NEHEMIA 2:6 - ASII LAKDAP Bible (BSI)

⁶ Kra tiipaiqnea lata tiitai wan kang krai mren, hokhamwe raq tsangnyung hokham nyung kiimin apaiq tho na ngashat asi na, “Riita ümniika ümchu ranaiq miitu wa mikiho haü. Kiimaq ümtincho wa mijang wa haü?” nguta hokhamwe raq ibom ka treto. Ngi raq apaiq ma nai mung na kai miitu bom tiitai wan kang kra, apaiq raq ahea nguta bom ka tre wanto. Krai mren, ngi raq apaiq ma kaisea walam akhing kriishe khamkuq wan kang.

Hawa Naga Bible 2001

⁶ Honoc nyuiuz rulc vdvmz ngaungc yaq honoc waz rueq ngvy kvjaz kuex tvralc kuq phuex. Piq rueq ngaz muex ngoc mtanc khvnc lac httvmx woz tuiux, ngoz tueq wiz phuex tueq, ngaz httvmx waung taungx nuiyc yek kaz taungx tanc khvnc kuex jungx kuq tauk.

NEHEMIA 2:6 Referencias Cruzadas

NEHEMIA 1:11

Ümchaü ngi achu jaü ara trekuq laq. Kiimaq, ümjaqshisetiim ahinti ümmang shreng wantibi thun achu jaü tlaq kra tre kuq laq. Ngi ma ümchaü ranaiq tiihongkuqlaq ara hokhamwe man na achu jaütiikang ara!” Kiitinchoji, ngi ka hokhamwe jam na, apaiq ma che tsümketi luqkhap riikang.

NEHEMIA 13:6

Riita ara chongtiikai ashut klo wan tlaq akhing bala na, ngi ka Jerusalem na ahü riikang. Jamkhano ngukla, ngi ka hokhamwe Artajarses raq Bebilon mung lang wan li maq, rawii wiiroqtsam ri wiinai ngoja na, Juda mung na mung jaqsham wan tiikang kra tsütsa ka tiitai kuq wala nguta, apaiq rai riihum wa, Bebilon mung na wawan kang. Riita, ngi ka Bebilon mung na ashaqpuq siwa jai miishe, apaiq raq ngi ka Jerusalem na jangho nong miitu aming kuqto.

NEHEMIA 2:4

Kiijiishe hokhamwe raq, “Riita ümchaü ümniiriika jam lai phan jaüro wa?” nguta ngi ma waito. Kiijiishe ngi raq sanseng ramungtan na siti Shiikeawe jaq wa achu jaükang.

NEHEMIA 2:5

Lata ngi raq hokhamwe ma akha chongkang, “O, Chaü lei, ümniiraq lungwii tlaü jiika, kiimaq ngi raq tiipaiq nea tiikang jaüjaü bomtsi ara mitre kuq haü jiika, Juda mung na, iti iwi maa lap wan chang chela kiina kai miitu aming kuq laq. Kiimaq kra athen arki chela kra ngi raq tiihea hai wan nong miitu aming kuq laq.”

NEHEMIA 5:14

Ngi raq Judia wang na wiiroqshi ri wiinai wanghuptiwe jaqsham wan kang. Kriika hokhamwe Artajarses raq munglang wan li maq wiiroq nai ngoja rawii maq shampha wan lata, wiiroqtsam ri wiinai ngoja na saüli sham kang. Kra jaqsham kang akhing na, ngi raq wanghuptiwe rii athiiq, phaq nai sea thun, ijamtitiim riimin jaü phaqsiq wan mak dea riito. Kiimaq ngi riimin jaü phaqsiq wan mang riikang.

ISAIA 58:12

Namshiqnok raq man na rathupse niiphü atiithen baiq chela kra mitiihea hai wan nonghan. Lantea manniiwa jamkhü chü kriijaq kham thun ka mishong wan nonghan. Namshiq ka chela tro ruk athen arkiwa tiihea haiwantinok, jamthun atiithen arbaiq wa tiihea hai wantinok nguta maiqse raq misap wan.”

ISAIA 61:4

Tsangshiq raq chela thun athen arki luheashe tiiheahü thun kra kunkun mitiihea haiwan.

ISAIA 65:24

Tsangshiq raq ijaq wa achu jaü tlaq kriimin milot shaq niili, Ngi raq tsangshiq achu jaü ka mitreha.

DANIEL 9:25

Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.