NEHEMIA 2:5 - ASII LAKDAP Bible (BSI)

⁵ Lata ngi raq hokhamwe ma akha chongkang, “O, Chaü lei, ümniiraq lungwii tlaü jiika, kiimaq ngi raq tiipaiq nea tiikang jaüjaü bomtsi ara mitre kuq haü jiika, Juda mung na, iti iwi maa lap wan chang chela kiina kai miitu aming kuq laq. Kiimaq kra athen arki chela kra ngi raq tiihea hai wan nong miitu aming kuq laq.”

Hawa Naga Bible 2001

⁵ kvruex yimaq ngaz rueq honoc waz muex, “Taungjix hokhvmx waz lex, mnoz kuex ngaz rulc rungx raz naungx vtueq, ngaz rueq tvtay jungx phaungx lvmz kuex bomc tvdvy kuy tvkoc mthuinz roc lvmz httax ruiux yuq, ngaz kuex Yuda mungx nuex tvkaz koq, ijix vwaz luip juing ghaqyungx kuex tvhvlc guirc waungc yek muex,” ngoz tueq jungx tauk.

NEHEMIA 2:5 Referencias Cruzadas

2 SAMUEL 14:22

Joab ka hokhamwe khaki na ajichong na shreng manto tiichhi hiq na bumsaq riito raüta akha nguto, “Shiikeawe raq ümnaq mishman laq! Ümchaü ngi raq sapkang she, ümniiraq ngi ma tsantsii ahea thütlaü. Jamkhano ngukla, ngi raq ümniima tiipaiqnea kang kra ümniiraq trekuq laü.”

EJRA 5:17

“Riita, ümchaü min, Ajongwe Chaü lei, ümniiraq ahea nguta thimi wan tlaü jiika, Bebilon mung hokhamwe jam na athü wan, man niiwa manphan jiiche lakdam kom thun kiijaq konchon nong laüta liiwan raü jaq ahea. Raüta ara chongtiikai hokhamwe Sairas raq Jerusalem wa Shomjam kra hai wan nong miitu, aming kiq tiidea tiidea shea, tiidea mak dea wa, kra tiitsangrii wan raüjaq ahea. Laüta ara chongtiikai Shomjam tiihea wan tlaq ara miitu tsütsa ka ana naishiq ma hali tiiso kuq nong haüjaq ahea nguta tiima tiikai.”

NEHEMIA 2:4

Kiijiishe hokhamwe raq, “Riita ümchaü ümniiriika jam lai phan jaüro wa?” nguta ngi ma waito. Kiijiishe ngi raq sanseng ramungtan na siti Shiikeawe jaq wa achu jaükang.

NEHEMIA 2:6

Kra tiipaiqnea lata tiitai wan kang krai mren, hokhamwe raq tsangnyung hokham nyung kiimin apaiq tho na ngashat asi na, “Riita ümniika ümchu ranaiq miitu wa mikiho haü. Kiimaq ümtincho wa mijang wa haü?” nguta hokhamwe raq ibom ka treto. Ngi raq apaiq ma nai mung na kai miitu bom tiitai wan kang kra, apaiq raq ahea nguta bom ka tre wanto. Krai mren, ngi raq apaiq ma kaisea walam akhing kriishe khamkuq wan kang.

ESTHAR 1:19

Riita, Chaü lei, ümniiraq thapthi tlaü jiika, ümchaü armiiphat Washti ka hokhamwe man na chapkai maimak she miitu ümniiraq aming kuqlaq. Kra aming ka Parsia mung nai Media mung na ümtiikiimin klai mak chang miitu tri raü miishe thüwan chang miraq. Kra laüta apaiq ngachang hokhamnyung ngacho ka apaiq thaq na maiqshaq shaqti miishe klai chang miraq.

ESTHAR 5:8

“Ümniiraq ümdi se ka lungwii tlaü jiila, ngi raq anap ranaiq ri hali wela manto dung mitiije chung kang. Kra dung sea wa ümniika Haman ri shea wan nong laüta, wanong raüjaq pinthum ahea miraq, nguta ajongwe ma tiipaiqnea tiikang. Kra akhing niitiq ngi raq ümjaq wa jamlai phan wa rittiikang kiimaq jaütiikang, kra mishamkuq haü” nguta Esthar raq hokhamwe bom ka treto.

ESTHAR 7:3

Kiijiishe Hokhamnyung Esthar raq treto, “O, ajong Hokhamwe lei, ngi ma ümmaklii mangchan tiitsi tlaü jiila, kiimaq hokhamwe raq thuktlo dea nguta tiima tlaü jiila, ngi raq rit tiikang nai jaütiikang ka, ngi ma i miisaq ara tiiwong kuq laq, kiimaq i phan imaq thun kriiri tiichhii kuq laq.

ESTHAR 8:5

Kiimaq Esthar ka hokhamwe man na achap she riito. Raüta, chongto, “Hokhamwe raq ahea nguta tiima tlaü jiila, kiimaq ümniiraq ngi mangchan tlaü jiila, kiimaq hokhamwe maklii na ahea thuk tlo dea nguta chhi tlaü jiila, Agag saüse phan Hammedatha se Haman raq, hokhamwe jaqkhong na siti Jehudinok phan mungmaiqse ka tiithumpak jiipbaiq wan miitu aming kuq wantaq matraü kra chumbaiq wan miitu aming tri ashi hali thü wan laq.

TAKSU LAK 3:4

Kra riihaüla ümnii ma, Shiikeawe min chochi, maiqse min chochi miraq.

DANIEL 9:25

Ara bomtsi ara ümtsan na samhea tiitsang shaq laq. Laüta liichum ka tak laq: Jerusalem chela kra tiihea haiwan miitu, aming tat tlaq kra akhing maq phawan raüta, Shiikeawe raq asengi sheati wela weshi shong wan tlaq kra akhing na saüli ka, jang miishishi maq wiimiishi kra milea wan. Kra akhing leawan jai miishetiq, Jerusalem chela ka mitiihea hai wan. Chela mong wa lam thun nai chela trotam maq kiitelong ruk thun kra thepthep atang tingsang she mitiihea hai wan. Raüta kriika jang miishi maq wiiroqtrok ri wiinai misi wan. Shatmaq kra akhing bala ka pinthum litkot chamchao akhing miraq.

Matthew 23:27

“Namshiq ma phiiptsi chang jonghea asi, Thungtri shrinketibi nai Phorisinok le! Mongnam nok le! Namshiq ka maiq ma lap chang longsha makho ka, akii tro thun ka lüdiidii hea sitlaq ikha sitlan. Shatmaq makho longsha mong niika, maiq ma namtsang, maiqrok maiqrii rong li riiphong rong rai tlo.

RUTHA 2:13

Kiijiishe Rut raq, “Shiilangwe lei, ümniiraq ngi ma pinthum lungwii tsantsii tiichhi kuq laü. Ngi khoshose akhnok arka ümkoli ümjaqshisetiim sitlaq kra phongwa nyungshi ra kra khan min thekmang. Shatmaq ümniiraq ngi ma lungwii tsantsii jonghea tiichhi kuq laü. Kra ningkhan, ngi ma tsaiji kongtam puqshi she,” nguta Rut raq treto.