THARC TVLUINGC 2:3 - ASII LAKDAP Bible (BSI) Nyan phaqchi kra saptsin wan ha jaq nguta, ngi raq che nyang lata polokhiq siwan kang. Ngi raq maiqse rilung mangjong hiq na atoqse sithü tiikai na, akha polokhiq maq rilung tiisung wan riiwe ka ahea nguta tiima wan kang. Hawa Naga Bible 2001 Taksux tharc tvkoc ngvy thuinroc lvmx kuex phvnx vtueq, ngvy shauk pumz kuex svpiq tix maq tvlenc ruiux vhvlx lvmz lvp muex ngoz tueq htvp htaz wvnc tauk. Vruex kuex ghaq htauk nuex vlosaz thuiuzthuic tvraungx yaq miqsaz htenc rullungx tvkoc vhvlx pinhtumc rvtueq lvmx ngaz rueq tvmaung lvp tauk. |
Jakob raq treto, “Irilung ka mung shi maq riita mungshi na laüwan wan silatli wiishishi ri wiiroqtsam she saüto. Ara rawii thun arka atoqse li kiimaq litkot chamchao lam miili sung wanto. Kriika ititiim raq tsang rilung ka bashi na laü wan wan maq rawii luhea tiisung wantaq kiikhiika riimak.”
Maiqse ka atsai kai jai thongshi atra mijang wa nong shea? Shatmaq ngi raq riiwe kla akhing ahea saü wan kheshat mirha, ara chamchao akhing ara mithum shaq wiiwii kheruqli mikheha.
raüta atsan shiipeo ma spiqtai klotlo, kiimaq oliptsi tai ka apaiq tiikhoqriiq ma klotlo, kiimaq aningkun shoqke ma winsii kuqtlo.
Ngi ka itsan na taksu tsii nai angok angi tsii liipan na, jamkho tiikhothiq tsin tlaq, kiimaq taksma tsii nai angi nola jong tsii kra sap wan hajaq nguta shiichaq wan kang. Shatmaq ara tiikhothiq wan tlaq arman rahai jaijo ikhli riikang.
Polokhiq poijong klo ka chojong chise miraq. Che phetak bak nyang jai hühü haha minai trang. Shatmaq ara phan nai ri klo miitu kampho miraa, kampho ahü jiila klo lot maü.
Atiithum bomtsi ka arlishe: Shiikeawe kli she shrenglaq. Laüta apaiq aming thun kra langlaq. Shiikeawe raq maiqse phansang wantaq ka ara miituli riito.
Arningkhan, maiqse rilung na athuk pinthum ka, jamlaiwa najaq na lap wankai, kra nawok phetaktak, phaqsea khamnyang, peokhiq maq siwan changli. Shatmaq ara khoqriiq shishiiq maq siwan armin Shiikeawe raq akuq.
Ngi raq maiqse rilung khuthaq na phanrap konchon wan kang. Lata bomtsi ka arjiishe sup wato: Shiikeawe raq maiqse ma rilung ka ara mangjong hiq na siwan miitu atoqse li kuqto. Kriikha na jaqsham minshiiq ümtinkhan wa hunnii tiikai, kra phanphan, phaq asea chamtraq wok phetak phaqsiq raüta, chochikhiq maq narilung ka tiisung wan changli. Kriili maiqse ma ahea pinthum. Maiqse rilung kharii ka arli she.
Maiqse raq arilung ka ara mangjong hiq na jaqlose kiimaq thiihü sithü tlaq liipan na, apaiq ma ahea pinthum ka jamlai wa miraq, kra apaiq raq jamkho misap? Ara maiqse rilung ka rashekii na khum raüjaq, natsaiji dongtlaq ikhli. Maiqse raq apaiq tsaikai jai, ara mangjong hiq na jamlai mra wa mipin wan kra misap lot shea?
Thittlai phok jamlai min naqklokiq. Ümniiraq Shiikeawe ma haisong tsantsii rümhaü jiila, jamlai wa klo tlaü kra ong wan ruq mirhaü.
Shatmaq ngi raq irilung ka phaqchi apa sap wan hajaq, kiimaq taksu tsii ka apa tsin wan hajaq, kiimaq phanrap maiqse rilung na chhiwan tiikai kra liichum ka konchon wan hajaq nguta tsinngin wan kang. Kiimaq maiqse rilung na ajiq aphiq rilung nai angok angi rilung ka jamno supwa tla, kra liichum ka tak wan hajaq nguta tsinngin wan kang.
Arningkhan ngi riika arli saptiikang, maiqse rilung na, polokhiq maq siwan changli. Jamkhano ngukla maiqse ma rilung na polokhiq maq siwan miitu ka, phaq nai sea chamtraq phaqsiq raüta peo wan chang kli sitlo. Shiikeawe raq apaiq ma mangjong hiq na rilung kuqtaq liipan bala, arka apaiq raq jaqsham raüta mipeo wan lot.
“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”
Ümchaü sanha, cherop ma naq ja rongkiq she. Che riika namrilung kli mishthen baiq. Kra rii na, Asii Wenyi ma nam mongjii ka kunli tiima lantli si ronglaq.
Shatmaq spiq raü raq treto, ‘Ngi ka namshiq hokham jaha jiika, ngi raq itsi ingo spiqtsi ka, maiqse nai phrakaü thung tiichochi chang, i spiqtai tiidong ka atsaqkai chang she miraq.’
Krai mren, Abigail ka Nabal phaniishe jang wanto. Kra akhing na apaiq ka jam na hokhamwe raq tiipongpii phaqsiq tlaq ikha, peokhiq maq poi klo polosea riito. Apaiq ka chephe makaiq. Kiimaq polokhiq maq awok-hai. Kriikha na tsangnyung raq apaiq ma anap ranap na saüli, jam bom min chongmak dea riito.