1 Samuel 7:6 - Qullan Arunaka DC

⁶ Israelitanakasti Mispá chiqaruw tantacht'asipxäna, ukan uma apsusin Tatit nayraqatan mä waxt'äwïkaspas ukham wartapxäna. Uka urusti israelitanakax ayuno lurapxäna, Tatit nayraqatan jucha luratanakapsa qhan arsusipxäna. Samuelux Mispá chiqanwa israelitanakan irpiriparu tukurakïna.

Aymar Bibliia 1986

⁶ Israelitanacasti Mizpa chekaruw tantacht'asipjjäna, ucanwa uma apsupjjäna, uca umwa waratatapjjäna mä ofrendäcaspas Tatitutaqui uqhama. Uca urusti ayunapjjänwa, khanwa arsusipjjaraquïna Tatitu contra jucha luratanacapjja. Uca Mizpa chekanjja Samuelojj israelitanacan jach'a jilïripa tucjjaraquïna.

Qullan Arunaca

⁶ Israelitanacasti Mizpa chekaruw tantacht'asipjjäna, ucanwa uma apsupjjäna, uca umwa waratatapjjäna mä ofrendäcaspas Tatitutaqui uqhama. Uca urusti ayunapjjänwa, khanwa arsusipjjaraquïna Tatitu contra jucha luratanacapjja. Uca Mizpa chekanjja Samuelojj israelitanacan jach'a jilïripa tucjjaraquïna.

1 Samuel 7:6 Jak'a apnaqawi uñst'ayäwi

Génesis 31:49

Ukhamarus Mispá satarakiwa, Labanan akham satapata: —Tatituy jiwas paninirux uñjistpan kunapachatix jan jikiskxañäni ukapachaxa.

2 Samuel 14:14

Chiqpachansa taqiniw jiwañäni, uraqir wartat umar uñtatätanwa, uka umasti janiw apthapiñjamäkiti. Ukampisa, Diosax janiw khitirus jakañap apaqkiti, jan ukasti Diosax kunayman tuqit amuyt'ayi jaqunukut jaqin jupat jayan jan jakañapataki.

1 Reyes 8:47

ukatsti kawkha jaya markarutix apanukut uñjaskani ukkhatpach jumar makhatxapxätam, achikt'asipxarakïtam jucha luratanakap uñt'asisa,

1 Crónicas 11:18

Ukatsti kimspach jan axsarir chachanakaw filisteonakan campamentopar mantapxäna, ukatsti Belén markar mantañankki uka phuch'ut uma apsunisin Davidan ukaruw apanipxäna. Ukampis Davidax janiw umt'añ munkänti, jan ukasti, Tatitutakiw mä waxt'äwjam waranuküna,

2 Crónicas 20:3

Josafat reyisti axsarañat Tatituruw makhatäna, ukatxa ayuno lurañatakiw Judá uraqpachar yatiyäna,

Nehemías 9:27

Ukat jumax uñisirinakapan amparanakapar katuytaxa, jupanakar t'aqhisiyapxañapataki. Ukatsti jupanakax ukham t'aqhisiyat uñjasisaw jumarux yanap mayipxtamxa, jumasti, jach'a khuyapayasiñam laykuw, alaxpachatpach jupanakar ist'taxa; t'aqhisiyiripan amparapat antutayañatakisti jaqinak khithantaxa.

Job 16:20

Dios nayraqatan chuymaxan amtatanakap qhanañchiri, ukhamat jachatanakax jupan uñjañapataki;

Job 3:24

Ayquñampi, jachampiw nayan manq'axaxa.

Job 33:27

Sarakiniwa: “Juchachastwa, kunatix jan chiqapäki ukanak lurta, ukampis Diosax janiw mutuyañ munkituti;

Job 42:6

Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.

Salmos 106:6

Nayra awkinakaxar uñtataw jucha lurapxta; kunayman ñanqhanaka, juchanak lurapxta.

Salmos 119:136

Umjamaw jachax nayranakaxat warasi, yatichäwiman jan yäqatätap layku.

Salmos 42:3

3 (4) Urus arumas jachaxakiw manq'añaxaxa, ukchañkamasti uñisirinakaxax wal jiskhipxitu: “¿Kawkinkarak Diosamasti?” sasa.

Salmos 6:6

6 (7) Jachkäwix qaritäxtwa. Paqar paqariw ikiñaxan jachta, jachaxampix ch'ijmaxarus juriptaytwa.

Salmos 62:8

8 (9) ¡Markaxay, jupar taqi chuymamp iyawsam! ¡Taqi chuymamp jupar mayisim! ¡Diosaw jiwasan imantasiñasaxa!

Jeremías 31:19

Nayaw jumat jayarst'awayta, ukampis jichhax walpun amtta; juchax uñt'asta, ukat chuymax liq'ista; wayna kankañaxan jucha lurataxatxa, p'inqachata, jisk'achjataw uñjasta.’

Jeremías 36:9

Joacín chachan Josías yuqapax, Judá uraqin phisqa mara llätunka phaxsimpi reyïkän ukapachaw mä amtäwix mistüna, taqi khitinakatix Jerusalén markan jakapki, Judá uraqin markanakapat jutapki ukanakas Tatit nayraqatan ayunapxañapataki.

Jeremías 9:1

1 (23) ¡Nayranakaxan jachapax mä uma jalsjamakïspa, walja jalir umanakjama, ukhamata markaxan jiwarat jaqinakata uruy aruma jachañaxataki!

Lamentaciones 2:11

Jachkäwisa nayrax usxituwa, chuymas llakisiñat phallañjamak munxitu; jan ch'amaniw uñjasta jaqinakaxan markap t'unjat uñjasa, ñuñuskir wawanakar manq'atjama jiwaraskir uñjasa.

Lamentaciones 3:49

Nayranakaxas jan samart'asaw jacharaki, janiw samarañax utjkaniti,

Lamentaciones 5:16

¡Kunakïkan jiwasatxa! Jucha luratasat marka apnaqañsa q'al apt'astanxa.

Ezequiel 20:4

Ezequiel, jumaki uka jaqinakarux juchañcham; kuna axtaskañ luräwinaktix awkinakapax lurapkän ukanak jupanakar yatiyarakim.

Oseas 5:1

“Sacerdotenaka, aka arunak ist'apxam; Israel marka apnaqirinaka, ist'asipxam, reyin utapan utjirinaka, ist'apxarakim: Nayan markaxar sallqjapxatamatsti, taripasin mutuyapxäma. Israel markaxarux juk'amp kutkatasir tukuyapxtaxa. Mispá, Tabor uka qullan utanakan munkir jan munkir yaqha diosanakar yupaychayapxtaxa.

Joel 2:12

“Tatitux akham siwa: —Taqi chuymampi nayan ukar kuttanxapxam. ¡Ayunapxam, Tatitur art'asipxam, jachapxarakim!” —sasa.

Levítico 16:29

“Aka kamachinakasti jumanakatakix wiñayatakïniwa: paqallqüri phaxsina tunka uru saraqatarusti jumanakax ayunapxätawa, uka urusti janiw kunsa lurapxätati, taqi israelita jaqinaka, jaya markat jutasin jumanak taypin jakir jaqinakasa,

Levítico 26:40

“Jumanakax jucha luratanakamsa, awkinakaman jucha luratanakapsa, nayar saykatasisin jan taqi chuymampi arkapxatamsa uñt'asisipkam,

Lucas 15:18

Awkixan ukaruk kutt'xä, ukat sarakï: Awkixay, Diosar jan yäqasa, jumar jan yäqasaw juchañchjasta;

Josué 18:26

Mispá, Quefirá, Mosá,

Jueces 10:10

Ukat israelitanakax yanap mayisin Tatitur art'asipxäna, akham sasa: “Nanakan Diosaxay, juma nayraqatan juch lurapxta, k'ari diosanakar yupaychatanakax laykuw jumar apanukupxsma” sasa.

Jueces 10:15

Israelitanakasti Tatiturux sapxänwa: “Nanakax jucha lurapxta, kunjämarutix munkta ukhamaruy nanakampix luram, ukampis jichhax qhispiyapxakitaya” sasa.

Jueces 2:4

Angelax parlañ tukuykän ukkhaxa, israelitanakax taqiniw wali jach'at wararis jachapxäna.

Jueces 20:26

Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.

Jueces 3:10

Tatitun ajayupaw Otoniel chachxaru jutäna, jupaw israelitanakarux irptäna; nuwasiriw mistüna, ukatsti Tatitux Cusán-risataim reyiruw atipt'ayäna.

1 Samuel 1:15

Anasti ukkharux sänwa: —Tatay, janiw machatäkti, janiw nayax kuna vinsa umkti, janirakiw yaqha machjayir umañanaksa umkti, jan ukasti wali llakt'atätwa, t'aqhisitax Tatitur yatiyasiskta.

1 Samuel 10:17

Ukxarusti Samuelux israelitanakaruw Mispá chiqan Tatitur yupaychañatak jawsthapïna;

1 Samuel 12:10

Ukatsti jupanakax Tatituruw art'asipxäna akham sasa: ‘Tatay, jumar apanakusax juch lurapxta, Baal, Astarté uka yaqha diosanakaruw yupaychapxta; ukampis jichhax uñisirinakaxan amparapat qhispiyapxita, juma saparukiw yupaychapxäma’ —sasa.

1 Samuel 7:15

Samuelux taqi jakäwipan Israel markan jilïripänwa,