1 Samuel 22:2 - Qullan Arunaka DC

² Ukhamarakiw t'aqhisiyat jaqinakasa, manuninakasa, jan kunampis taqi chuymäpkän uka jaqinakas Davidampiw mayachasxapxäna. Davidasti jupanakan jilïriparakïnwa. Jupamp chika sarnaqir jaqinakasti niya pusi patak jaqinakjamänwa.

Aymar Bibliia 1986

² Uqhamaraquiw take t'akhesiyata jakenacasa, manuninacasa, uqhamarac qhitinacatejj jan cunampisa take chuymäpcäna uca jakenacasa Davidampiw mayachasjjapjjäna. Davidasti jupanacan capitanaparaquïnwa. Jupampi chica sarnaker jakenacasti niya pusi pataca jakenacjamänwa.

Qullan Arunaca

² Uqhamaraquiw take t'akhesiyata jakenacasa, manuninacasa, uqhamarac qhitinacatejj jan cunampisa take chuymäpcäna uca jakenacasa Davidampiw mayachasjjapjjäna. Davidasti jupanacan capitanaparaquïnwa. Jupampi chica sarnaker jakenacasti niya pusi pataca jakenacjamänwa.

1 Samuel 22:2 Jak'a apnaqawi uñst'ayäwi

2 Samuel 17:8

Jumax askiw yattaxa, awkimampi, jaqinakapampix jan axsarir chachanakätapa, jichhasti wali q'apisitäsipkpachawa, kamisatix mä osax qallunakap apaqatax wal qhuruchaski ukhama. Ukhamarus awkimax nuwasiñ yatir jaqiwa, janiw arumax mayni jaqinakap taypin qhantatkaspati.

2 Samuel 5:2

chiqpachansa Saúl reyix nanakan reyixäkchïna ukasa, jumaw Israel markarux nuwasïwinakapan sarayaskäyätaxa. Ukhamarus Tatitux jumaruw arsuwaytam Israel markapar sarayañamataki, apnaqañamatakiraki” sasa.

2 Reyes 20:5

“Kutt'am, ukatsti markaxan jilïripa Ezequías reyir akham sanim: David nayra awkiman Tatit Diosapax akham siwa: ‘Nayax mayisitam ist'smawa, jachatamsa uñjaraksmawa. Jichhasti jumarux k'umaraptayämawa, ukatxa akat kimsa urut Tatitun utaparux sarxäta.

2 Reyes 4:1

Mä warmiw utjäna, jupasti profetanakat maynïr profetan warmipänwa, jupax Eliseon ukaruw saräna akham sasa: —Chachaxax jiwxiwa, jupax Tatitur axsartirïnwa, uksti jumax yattawa. Jichhasti qullqi mayt'apkitäna uka jaqiw juti, ukatsti pani wawaxaruw uywatapatak irpasxañ muni —sasa.

Proverbios 31:6

Machañanakxa, aynacht'atanakataki, llakitanakatak apanukum;

Mateo 11:12

“Bautisiri Juanan jutatapat jichhürkamaxa, Diosan qhapaq markapax wali arknaqataw uñjasi, khitinakatix ch'amampi atipjañ munapki jupanakax uk tukusiyañ munapxi.

Mateo 11:28

Taqi qarjatanaka, llakimpi atipjatanaka, nayar jutapxam, nayaw samarayapxäma.

Hebreos 2:10

Taqi kunaw Diosanki, jupan luratarakiwa, taqi wawanakapan qhapaq markapankañap muni. Ukat Diosax t'aqhisiñ tuqi Jesucristorux askir tukuyäna, jupanakan qhispiyiriparuraki.

Jueces 11:3

Ukat Jefté waynax jilanakap jak'at jaltxäna, Tob chiqaruw jakir sarxäna, ukawjansti mä tama qhuru jaqinakampiw jikisxäna, ukanakasti jupamp chikaw jan wali lurañanakan sarnaqxapxäna.

Jueces 18:25

Ukampis danita jaqinakax sapxänwa: —Jan ukham jach'at parlapxistati, ukatarak nanakat maynisa chuyma mayjt'ayasisin katuntapxiristam, ukatsti, jumasa wila masinakamas jiwarapxasmawa —sasa.

1 Samuel 1:10

Anasti jacht'asisa, chuymapansa wali llakt'ataw Tatitut mayisiskäna,

1 Samuel 22:3

Uka chiqatsti Davidax Moab tuqina Mispá siski ukkharuw sarxäna. Ukat Moab uraqin reyiparux sarakïna: —Awkixampiru, taykaxampirux jumanakampi qhiparañapatakiy katuqt'arapita, kuntix Diosax nayampi lurañ munki uk yatisiñaxkama —sasa.

1 Samuel 23:13

Ukhamasti Davidampi, jaqinakapampix niya suxta patakanïpxänwa, Queilá markat mistuwayasinti kawksarus sarxapxakïnwa. Ukatsti Saúl reyix Davidan Queilá markat jaltxatap yatisinxa, janiw arktañatakix juk'amp kunsa lurkxänti.

1 Samuel 25:13

Ukatsti Davidax jaqinakaparux sänwa: —¡Taqini nuwasiñ yänakam wakicht'asipxam! —sasa. Jaqinakapasti Davidjamarakiw espadanakap wak'anakapar uchasipxäna; ukatsti pusi patak jaqinakaw jupamp chika sarapxäna, ukchañkamasti pä patak jaqinakax kunanakatix utjkäna ukanak uñjiriw qhiparapxäna.

1 Samuel 30:6

Davidasti wali llakt'ataw jikxatasïna, jaqinakasti qalampiw juparux k'upjañ munapxäna, wawanakapar ukham apapxatapatxa taqiniw wali mayjt'atäpxäna. Ukampis Davidax Tatitu Diosaparuw katuyasïna,

1 Samuel 9:16

“Qharürux Benjamín uraqit mä jaqiruw khithanïma, jumasti juparuw Israel markaxa apnaqañapatak utt'ayäta. Jupaw filisteonakan amparapat qhispiyani, nayax t'aqhisitanakap uñjasin markaxat khuyapt'ayastwa, arnaqasitanakapax nayakamaw purini” sasa.