NEHEMIA 4:6 - ASII LAKDAP Bible (BSI)

Krai mren naishiq ka nungpaq mai maq ruk tiihea jaqsham kli shiikut wankai. Kiimaq, jaqlo liipan niilishe naishiq raq ruk ka rajam niishe saüli hailot kai. Jamkhano ngukla, mungmaiqse ka tiima tsantsii ashii maq chap shat jaqsham wankai.

Hawa Naga Bible 2001

Kvkhoc rvtueq nuiyshiq rueq palx ruk kuex tvhttoarc vtueq ruk vshix, miq htenc rueq muinz thuinz nuex tvtsanc vtueq shuimc ningkhvnc nuex mtanc httax muq nuex vjoz kox nuex ngvlc rv-ngvlc shex lot wvnc vshix.

NEHEMIA 4:6 Referencias Cruzadas

1 KAÜWA WERAÜ 29:14

“Kiitinkhan jonglu kra ningkhan, isenginok nai ngi riika ümniima jamlai phan kene chang min ahü sitiikai. Jamkhano ngukla, phanrap phanrii ka ümjaq wa phe maq kongphiq akuq haü siisaq li riim tiikai. Krai mren naishiq riika ümniiraq naishiq ma jamlai wa kuqlaü, kra ümhupsam kriili jangkuq nongkai.

1 KAÜWA WERAÜ 29:3

Riita arthun riichom rom kang arthaq niimin, ngi raq itachong hupsam wa kampho kiimaq chaq thun kuqkang. Jamkhano ngukla ngi raq Shiikeawe Shomjam miitu itsan tiitsi lata lungwii tiikang.

2 KAÜWA WERAÜ 29:36

Hokhamwe Hejekia nai mungmaiqse ka kai khoqriiqto. Jamkhano ngukla Shiikeawe raq tsangshiq ma jaqlo liipan niili arthun jaqsham ara tlot wan miitu khrum kuqto.

NEHEMIA 4:5

Tsangshiq raq abi kiimung tlaq mra ka naqdii kuqkiq. Kiimaq tsangshiq ngarai ka naqlaq kiqlii. Jamkhano ngukla, tsangshiq raq naishiq ruk tiihea jaqsham kra shummii tlo.”

NEHEMIA 4:7

Shatmaq, Sanballat, Tobia, kiimaq Arabia hong na siti nok raq, Ammon hong na sitinok raq, kiimaq Ashdod hong na sitinok raq, naishiq raq Jerusalem chela ruk tiihea ka lot wan kai she nguta taito. Ruk heawea wa apu thun ka kunkun she tiitang wanto nguta taito. Kriikha na tsangshiq ka kai khiqriq wanto.

NEHEMIA 6:15

Kra jaqsham ka raroqbiingi ri ranaiq nai ngoja na, ruk tro tiihea hai jaqsham ka kunkun she ngut kai. Kriika Elul jipi raroq nai ri rabiingi ngoja niishe tlotkai.

Tvtsvmc 110:3

Ümjaqtinok khattlaü ranaiq na, ümsenginok raq maiqmii tsii maq dongrang raüta mikhrum, ranapchu maq bangrok ikha ümsengi jerobi ümphana asii hiqlam thun na miwa.

Tvtsvmc 122:3

Jerusalem chela ka atiihea haikun she tsomhea atiidakjok kiimaq danglu dangjan.

HAGAI 1:14

Krai mren, Tatiwe raq mungmaiqse tsantsii ka tiichhii kuqto. Kiimaq tlotli ka shairang rang she chapto. Raüta Shomjam ka tiihea haito. Juda mung pengti Wanghuptiwe Jerubabel, Ramwe Ajongwe Joshua, kiimaq shumwi asiwa jangwantiiti thun mungmaiqse kunli chap rang she shai wanto. Tsangshiq raq Tati Shiikeawe Ningkun Ajong Pinthum Shomjam tiihea hai wan jaqsham kriishe phato.

Philippians 2:13

Ara jamkhano chongtiikang ngukla, Shiikeawe raq namshiq ma apaiq bomchong ka, phaqchii nichii maq lang wan miitu, namshiq tsan tiichhii kuqtlo. Kiimaq, namshiq raq apaiq jaqsham miitu, ningkun kuq tlo.