1 Samuel 22:2 - Qullan Arunaca

Uqhamaraquiw take t'akhesiyata jakenacasa, manuninacasa, uqhamarac qhitinacatejj jan cunampisa take chuymäpcäna uca jakenacasa Davidampiw mayachasjjapjjäna. Davidasti jupanacan capitanaparaquïnwa. Jupampi chica sarnaker jakenacasti niya pusi pataca jakenacjamänwa.

Aymar Bibliia 1986

Uqhamaraquiw take t'akhesiyata jakenacasa, manuninacasa, uqhamarac qhitinacatejj jan cunampisa take chuymäpcäna uca jakenacasa Davidampiw mayachasjjapjjäna. Davidasti jupanacan capitanaparaquïnwa. Jupampi chica sarnaker jakenacasti niya pusi pataca jakenacjamänwa.

Qullan Arunaka DC

Ukhamarakiw t'aqhisiyat jaqinakasa, manuninakasa, jan kunampis taqi chuymäpkän uka jaqinakas Davidampiw mayachasxapxäna. Davidasti jupanakan jilïriparakïnwa. Jupamp chika sarnaqir jaqinakasti niya pusi patak jaqinakjamänwa.

1 Samuel 22:2 Jak'a apnaqawi uñst'ayäwi

2 Samuel 17:8

Jumajj asquiw yattajja, awquimampi uqhamaraqui cawquïri jakenacatejj jupampi chicäqui ucanacasti wali ch'amani chachanacawa, janiraquiw cunsa ajjsarapquiti, jichhasti wali coleratapunïsipcpachawa, cunjämatejj mä osa animalajj wawanacap apakatajj wali coleratajj uqhama. Uqhamarus juman awquimajj guerran nuwasir jakeraquiwa, arumajj janiraquiw mayni jakenacamp chicäpcpachati.

2 Samuel 5:2

Chekpachansa Saúl reyejj nanacan reyejjäcchïnsa, ucampisa jumaw Israel marcarojj apnakascäyätajja guerran nuwasiñanacapanjja. Uqhamarus Tatitojj jumaruraquiw arsuwaytam Israel marcaparu sarayañamataqui uqhamaraqui apnakañamataqui” sasa.

2 Reyes 20:5

“Cutt'am, ucatsti marcajjana jilïri Ezequías reyiru aqham sam: ‘Nayra David awquimana Tatit Diosapajja aqham siwa: ‘Nayajj oracionamjja ist'smawa, uqhamarac jachatamsa uñjaracsmawa. Jichhasti jumarojj c'umaraptayämawa, ucatjja acat quimsa urut Tatitun temploparu saräta.

2 Reyes 4:1

Mä warmiwa utjäna, profetanacat maynïri profetan warmipa, jupasti saränwa Eliseon ucaru aqham sasa: —Chachajjajj jiwjjewa, jumasti yattawa jupajj Tatituruwa jach'achäna. Jichhasti kollke mayt'apquitäna ucasti, jutasinjja pani wawajjaruwa esclavota apasjjañ muni —sasa.

Proverbios 31:6

“Machañanacjja apanucum, aynacht'atanacataqui, llaquitanacataqui.

Mateo 11:12

“Bautisiri Juanan jutatapat jichhürcamajja, Diosan reinopanjja jan walt'añanacaw utji. Qhitinacatejj ch'amampi atipjañ munapjje ucanacajja, ch'amanacapampiquiw catuntasiñ munapjje.

Mateo 11:28

Nayar jutapjjam take karjatanaca jatjatanaca, nayaw samarayapjjäma.

Hebreos 2:10

Jupïpanaracwa take cunas Diosataquejj utjasqui, Diosasti muniwa take wawanacapanjj utjañapa jupan jach'a khapak marcapana. Ucatwa Diosajj t'akhesiña toke sum tucuyäna jupanacan Jesucristo khespiyiriparojja.

Jueces 11:3

Ucatsti Jefté satajja utapata sarjjasinjja Tob sat chekaruw jaquir sarjjäna. Ucansti jupajj wali khoru jakenacampiw mayachasjjäna; cunjämarutejj sarnakañ munapqui uqhamaruw sarnakapjjäna.

Jueces 18:25

Ucampis danitanacajj sapjjaraquïnwa: —Jan uqhama arnakapjjestati, ucataraqui nanacata maynisa colerasisinjja nuwapjjeristam, uqhamatwa jiwapjjasma jumasa uqhamarac familiamasa —sasa.

1 Samuel 1:10

Anasti jacht'asisa, chuymapansa wali mayjt'ataw, Tatitut mayisïna,

1 Samuel 22:3

Uca chekatsti Davidajj Moab tokena, Mizpa sisqui uca chekaruw sarjjäna. Ucat Moab oraken reyiparojj saraquïnwa: “Achict'assmawa, awquejjasa, taycajjasa acaru jumanacampi chica kheparañapataqui, cuntejj Diosajj nayampi lurcani uca yatiñajjcama” sasa.

1 Samuel 23:13

Uqhamasti Davidampi, jakenacapampijj, niya sojjta patacanïpjjänwa, Keila marcat mistuwayasinsti jan cawcsaru sarañ amtasaquiw sarjjapjjäna. Saúl reyisti Davidan Keila marcat jaltjjatap yatisinjja, janiw cunsa lurcjjaraquïnti, arctañataquejja.

1 Samuel 25:13

Ucatwa Davidajj jakenacaparojj saraquïna: “¡Takeni armanacam catusipjjam!” sasa. Jakenacapasti espadanacapjja cinturanacaparuw wact'asipjjäna, Davidas uqhamaraqui. Ucatsti pusi pataca jakenacaw jupampi chica sarapjjäna. Pä pataca jakenacasti cunanacatejj utjcäna ucanac uñjañataquiw kheparapjjaraquïna.

1 Samuel 30:6

Davidasti wali llact'ataw jicjjatasiraquïna, jakenacapasti juparojj kalampiw c'upjaña munapjjaraquïna, takenisa wali mayjt'ataraquïnwa, cunatejj wawanacaparu pascatayna ucanacata. Ucampisa jupajj Tatitu Diosaparuw confiasiraquïna.

1 Samuel 9:16

“Arumanthi alwajj aca quipca horasaruw Benjamín toket jutiri mä jakeruw qhitanïma, juparuw yakhachäta Israel marcajja apnakañapataqui. Jupaw filisteonacan amparapat khespiyani, marcajjatsti qhuyapt'ayasiractwa, t'akhesitanacapasti naya nayräjjaruw puriniraqui” sasa.