1 Samuel 22:3 - Qullan Arunaka DC

³ Uka chiqatsti Davidax Moab tuqina Mispá siski ukkharuw sarxäna. Ukat Moab uraqin reyiparux sarakïna: —Awkixampiru, taykaxampirux jumanakampi qhiparañapatakiy katuqt'arapita, kuntix Diosax nayampi lurañ munki uk yatisiñaxkama —sasa.

Aymar Bibliia 1986

³ Uca chekatsti Davidajj Moab tokena, Mizpa sisqui uca chekaruw sarjjäna. Ucat Moab oraken reyiparojj saraquïnwa: “Achict'assmawa, awquejjasa, taycajjasa acaru jumanacampi chica kheparañapataqui, cuntejj Diosajj nayampi lurcani uca yatiñajjcama” sasa.

Qullan Arunaca

³ Uca chekatsti Davidajj Moab tokena, Mizpa sisqui uca chekaruw sarjjäna. Ucat Moab oraken reyiparojj saraquïnwa: “Achict'assmawa, awquejjasa, taycajjasa acaru jumanacampi chica kheparañapataqui, cuntejj Diosajj nayampi lurcani uca yatiñajjcama” sasa.

1 Samuel 22:3 Jak'a apnaqawi uñst'ayäwi

Génesis 47:11

Joseasti faraonan arsutaparjamaw phuqhäna, ukatsti awkipampiru, jilanakapampirux wali suma uraqinak Egipto uraqinkirit churäna. Jupanakasti Gosen chiqan utjnuqtapxäna, uka chiqasti jaya qhipatxa Ramsés sutimpi uñt'atäxänwa.

2 Samuel 8:2

Moabita jaqinakarux atipjarakïnwa, ukatsti uraqir siqiki liwirtayasaw jupanakar mä ch'ankhampi tupt'äna, khitinakatix pä tupu taypinkapkän ukanakarux jiwayänwa, mä tupu taypinkirinakarusti jakayänwa. Ukhamaw moabita jaqinakax Davidan apnaqat uñjasipxäna, qullqsa churapxarakïna.

Éxodo 20:12

“Awkimaru, taykamar waqaycham, Tatit Diosamax churkätam uka uraqin jaya maranak jakañamataki.

1 Timoteo 5:4

Ukampis mä ijma warmitix wawanïskchi, jan ukax, allchhinïskchi ukaxa, jupanakaw nayraqatax suman uñjas yanapañ yatiqapxañapa, kunja munasiñampitix awkinakapax munaskän uka pachpa munasiñampi, ukham lurañasti Diosarux wal kusisiyi.

Jueces 11:29

Uka qhipatsti Tatitun ajayupaw Jefté chachxarux jutäna, ukat jupax Galaad, Manasés uraqinak sarakipäna, Galaad chiqankir Mispá sarakipasa, amonitanakan uraqip katuntasiñataki.

Rut 4:10

Nayax Rut ijma warmimpiw jaqichasxarakï, ukhamat uka uraqix jiwir Mahlón chachapan sutipankaskañapataki. Ukhamasti janiw Mahlón chachan sutipax wila masinakap taypin chhaqtkaniti, aka markansa janiw sutipax armatäkaniti. Jumanakaw jichhürux taqi ukanak uñjapxista —sasa.

Rut 4:17

Ukham uñjasinxa, uta jak'ankir warminakax sapxänwa: —¡Noemí mamax mä wawanïxiwa! —sasa. Jupanakasti wawarux Obed sutimpiw uchapxäna. Obed chachax Jesé chachan awkipänwa, David reyin achachilaparaki.

1 Samuel 14:47

Ukhamaw Saúl reyix Israel marka apnaqäna, ukatsti taqi chiqan uñisirinakapampix nuwasïna, uñisirinakapasti: Moab, Amón, Edom, Sobá markan reyipa, filisteonaka ukanakänwa. Kawkirutix sarkäna ukkhansti atipjakipunïnwa.

1 Samuel 22:2

Ukhamarakiw t'aqhisiyat jaqinakasa, manuninakasa, jan kunampis taqi chuymäpkän uka jaqinakas Davidampiw mayachasxapxäna. Davidasti jupanakan jilïriparakïnwa. Jupamp chika sarnaqir jaqinakasti niya pusi patak jaqinakjamänwa.

1 Samuel 22:4

Ukhamaw Davidax awkiparu, taykaparux Moab reyin ukaru irpxäna. Jupanakasti uka reyimpiw jakapxarakïna, Davidax imantaskäna taqi uka urunakana.

1 Samuel 3:18

Samuelusti, kuntix Tatitux parlawaykatayna ukanak jan kuns imt'asaw yatiyäna, ukat Elí sacerdotex jach'at arsüna: —¡Jupax Tatituwa! ¡Munañapax luratäpan! —sasa.