2 Reyes 4:1 - Qullan Arunaca

¹ Mä warmiwa utjäna, profetanacat maynïri profetan warmipa, jupasti saränwa Eliseon ucaru aqham sasa: —Chachajjajj jiwjjewa, jumasti yattawa jupajj Tatituruwa jach'achäna. Jichhasti kollke mayt'apquitäna ucasti, jutasinjja pani wawajjaruwa esclavota apasjjañ muni —sasa.

Aymar Bibliia 1986

¹ Mä warmiwa utjäna, profetanacat maynïri profetan warmipa, jupasti saränwa Eliseon ucaru aqham sasa: —Chachajjajj jiwjjewa, jumasti yattawa jupajj Tatituruwa jach'achäna. Jichhasti kollke mayt'apquitäna ucasti, jutasinjja pani wawajjaruwa esclavota apasjjañ muni —sasa.

Qullan Arunaka DC

¹ Mä warmiw utjäna, jupasti profetanakat maynïr profetan warmipänwa, jupax Eliseon ukaruw saräna akham sasa: —Chachaxax jiwxiwa, jupax Tatitur axsartirïnwa, uksti jumax yattawa. Jichhasti qullqi mayt'apkitäna uka jaqiw juti, ukatsti pani wawaxaruw uywatapatak irpasxañ muni —sasa.

2 Reyes 4:1 Jak'a apnaqawi uñst'ayäwi

Génesis 22:12

Tatitun angelapasti saraquïnwa: —Jan cuna ñankhsa wawarojj luramti, jichhasti yattwa Diosar ajjsaratama, janiraquiw “Janiw” sisctati sapa wawama nayar loktaniñjja —sasa.

1 Reyes 18:3

Acab reyisti Abdías sat mayordomoparuwa jawsäna, aca mayordomosti Tatiturojj take chuymapampiwa yupaychäna.

1 Reyes 20:35

Ucampis profetanac taypita mä profetajj masiparojj sänwa Tatitun munañapata: —¡Chhojjriñchjita! —sasa. Ucampis uca maynejj janiw chhojjriñchjaña muncänti.

2 Reyes 2:15

Ucatjja Jericó marcanquir profetanacajj jupa nayrakatanccäna ucanacasti jupar uñjasinjja sapjjänwa: “¡Eliasan ajayupawa jichhajj Eliseompejja!” sasa. Ucatjja jupar jicjjatiriw sarapjjäna, ucatsti jupataqui alt'asisinjja,

2 Reyes 2:3

Ucampis Betelana jaquir profetanacajja, mistunipjjänwa Eliseoru jicjjatiri, ucatsti sapjjänwa: —¿Jumajj yattati Tatitojj yatichirimaru jichhüru apakcätam ucjja? —sasa. Ucjjarusti Eliseojj sänwa: —Jïsa, yatjjtwa, ucampis jumanacajj jan cunsa parlapjjamti —sasa.

2 Reyes 2:5

Ucampis Jericó marcan jacapcäna uca profetanacasti Eliseoru jicjjatiriw mistunipjjäna, ucatsti aqham sapjjänwa: —¿Jumajj yattati Tatitojj yatichirimaru jichhüru apakcätam ucjja? —sasa. Ucjjarusti Eliseojj sänwa: —Jïsa, yattwa, ucampis jumanacajj jan cunsa parlapjjamti —sasa.

2 Reyes 2:7

Ucampis pheska tunca profetanacaw purinisina jaya chekaru sayt'asipjjäna jupanac nayrakatana; ucatsti Eliasampi Eliseompejja Jordán jawira thiyaruraquiw sayt'asipjjaraquïna.

2 Reyes 4:38

Ucatjja Eliseojj Gilgal chekaruwa cutt'jjäna. Qhä urunacansti uca orakenjja mank'at t'akhesiñaw utjäna. Mä cutisti cunapachatï profetanacajj Eliseoru muytata kont'atäsipcäna ucqhajja, Eliseojj uywataparojj sänwa: “Nina patjjaru jach'a phuqhu ucham, ucatsti mank'a phayam profetanacataqui” sasa.

2 Reyes 6:9

Ucatsti Eliseojj qhitänwa Israelan reyipar saniñapataqui: “Jan uca chekanjama sarapjjañapataqui, sirionacajj uca chekaru sarapjjatap laycu” sasa.

Nehemías 10:31

Uqhamaraqui samaraña urunsa yakha marcanquir jakenacajja achunacapa aljañataqui apanipcani, uqhamarac take casta granonacsa ucqhajja, janiw cunsa alapjjañasäquiti ni samarañ urunsa, ni cawquïr fiesta urunsa; uca pachparaquiwa pakallküri maranjja janiraquiw yapuchapcañäniti jiwasan orakenacasjja, uqhamarac perdonapjjaraquiñäniwa take manusirinacasaru.

Nehemías 7:2

Jerusalén nayräjjarusti uchtwa Hanani sat jilajjaru, ucatsti jarc'akasiñataqui uta luratäqui ucan jilïripatjja Hananías sat chacharuw uchta, jupasti cheka jakënwa, Diosar ajjsaririraqui yakha jakenacat sipansa.

Salmos 103:11

camisatejj alajjpachajj oraket jayanquejja, uqhämaw munasiñapajj arquirinacapataquejja;

Salmos 103:17

Tatitur wakaychirinacataquisti munasiñapajj wiñayawa, asqui cancañapajj allchhin allchhipataquis utjascaquiwa:

Salmos 115:13

Tatitur iyawsirinacarojj asquinac churani, jisc'arusa, jach'arusa.

Salmos 147:11

Jupar iyawsirinacaw cusisiyi, qhuyapayasiñapar iyawsirinacaw cusisiyaraqui.

Proverbios 22:7

Kamir jakejj pobrenac taypinjja mä reyjamawa; manuninaca taypinjja, kollke mayt'irejj reyjamaraquiwa.

Eclesiastés 12:13

Parlañajj tucuyjjewa. Takewa parlatäjje. Diosar yupaycham, ucatsti camachi arunacapa phokham, take ucanacajj jaketaquïtap laycu.

Eclesiastés 8:12

Uqhamasti jucharar jakejj walja cuti juchanaca lurcasasa, walja maranacawa jacascaraqui. (Nayajj yatiraquïyätwa, qhitinacatejj Diosar jach'añchapqui, uqhamarac ajjsarapqui ucanacajj sumaqui jacasipjjatapa.

Isaías 50:1

Tatitojj siwa: “¡Jan amuyapjjamti nayan Israelaru qhitanucutajj-jja, jupasti taycamawa, cunjämtejj mä jakejj warmiparojj apanucqui uqhama, jan ucajj nayan jumanacar esclavot aljatajjsa, qhitimpisa manunïtajj laycu! Jumanacajj aljatäpjjayätawa, jucha lurapjjatam laycu; jumanacan taycama Israelasti apanucutaraquïnwa, jumanacajj nayatac sayt'asipjjatam laycu.

Jeremías 34:14

Jupanacarojj saraquiyätwa: Sapa pakallko mara pasjjepanwa, cawquïri hebreo jaketejj jupa pacha aljasi ucatsti sojjta mara sirviraqui ucarojj antutjjapjjätaw sasa. Ucampisa nayra awquinacapajj janiw nayarojj ist'apquitänti, ni jaysapcaraquitänsa.

Levítico 25:48

uca israelita jakensti waquisiscaquiwa libre sarnakasiñ alasiñapajja, aljatäcchin ucqhasa. Ucampis khespiyatäjjaspawa mayni jilanacapana,

Malaquías 3:16

(Cawquïri jakenacatï Diosaru ajjsartasa sarnakapcän ucanacajj jupanaccamaw parlasipjjäna, Diosasti cuntejj parlapcäna ucanacjja sumwa ist'araquïna, Diosan nayrakatapansti mä libroruw kellkasïna cawquïri jakenacatï Diosaru ajjsarapcäna, uqhamaraqui jupatsa jan armasipcaraquïna ucanacajja.)

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Mateo 18:25

Uca sirviristi janiw cunampis phokherjamäcänti. Reyejj ucjjarojj siwa: ‘Warmipamppach wawanacapamppach take cunanacapamppach esclavot aljantatäpan, uqhamat uca manupajj phokhatäñapataqui’ sasa.

Mateo 18:30

Ucampis maynejj janiw muncänti, ucatwa carcelaru llaventayi jupar uca manupata phokhañapcama.

Mateo 18:35

Jesusasti aqham sänwa: Uqhamaraquiw alajjpachanquir Awquejjajj jumanacampejj luraraquini, janitejj take chuyma perdonapcät ucajja” sasa.

Hechos 13:26

“Jilatanaca, Abrahaman wawanacapa, uqhamarac qhitinacatejj jumanac taypit Diosar ajjsartas sarnakapcta ucanaca, take jumanacataquiw aca khespiyäwi arunacajja.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Apocalipsis 15:4

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Apocalipsis 19:5

Ucatsti mä aruraquiw tronotpacha ist'asïna: “Yupaychapjjam Diosasaru, take qhitinacatejj jupar sirvipjjta ucanaca, uqhamarac jupar ajjsaririnacasa, jisc'as jach'asa” sasa.

Rut 1:3

Ucampis Elimelec chachajj jiwjjänwa, Noemí warmin chachapa, jupasti sapaquiw kheparjjäna pä wawapampi.

1 Samuel 22:2

Uqhamaraquiw take t'akhesiyata jakenacasa, manuninacasa, uqhamarac qhitinacatejj jan cunampisa take chuymäpcäna uca jakenacasa Davidampiw mayachasjjapjjäna. Davidasti jupanacan capitanaparaquïnwa. Jupampi chica sarnaker jakenacasti niya pusi pataca jakenacjamänwa.