2 Reyes 4:1 - Qullan Arunaka DC

¹ Mä warmiw utjäna, jupasti profetanakat maynïr profetan warmipänwa, jupax Eliseon ukaruw saräna akham sasa: —Chachaxax jiwxiwa, jupax Tatitur axsartirïnwa, uksti jumax yattawa. Jichhasti qullqi mayt'apkitäna uka jaqiw juti, ukatsti pani wawaxaruw uywatapatak irpasxañ muni —sasa.

Aymar Bibliia 1986

¹ Mä warmiwa utjäna, profetanacat maynïri profetan warmipa, jupasti saränwa Eliseon ucaru aqham sasa: —Chachajjajj jiwjjewa, jumasti yattawa jupajj Tatituruwa jach'achäna. Jichhasti kollke mayt'apquitäna ucasti, jutasinjja pani wawajjaruwa esclavota apasjjañ muni —sasa.

Qullan Arunaca

¹ Mä warmiwa utjäna, profetanacat maynïri profetan warmipa, jupasti saränwa Eliseon ucaru aqham sasa: —Chachajjajj jiwjjewa, jumasti yattawa jupajj Tatituruwa jach'achäna. Jichhasti kollke mayt'apquitäna ucasti, jutasinjja pani wawajjaruwa esclavota apasjjañ muni —sasa.

2 Reyes 4:1 Jak'a apnaqawi uñst'ayäwi

Génesis 22:12

Tatitun angelapasti sarakïnwa: —Jan kuna ñanqhsa wawar luramti, Diosar axsaratam yatxtwa, janirakiw “Janiw” sisktati, sapa wawamar nayar luqtaniña —sasa.

1 Reyes 18:3

Ahab reyisti jach'a utap apnaqiri Abdías sat jilïriruw jawsäna, uka jaqisti Tatitur axsartir chuymanïnwa.

1 Reyes 20:35

Ukampisa, profetanak taypinkir mayniw masipar Tatitun munañap phuqhasin säna: —Chhuxriñchjita —sasa. Ukampis uka masipax janiw chhuxriñchjañ munkänti.

2 Reyes 2:15

Jericó markankir profetanakax Eliseor jawir khurkatankaskir uñjasax sapxänwa: “¡Jichhax Eliasan ajayupax Eliseompïxiwa!” sasa. Ukatsti jupanakax Eliseor jikxatiriw sarapxäna, jupan nayraqatapan alt'asisinxa,

2 Reyes 2:3

Ukampis Betel markan jakir profetanakax Eliseor jikxatiriw mistunipxäna, ukat jupar jiskt'apxarakïna: —Tatitux jichhüruw yatichirimar irpaqasxätam, ¿uk yatxtati? —sasa. Eliseosti sänwa: —Jïsa, yatxtwa, ukampis jumanakax jan kuns sapxamti —sasa.

2 Reyes 2:5

Ukampis Jericó markan jakir profetanakax, Eliseor jikxatiriw mistunipxäna, ukat jupar sapxarakïna: —Tatitux jichhüruw yatichirimar irpaqasxätam, ¿uk yatxtati? —sasa. Ukxarusti Eliseox sänwa: —Jïsa, yatxtwa, ukampis jumanakax jan kuns sapxamti —sasa.

2 Reyes 2:7

ukatsti Jordán jawir thiyaruw sayt'asipxäna, phisqa tunka profetanakaw jupanakar arkapxatayna, ukampis jupanakat jaya chiqankapxänwa.

2 Reyes 4:38

Uka qhipatsti, Eliseox Guilgal chiqaruw kutt'xäna. Khä urunakansti uka uraqin manq'at t'aqhisiñaw utjäna. Mä kutisti kunapachatix profetanakax Eliseor muyuntat qunt'atäsipkän ukkhaxa, Eliseox uywataparuw säna: “Ninar jach'a phukhu itxatam, profetanakatak manq'a phayt'am” sasa.

2 Reyes 6:9

Ukat Eliseox Israelan reyipar yatiyir khithäna: “Uka chiqanjam jan sarapxamti, sirionakaw uka chiqar sarasipki” sasa.

Nehemías 10:31

31 (32) Ukhamaraki, sábado urunsa, mä phunchhäwi urunsa, yaqha markankir jaqinakax achunakapa, ukhamaraki kunaymani granonaksa aljañataki apanipkaspa ukkhaxa, jan kuns jupanakat alasiñataki; uka pachparaki, paqallqüri maranxa uraqi samarayañataki, taqi manunak pampachañataki.

Nehemías 7:2

Jerusalén marka apnaqañapatakisti Hananí jilaxaruw uchta, Hananías chacharusti reyin jach'a utapan jilïripat ucharakta, jupax aski jaqïnwa, ukhamarus yaqha jaqinakat sipan Tatitur axsartirïnwa.

Salmos 103:11

kamisatix alaxpachax uraqit jayankixa, ukhamaw munasiñapax arkirinakapatakixa.

Salmos 103:17

Tatitur waqaychirinakatakisti munasiñapax wiñayawa; aski kankañapax wawan wawapatakis utjaskakiwa,

Salmos 115:13

Tatitur iyawsirinakarux askinak churani, jisk'arusa, jach'arusa, taqiniruw churani.

Salmos 147:11

jupar iyawsirinakaw kusisiyi, munasiñapar iyawsirinakaw kusisiyi.

Proverbios 22:7

Qamir jaqix pist'añan jakasir jaqinak taypinxa, reyiwa; qullqi mayt'iristi, manusir jaqinak taypinxa reyirakiwa.

Eclesiastés 12:13

Parlañax tukusxiwa. Taqi kunaw satäxi. Diosar yupaycham, kamachi arunakapar phuqham, taqi ukanakan jaqitakïtap layku.

Eclesiastés 8:12

Ukhamasti jucharar jaqix walja kuti juchanak lurkasas walja maranakaw jakaski. (Nayax khitinakatix Tatitur jach'añchapki, axsarapki ukanakan sumak jakasipxatap yatiyäta;

Isaías 50:1

Tatitux siwa: “¡Jan amuyapxamti nayan Israel taykamar apanukutaxa, kunjämtix mä jaqix warmiparux apanukki ukhama, janirak kuna manunak phuqhañatakis jumanakar t'aqhisiyat jaqjam aljataxsa amuyapxamti! Jumanakan jucha lurapxatam laykuw aljatäpxtaxa; Israel taykamasti, jumanakan nayatak sayt'asipxatam laykuw apanukut uñjasi,

Jeremías 34:14

Jupanakarux sarakïyätwa: Sapa paqallqu mara saraqatarusti, kawkïr hebreo jaqitix jupa pacha aljasi ukatsti suxta mara luqtaraki ukarux antutxapxätawa sasa. Ukampis nayra awkinakamax janiw nayarux ist'apkitänti, janirakiw jaysapkitänsa.

Levítico 25:48

uka israelita jaqix wakisiw kutsuyatäñapaxa. Uksti pachpa wila masipaw ukham luraspa,

Malaquías 3:16

(Tatitur axsartas sarnaqirinakasti jupanakkamaw parlasipxäna, Tatitusti jupanakar ist'änwa. Ukatsti, jupan nayraqatapan qillqasïna, Tatitur axsartañampi yäqirinakataki, sutip waqaychirinakataki).

Malaquías 4:2

2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

Mateo 18:25

Uka irnaqiripasti janiw kunampis phuqhirjamäkänti, ukat reyix juparux säna: ‘Aka jaqir aljantapxam, warmipamppacha, wawanakapamppacha, taqi yänakapamppach aljantapxam, ukhamat uka manup phuqhañapataki’ sasa.

Mateo 18:30

Ukampis jupax janipuniw munkänti, jan ukasti, manupat phuqhañapkamax carcelaruw jist'antayäna.

Mateo 18:35

Jesusasti akham sänwa: —Janitix jilamar taqi chuyma pampachapkäta ukax, alaxpachankir Awkixax ukhamarakiw jumanakampix lurani —sasa.

Hechos 13:26

“Israelit jilat masinaka, Abrahaman wawanakapa, jumanaka, Diosar axsartas sarnaqir yaqha markankir jaqinaka, aka qhispiyäwi arunakax taqi jiwasanakatakiwa.

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 19:5

Ukatsti qhapaq qunuñat mä aruw ist'asirakïna: “¡Diosasar yupaychapxam, taqi jupar luqtirinaka, taqi jupar axsartirinaka, jisk'anaka, jach'anaka!” sasa.

Rut 1:3

Mä qawqha pachatsti, Elimélec chachax jiwxänwa, Noemí mamasti pä yuqapampikiw qhiparxäna.

1 Samuel 22:2

Ukhamarakiw t'aqhisiyat jaqinakasa, manuninakasa, jan kunampis taqi chuymäpkän uka jaqinakas Davidampiw mayachasxapxäna. Davidasti jupanakan jilïriparakïnwa. Jupamp chika sarnaqir jaqinakasti niya pusi patak jaqinakjamänwa.