Matthew 26:32 - ASII LAKDAP Bible (BSI) Shatmaq ngi ka ama wa dong wan jai she, namshiq ma sinkhu na Gelili wang na miwa wanli kang.” Hawa Naga Bible 2001 Yuq muinz ngaz kuex kvtenc yuing waungc rvhumc taungx yix maq, Galile mungx nuex nuimshiq max nuex ngaz woz wvnc taungx,” ngoz tueq. Muklom “Etharin nga wey jey jio, nim náng eq jakho Galilee náng kanáng.” |
Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”
Raüta tsangshiq raq Pongmung maiqse jaq mong na mihit kuq baiq. Tsangshiq raq apaiq ka mihaihii. Chunpo-nyam chongwai maq mitsat. Raüta pumsongkham na mitübaiq. Shatmaq ranaiqtsam jai maq, apaiq ka ama wa adong mirwan nong.”
Shatmaq kra tai raüta Petar raq, “Nanok tarü raq ümniika tiishaü baiq raü jiimin, ngi raq ümniika ümtiikaq jiimin tiishaü baiq mang!” nguta Jesuq bom ka treto.
Kiijiishe, “Namnai ka ahaisong chang jam min ahü,” nguta Jesuq raq tsangnai ma chongkuqto. “Warong laq. Lanta i notiim kiima Gelili wang nü na wali ronglaq. Kiimaq kiijaq tsangshiq ka ngi rai mirhum laq nguta chong kuq wa rongkiq,” nguta Jesuq raq tsangnai ma chongto.
Ajaqshisetiim roqshi ri weshi ka Jesuq raq tsangshiq ma jamkho chongkuqtaq, kra phan phan, Gelili wang na hiqlam ashi kiina wawanto.
Riita, ümchaü min, namtsam ka walanta, ajaqshisetiim ma, Petar miitaq nong na ara tsütsa ara chongwa rongkiq: ‘Apaiq ka namshiq ma sinkhu na, Gelili na wawan litlo. Kiijaq namshiq ka apaiq rai mirhum han. Arka apaiq raq namshiq ma chongkuqtaq kra phanphan miraq.’”
Kra jai miishe, apaiq ka, apaiq jaiphan wanti asengi shibiingi pat rai she lakshi kai niili riihum kito. Tsangshiq phong wa maiq ka ümchaü min apako dea atra asi. Maiq wiijamti riiwe kla atsai kaiwi she.