NEHEMIA 2:7 - ASII LAKDAP Bible (BSI) Kra latiishe, ngi ka lam maq jam tiibanbi min ahü maq, jojuju hea maq, Judia wang na saüho miitu, lam lemat lak Euphretis jürai maq Shenyap Mung pengti wanghuptitiim ma keho chang lak kriiri waiqkuq haü jaq ahea nguta chongkang. Hawa Naga Bible 2001 Kvruex yimaq ngaz kuex Yuda mungx nuex waung ruiux yuq, ngaz muex rax yaq phvnx kuex romc kuy tvkoc Euphrat ruilx maq Shalx nyuip kox Mungx wawc mungx walaungx bix kox nuex tvtay luik muinz, |
Kiijiishe Derias raq kra bomtre wan lak ka akha waiq raüta tiiho wanto: “Riita ara lak ara Euphretis Jürai maq Shenyap Nü Wang pengti wanghuptiwe Tattenai ma, kiimaq Shethar Bojenal ma, kiimaq ümniirai mung peng wan damti Euphretis Jürai maq Shenyap Nü Wang na sitibi welabi ma tiiho wan tiikang. “Namshiq ka Shomjam tho na naqki rongkiq.
“Kiimaq, Euphretis Jürai maq Shenyap Mung sitlaq kra pengti mungtu shiilangbi ma, ramwe Ejra, kiimaq Shiikeawe Thungtri shamti taksuwe raq, namshiq jaq wa, jamlai phan wa ratlo nguta jaü tlaq, kriithun ka tiibomhü maq chomrom kuq rong laq nguta aming kuq tiikang.
Jamkhano ngukla, ngi raq hokhamwe jaqwa kumrang thaq na chaoti phenlabi, naishiqnok manglaü wanti wanhiq khum lam na, naishiq ma chiqse rewe maklii wa tiikhup wongke wan miitu, kuqlaq nguta jaü miika, phanshi jeasi chang lamlu ikha jato. Jamkhano ngukla, ngi raq hokhamwe ma naishiqnok Shiikeawe riika, apaiq ma kam wanti tarü ma, achu shiiman kuq tlo, kiimaq apaiq ma kamwan makti ka atiichamchao riitlo nguta achongwi she.
Kiimaq ajong hokhamwe raq tsangshiq jaq na Euphretis Jürai maq Shenyap Mung pengti wanghupti nai mung riim wanti welabi siihiipbi ma atiiho lakdamkom kra, tsangshiq jaq niishe kuqto. Kra kuqtaq krai mren, mung pengti ajong ala thun riimin, Jehudinok ka Shomjam tiihea hai jaqsham na, kiimaq Shiikeawe shomnoq wan na khrum kuqto.
Hokhamwe raq, ngi rai kongshi maq kaidam miitu, rewetubi phong wa wiijam, kiimaq kumrang thaq na chaoti rewebi wa kongshi kri tiiki damto. Krai mren, ngi riimin wanhiq khum ka tiichap pha wan kang. Lata Euphretis jürai maq Shenyap Mung kiina kaiho wanhiq khum kra pha wan kang. Lata, kra mung pengti wanghuptibi ma hokhamwe raq atiiho lak thun kriishe kuq kang.
Kiimaq kra jaqtho miika, Gibeon chela wa Melatia, kiimaq Meronoth chela wa, Jadon tsangnai wenai raq, kiimaq Gibeon chelati nokmaiqse raq, nai Mijpa chelati nokmaiqse riika, Joiada nai Moshullam sengi raq tiihea haitaq jaqtho maq tiichap wan raüta, long khetuk ka tiihea haito. Tsangshiq riika Euphretis Jürai maq Shenyap nü mung Wanghuptiwe sichang jam kra tho na saüli tiiheato.