazanías yokaparaqui. Jupanacasti sarapjjänwa jakenacapamp chict'ata.

Nehemías 9:1

Uca pachpa phajjsïri pä tunca pusini urunaca sarakataru ucqhajja, israelit jakenacajja tantachasipjjänwa ayunañataqui; jupanacasti isthapisipjjänwa chhanqha isinacampi, uqhamarac p'eke patanacaparusa lak'ampiwa willjjatasipjjäna.

Jeremías 40:6

Jeremiasasti Gedalías sat jakempi chicaw Mizpa sisqui uca chekar sarjjäna, jupampi chicaw jacaraquïna cawquïri jakenacatejj uca orakeru kheparapcatayna ucanacampi chica.

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Joel 2:16

Diosan marcaparusti tantacht'apjjam, ucatsti k'omachapjjaraquim; tantacht'apjjam chuyman jakenacaru, wawanacaru, ñuñusquiri wawanacamppacharu. Jichha casarasirinacasa mistunipjjpan casarasïwi utanacapatjja.

Josué 15:38

Dilean, Mizpa, Jocteel,

Josué 18:26

Mizpa, Cafira, Mozah,

Jueces 10:17

Amonitanacajj tantacht'asisinjja Galaad sat chekaruw campamento uchantasipjjäna, ucampis israelitanacajja uca quipcaraquiquiw tantacht'asisajj Mizpa sat chekaruraquiw campamento uchasipjjaraquïna.

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.

1 Samuel 10:17

Ucjjarusti Samuelojj take israelitanacaruw jawsaraquïna, Mizpa sisqui uca chekan Tatitur yupaychañataqui.

1 Samuel 12:17

Jichhajj trigo cosechañ horasäjjewa, janiraquiw jallojj purquiti, ¿janicha? Jichhajj nayaw Tatitur mayï, jupasti khejjo khejjonaca, uqhamarac jallu apayanini, uqhamat jumanacajj uñjapjjañamataqui amuythapisipjjañamatakiraqui, cunjämtejj Tatitojj uñjqui, jumanacajj jan wali lurapjjtajja mä rey mayisajja.”

1 Samuel 12:23

Nayasti Tatitu contrajj janic juchañchasïti, jumanacataqui mayiñ apanucusajja. Ucampisa nayajj yatichapjjämawa, sumana uqhamarac chekapana sarnakapjjañamataqui.

1 Samuel 7:12

Ucatsti Samuelojj mä kala ittasin Mizpa, uqhamarac Sen sisqui uca taypiruw ayruntäna, Eben-ezer sasaw suticharaquïna: “Jichhacamaw Tatitojj yanapasquistu” sasa.

1 Samuel 7:16

Sapa mararaquiw Betel, Gilgal, uqhamarac Mizpa sisqui uca chekanacaru sarirïna, take uca chekanacan israelitanacan ch'ajjwanacapa uñjiri.

1 Samuel 7:4

Israelitanacasti chekapuniw Baal diosanacsa, Astarté diosanacsa apanucjjapjjäna, ucatsti Tatitu saparuquiraquiw yupaychapjjäna.

1 Samuel 8:6

Samuelosti uqham mä rey marcar apnakañapataqui mayipjjatapatjja wali mayjt'ataw Tatitut oracionan mayïna.