THARC TVLUINGC 12:13 - ASII LAKDAP Bible (BSI)

¹³ Atiithum bomtsi ka arlishe: Shiikeawe kli she shrenglaq. Laüta apaiq aming thun kra langlaq. Shiikeawe raq maiqse phansang wantaq ka ara miituli riito.

Hawa Naga Bible 2001

¹³ Httax yaq lotlaz jungc lot yix, vjungc juing kvjaz vshiz dvyx httax yaq: mnoz kuex Tishox muex hiyaz tvtsanc nganc ruiux vpiq rueq nvr yaq htenc kuex phvnx shuiuz, yvmx khoc lac ngoz ruiux lec vruex lotlaz phvnc tvkoc miqsaz kuex tvdung sung shec tueq.

THARC TVLUINGC 12:13 Referencias Cruzadas

RAPHA HIQWA LAK 22:12

“No dü na jaq naq miiqkiq. Kiimaq apaiq dü na naq tiimitsikiq,” nguta apaiq raq nguto. “Ümchaü ngi raq sapkang she, ümniiraq Shiikeawe ka shreng tlaü. Kiimaq Shiikeawe aming ka langtlaü. Jamkhano ngukla ümniiraq ümse sekhuq laq laq se ka khun nü maü maq ngi ma kuqlaü.”

1 HOKHVMX 2:3

Kiimaq Tatiwe, üm Shiikeawe raq jamlai aming wa kuqtlaq kra shamlaq. Apaiq thungtri raütu thun nai apaiq aming thun ka Mosheq raq awaiq thü tri lakdap na sitlaq kra phanphan langlaq. Kriithun ka kun kun lang haü jiila, ümniika ümbano kitlaü kra kunli ongwan ruq mirhaü.

YOBA 28:28

Shiikeawe raq maiqse ma chongto, “Taksu ma ja miitu, namshiq raq Tatiwe ka shreng raa tlo, Asap wan miitu, namshiq raq abi lam phan wa jang wan raa tlo.”

Tvtsvmc 111:10

Taksu ma jawan lam ka Tati shrengkli; apaiq aming thun langtibi ma apaiq raq riikhaqli tri sham phaqchi kuqtlo. Apaiq ka pattup pat-sa tiitsam chang.

Tvtsvmc 145:19

Apaiq shreng raüta siti wiita ma rongraatlaq phan thun ka chomrom kuqtlo; apaiq tsangshiq hoqsiitlaq kra taitlo raüta tsangshiq ka chhiitlo.

Tvtsvmc 147:11

shatmaq apaiq ka apaiq shrengti ma khoqriiqtlo, apaiq tiipitmakphan lungwii ma kamti ma khoqriiqtlo.

TAKSU LAK 1:7

Tatiwe ma haisong tsantsii thüwan kata, anyan phaqchi tsin wan kilamchong. Angi nolakong raq taksu bomtsi ka ashipoq riitlo, hon atsii chhiwan lungwii mak riitlo.

TAKSU LAK 19:23

Tatiwe wokhong na silaq, raüla rilung alu misihaü. Tsankhun maq nai, hansang maq misihaü.

TAKSU LAK 23:17

Ngarai maiqse ka naqshukiq, rilung pattup Tatiwe ma, shreng manto tsantsii kli thülaq.

THARC TVLUINGC 2:3

Nyan phaqchi kra saptsin wan ha jaq nguta, ngi raq che nyang lata polokhiq siwan kang. Ngi raq maiqse rilung mangjong hiq na atoqse sithü tiikai na, akha polokhiq maq rilung tiisung wan riiwe ka ahea nguta tiima wan kang.

THARC TVLUINGC 3:14

Ngi raq asapha Shiikeawe raq phanrap klotlaq kriika, pattup pat-sa mingang wan. Kriithaq na maiqse raq jamlai tiitsuqphiq kai chang ahü. Kiimaq atiikojo lambaiq wan chang min ahü. Nashiq wiitarü ka Shiikeawe jaqsham kra chhilaita amao laita sichangli.

THARC TVLUINGC 5:7

Ümniiraq ümtinkhan sham-akai li hang haü jiimin, ümtin jaqsham kaiwali hunnii rai haü min, ümtin khanli tsütsit haü min, ümniika Shiikeawe man na, tiihaisongshat maq chap changli dongdii miraq.

THARC TVLUINGC 6:12

Maiqse raq arilung ka ara mangjong hiq na jaqlose kiimaq thiihü sithü tlaq liipan na, apaiq ma ahea pinthum ka jamlai wa miraq, kra apaiq raq jamkho misap? Ara maiqse rilung ka rashekii na khum raüjaq, natsaiji dongtlaq ikhli. Maiqse raq apaiq tsaikai jai, ara mangjong hiq na jamlai mra wa mipin wan kra misap lot shea?

THARC TVLUINGC 7:18

Thittlai phok jamlai min naqklokiq. Ümniiraq Shiikeawe ma haisong tsantsii rümhaü jiila, jamlai wa klo tlaü kra ong wan ruq mirhaü.

THARC TVLUINGC 8:12

Ngarai maiqse ashi riika, jangroq shishi ngarai mitang wan. Kra taü maq dongdii min apaiq ka atrali misi. Tengto: Ngi raq asap ha, tsangshiq raq akha mingu, “Ümniiraq Shiikeawe aming lang laüta sihaüla, ümniima jammin ngusiq mak miraq.

THARC TVLUINGC 8:5

Hokham aming lang laüta sihaü jiila, ümniima jam haisong chang ahü, tiiwong shat misi haü. Taksu maiqse riika ümra akhing na jamlai klo chang wa kiimaq jamkhii klo chang wa kra asap.

Mikha 6:8

Riimak, kiikhiika. Tatiwe raq nashiq ma, tingting tri lamphan kra chongkuq wanto. Tri kappe ka tingting maq shamlaita sichang. Nanok ka mangchan laita sichang. Shiikeawe wokhong na tsannin woknin maq siwan chang.

Luke 1:50

Apaiq shreng wanti ma, patshi maq riita patshi na saüli mangchan wantlo.

TRI CHONGKE 10:12

Mosheq raq Israilnok ma nguto, “Ümchaü min, Israilnok lei, Tatiwe namshiq Shiikeawe raq namshiq jamkha shong nga chang ngutiiwa chongtlaq kra tai ronglaq: Tatiwe ka shomnoq ronglaq. Kiimaq apaiq raq aming kuqtlaq thun ka tlotli lang ronglaq. Apaiq ka lungwii ronglaq. Lanta apaiq kli nam tsan nam mong wiita kuq lanta shiili ronglaq.

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 4:10

Namshiq ka Tatiwe namshiq Shiikeawe man na Sinai Pum maq chap wan lan ranaiq wa bomtsi kra chongkuq ronglaq. Kra akhing na, apaiq raq ngi ma akha nguto, ‘Mungmaiqse ka adam na triitamlaq. Ngi raq tsangshiq ma jamlai chong ke chang wa asi kra tsangshiq raq tai ratlo. Raüta tsangshiq ka atra sishat wiiwii ibom chong ara lang raüta singa wan kra mitsinlaq. Kiimaq tsangshiq raq tsangsetiim ma ara aming thun ara lang raüta siwan miitu mishrinkuq wanlaq.’

TRI CHONGKE 4:2

Ngi raq namshiq ma jamlai aming wa kuqtiikang arthaq na namshiq raq ahin naq tiitsuq rongkiq. Kiimaq arthun aming arwa poshi ra min naq lam baiq rongkiq. Ngi raq namshiq ma Tatiwe namshiq Shiikeawe aming thun kuqkang kra lang ronglaq.

TRI CHONGKE 6:2

Namshiq ka atra sitlan wiiwii, namshiq kiimaq namsaü namsetiim raq Tatiwe namshiq Shiikeawe ka shreng lanta kiimaq ngi raq kuqtiikang thungtri raütu thun kunli kra lang lanta sironglaq. Kriika namshiq kra mung na pat aku mit asu maq singa wan miitu.

1 Peter 2:17

Maiqse angu tarü ma anato lanta sirong laq. Namkongti Phungmaiqsetiim rai riilung riiwii maq sirong laq. Shiikeawe ka shreng lanta sirong laq. Kiimaq Hokham we ka shreng lanta sirong laq.

Revelation 19:5

Kiijiishe hokham ngacho wa maiq bom ashi akha taikang, “Nashiq raq Shiikeawe tiitsam rong i! Warong ra, ajong aran asengi angu wiita apaiq ma shreng manto shiipan pin towan rong i!”

1 SAMUEL 12:24

Tatiwe aming thun ka lang ronglaq. Lanta tsan nai mongjii wiita kiinong lanta tsapkapkap maq apaiq kli shiili ronglaq. Apaiq raq namshiq miitu jaqsham jonghea shamkuqtaq kra tsan na tiitsang lanta sironglaq.