THARC TVLUINGC 10:19 - ASII LAKDAP Bible (BSI)

¹⁹ Polokhiq poijong klo ka chojong chise miraq. Che phetak bak nyang jai hühü haha minai trang. Shatmaq ara phan nai ri klo miitu kampho miraa, kampho ahü jiila klo lot maü.

Hawa Naga Bible 2001

¹⁹ Phuiuz svy moalx tvhungx shuiux kuex mnoz muex tvkoz kez yaq nuiyc svpiq tix rueq mthuinz tvlenc lauk yaq, yuq muinz kuimphox vguez ngoz ruiux mnoz rueq tvhungx lot muq.

THARC TVLUINGC 10:19 Referencias Cruzadas

RAPHA HIQWA LAK 43:34

Kiimaq tsangshiq ma dung ka Joseph chamrii kiiwa tsoq kuqto. Kiimaq Benjamin miika tsangshiq abiti ma kuqtaq kra thaq na jangbiingi achan apa tsoq kuqto. Kiimaq tsangshiq raq Joseph rai adam maq che nyang dungsea chochikhiq maq phekhiq phaq siqto.

2 SAMUEL 13:28

Raüta apaiq raq ajaqshisetiim ma bom ka akha chongkuqto, “Liirong laq, athi ümtiikiiwa Amnon ka chephe makaiq she riijiiq, kra akhing na ngi raq namshiq ma, aming kuq phala, apaiq ka tiitsailaq tsatbaiq rongliijo. Naqhai rongkiq liijo. Ara mra ka ikhu thaq na. Srea nolabi ma jarong liijo. Naqhai rongkiq lii!”

1 KAÜWA WERAÜ 21:24

Shatmaq hokhamwe raq nguto, “Riimak. Ngi raq athii ka ümchuwa kra wiita mikuq kang. Ngi raq Tatiwe ma ümhupsam ka honglu na kuq mang. Ngi raq atu na alap ha kriika honglu na kuq mang.”

EJRA 1:6

Tsangshiq jam thoti tarü raq, ara ariq chaq kampho maq atiiq hupsam thun tak apin thun, ta awii hupsam, nyamse thun, kiimaq athii atsin phan kongphiq thun, maq khrum kuqto. Arthun arka tsangshiq tsan tsii maq honglu kuq taq kriithaq niishe kuqto.

NEHEMIA 5:8

Latiishe, welabi ma, “Naishiq welabi raq Jehudinok phunai notiim, tsangshiq thüm alit tsi ma, maiq ümchu riiwa maiqmii khum ka pongmung maiqsetiim jaqkhon na, di ma tiisha wantaq, kriiti ka, naishiq raq atangtang dokda wan kai. Ümchaü namshiq riishea, maiqmii Jehudinok phan riilantiitiq, namphu namnotiim, Jehudinok kra namdisetiim ma tiija lanta rüm wan tlan!” nguta tsangshiq ka son kang. Kiimaq tsangshiq phukhu welabi ka poshi min bommak kaiqshak li riito.

ESTHAR 1:10

Poi klo phaqsea ra miishe ranaiq she angu na, hokhamwe ka che nyang raüta atsan ahea polokhiq riito. Krai mren, apaiq raq akolibi wemiishi, Mehuman, Bijtha, Harbona, Bigtha, Abagtha, Jethar kiimaq Karkas kra heato.

Tvtsvmc 104:15

raüta atsan shiipeo ma spiqtai klotlo, kiimaq oliptsi tai ka apaiq tiikhoqriiq ma klotlo, kiimaq aningkun shoqke ma winsii kuqtlo.

Tvtsvmc 112:9

Apaiq raq atsiiq anyam ka litkot chamchao maiqse ma, jaqchii jichii maq pheanyin pheashi khrum kuqtlo; apaiq mangchan ka laqthaqmak phan; apaiq ningkun ka ajong miraq kiimaq maiq raq apaiq ka kai mishreng.

THARC TVLUINGC 2:3

Nyan phaqchi kra saptsin wan ha jaq nguta, ngi raq che nyang lata polokhiq siwan kang. Ngi raq maiqse rilung mangjong hiq na atoqse sithü tiikai na, akha polokhiq maq rilung tiisung wan riiwe ka ahea nguta tiima wan kang.

THARC TVLUINGC 9:7

Kriq na. Phesiq laq. Phetaktak phaqsiq laq. Chojong chise maq silaq. Wiiche wiitsam phetaktak phaqsi laüta silaq. Chochikhiq maq silaq. Shiikeawe arka ahea siili.

ISAIA 23:18

Raüta apaiq laopan ja kampho ka Tatiwe ma mikiinong kuq. Apaiq raq tsiiqtum apaiq miitu thümak miraq. Shatmaq Tatiwe shomnoqtibi raq apaiq kampho kra lang raüta tü atsam mirisiq kiimaq tsangshiq miitu khu akhea ratlaq kra risam ma milang.

ISAIA 24:11

Mungmaiqse ka chiihea wea lam thun na gisiitrangtlo. Jamkhano ngukla che nyang chang ka ahü she. Chochi rilung ka pattup miitu thumto she. Armung wa chochi ka thumto she.

Matthew 17:27

Shatmaq nashiq raq tsangshiq tsan tiibi wan ka romai. Kriikha maq ümniika thamchum kiina kilaüta ngiq ka pun kikiq. Pun pha shaqshaq pun tlaüti nübok ka riip laq. Kiijaq ngiq nübok na kampho sii ashi mihum haü. Kra kampho sii maq nanai la shomjam phunta kerii riikhaqli miraq. Kra lam wan laüta kuqwakiq.”

Matthew 19:21

Kiijiishe Jesuq raq treto, “Ümniika awongsii maiqshaq ashi ma jawan ro tlaü jiika, ümjam na kilaq. Laüta ümtsiiq ümnyam ümchu wa sitlaq kra wiita asha riilaq. Laüta kra kampho ka miitsan miijan maiqsetiim ma pheakuq laq. Kra riihaü jiitiq ümniika mungtan na chiithe ma mija wan haü. Kra laüta ngi phana wara. Kiimaq i jaqshise ma ja laüta, i jai she phan laq.”

Luke 12:19

Kra lot latiishe, ‘Kopan ajongwe le! Ümchaü sanha, phanrap ong laü she. Ümchaü kla, che nyang dungsea, chamtraq tiipong tiipii laütli she peo silaq!’ nguta tiishomrasiqto.

Luke 16:9

Kra ngu raüta, Jesuq raq abom ka akha chongkuqto, “Arkha maq tiina, ngi raq chongtiikang ara: Mangjong hiq wa tsiiq nai nyam armaq athuk atsom jaqsham lanta, namshiq maiqmii miitu, kongti kiimtibi ka lap ronglaq. Krai mren, ümtiikiiwa, ara namtsiiq tum thun kra athum she mirki, kra akhing na, namshiq ka pattup pat-sa jam niishe mitao wan.

Luke 8:3

Kiimaq Herod rung na jaqshamti siihiip we Chuja tanyung Joana, kiimaq Susana thun kra riito. Kiimaq jechakre pahea ahinti, Jesuq nai ajaqshisetiim ka tsangshiq tsiiq anyam maq khrum kewan damtibi thun kra wadamto.

Acts 11:29

Kra tai raütiishe, Jesuq jaiphanti setiim raq, Judia wang na siti kamasham maiqse phunainotiim ma khrumke miitu, tsangshiq loweatek raq maiqmii rii tiithithi maq pheke jaqmiiq mihi rong i nguta bom ka riichongto.

Acts 2:45

Tsangshiq raq maiqmii hupchong samchong thun kra shata raüta, kra sha kampho ka, tsangshiq phungtuti liipan na, maiq loweatek ma, jamlai phan niiwa thümlit tlaq, kra tiiphan phan riiphea riinyin raüta sito.

1 Peter 4:3

Namshiq raq thatsang maiqse rilung ka man na, luhea asi wan kun she. Kra lea wan lan akhing na, ashe ashi rai riinyat shat, kiijoq kiicham, cherop nyiipthop, che raq chok lanta hi awaq kong ikha jechak maiqwe riitsam nyiim lanta, adam na riipo na siwan lan ihata. Kiimaq maiqphai asi chang sumla shomnoq riitsam nyiim lanta siwan lan ihata.

PHOWEBI 14:10

Awe ka jechakse jam na kihoto. Kiimaq Samson raq maiqlam poi ka kloto. Kriipat na jerobi raq poi ka akha klotlo.

PHOWEBI 9:13

Shatmaq spiq raü raq treto, ‘Ngi ka namshiq hokham jaha jiika, ngi raq itsi ingo spiqtsi ka, maiqse nai phrakaü thung tiichochi chang, i spiqtai tiidong ka atsaqkai chang she miraq.’

1 SAMUEL 25:36

Krai mren, Abigail ka Nabal phaniishe jang wanto. Kra akhing na apaiq ka jam na hokhamwe raq tiipongpii phaqsiq tlaq ikha, peokhiq maq poi klo polosea riito. Apaiq ka chephe makaiq. Kiimaq polokhiq maq awok-hai. Kriikha na tsangnyung raq apaiq ma anap ranap na saüli, jam bom min chongmak dea riito.