Jueces 20:23 - Qullan Arunaca

²³ Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.

Aymar Bibliia 1986

²³ Diosan arsutaparjamajja israelitanacajj ch'amañcht'asipjjänwa wastatampi nuwasiri mistsuñataqui cawqhantejj nayrïr urunjja nuwasipcäna ucqharu.

Jueces 20:23 Jak'a apnaqawi uñst'ayäwi

2 Samuel 3:35

Ucatsti Davidan ucaruw sarapjjäna, mankt'asiñapataquiw achict'apjjaraquïna, janïra jayp'untquipana, ucampisa Davidajj juramentompiw arsüna aqham sasa: “¡Diosasti nayarojj wali mutuyitpan, nayatejj t'ant'sa jan ucajj mä cunsa janïra inti jalantquipana mallt'ä ucapachajja!” sasa.

Oseas 5:15

“Ucatsti utjäwejjaruw cuttawayjjä, jupanacan juchanacap uñt'asiñapcama, nayar thakeri jutapjjañapcamaraqui. ¡Llaquisiñanacapanwa nayarojj thakapjjetani!”

Josué 7:6

Ucatsti Josué chachampi jach'a amuyt'an israelit jakenacampejj isinacap wiqhanokasipjjäna, uqhamaraqui khellampis p'eketa willjjatasipjjäna, wali chuymanacapan mayjt'ata, ucatsti p'ekenacap alt'apjjäna Diosan arcap thiyaru wali jayp'untañcama.

Josué 7:7

Josué chachajj sänwa: —¡Ay, Dios Tata! ¿Cunatsa jumajj aca marcaru Jordán jawir maqhatayanta? ¿Amorreo sat marcampiti t'unjayañ munapjjesta? ¡Nanacataquisti waliquïsapänwa Jordán jawirat qhurcataru kheparañajja!

Jueces 1:1

Josué chachan jiwjjatapatsti, israelitanacajja Diosaruwa jisct'apjjäna yatiñataqui cawquïr tribusa nayrakata mistsuspa cananeonacampi nuwasiñataqui uca.

Jueces 20:18

Ucampis israelitanacajja Betel marcaru sarasinjja Diosaruw jisct'apjjänjja cawquïr tribusa nayrakata saraspa Benjamín sat tribunquirinacampi nuwasirejja. Ucatsti Diosajj yatiyänwa Judá sat tribuna nayrakata sarañapa.

Jueces 20:22

Ucat israelitanacajj Betel marcaru sarasinjja Diosan nayrakatapanjja arumcamawa jachapjjäna. Jisct'apjjaraquïnwa wastatampi sarapjjaspati Benjamín sat tribunquir jilanacapampi nuwasiri janicha uca. Diosasti saraquïnwa: “Sarapjjam wastat nuwasiri” sasa.

Jueces 20:24

Ucat payïr urunsti jupanacajj Benjamín sat tribunquirinacaruw nuwantapjjäna.

Jueces 21:2

Ucatsti Betel marcaru sarasinjja Diosan nayrakatapanwa arumcama jachapjjäna:

1 Samuel 10:3

Juc'ampi sarcasinsti, Tabor koka sisqui uca chekar purcäta ucqhasti, quimsa chachanacaraquiw jumar jicjjatir mistunipjjani, jupanacasti Betel marcaruw maqhatasipcaraqui Diosaru yupaychañataqui. Maynïrejja quimsa cabrito irpt'atäniwa, maynïristi quimsa t'ant'a apt'ataraqui, maynïristi mä lip'ichi wayakaru vino apt'ataraquïniwa.

1 Samuel 11:4

Qhitatanacasti cawqhantejj Saúl waynajj jaccäna uca Gabaa sat chekaruw puripjjäna; ucan jakenacaruw cunatejj pascatayna take ucanac yatiyapjjäna. Takeniw ucanac ist'asajj wali jachapjjäna.

1 Samuel 7:6

Israelitanacasti Mizpa chekaruw tantacht'asipjjäna, ucanwa uma apsupjjäna, uca umwa waratatapjjäna mä ofrendäcaspas Tatitutaqui uqhama. Uca urusti ayunapjjänwa, khanwa arsusipjjaraquïna Tatitu contra jucha luratanacapjja. Uca Mizpa chekanjja Samuelojj israelitanacan jach'a jilïripa tucjjaraquïna.