Mark 16:7 - ASII LAKDAP Bible (BSI)

⁷ Riita, ümchaü min, namtsam ka walanta, ajaqshisetiim ma, Petar miitaq nong na ara tsütsa ara chongwa rongkiq: ‘Apaiq ka namshiq ma sinkhu na, Gelili na wawan litlo. Kiijaq namshiq ka apaiq rai mirhum han. Arka apaiq raq namshiq ma chongkuqtaq kra phanphan miraq.’”

Hawa Naga Bible 2001

⁷ Majuiuc waung wvnc kuinz, Peter maq raz tueq vpiq sangac hez muex: ‘Nuimhez max nuex Galile mungx nuex vpiq kaz wvnc tuex, vpiq rueq nuimhez muex jungx wvnc tueq rulc rv-ngvlc vpiq kuex khiz shuinx,’ ngoz tueq vruex bomjungc kuex jungx tvtay waung kuinz,” ngoz tueq jungx tueq.

Muklom

⁷ Thanga Peter etho adak ujiphantey tang ma ka eq bat inn, piq aa batta thimal hun nim jakho piq Galilee náng kana; etho ning aa piq tha eshina hun chong na.”

Mark 16:7 Referencias Cruzadas

Matthew 26:32

Shatmaq ngi ka ama wa dong wan jai she, namshiq ma sinkhu na Gelili wang na miwa wanli kang.”

Matthew 28:10

Kiijiishe, “Namnai ka ahaisong chang jam min ahü,” nguta Jesuq raq tsangnai ma chongkuqto. “Warong laq. Lanta i notiim kiima Gelili wang nü na wali ronglaq. Kiimaq kiijaq tsangshiq ka ngi rai mirhum laq nguta chong kuq wa rongkiq,” nguta Jesuq raq tsangnai ma chongto.

Matthew 28:7

Lanta namnai ka ümchaü jaqlo witwit warong laq. Lanta ajaqshisetiim ma, ‘Apaiq ka ama wa dong wanto she. Kiimaq ümchaü apaiq ka namshiq ma sinkhu na Gelili wang na wawanli tlo. Namshiq raq apaiq ka kiijaq mirhum han!’ nguta chongwa rongkiq. Namnai tsan na samhea tiitsang ronglaq, ngi raq jamlai bom wa chong kuq pha ara,” nguta rase raq tsangnai ma chongkuqto.

Mark 14:28

Shatmaq, ngi ka ama wa dong wan jai she, namshiq ma sinkhu na Gelili na miwa kang.”

Mark 14:50

Kiijiishe, ajaqshisetiim thun ka, apaiq ka kiijaq miimbaiq thü raütiishe, pongpin riipin she pintrangto.

Mark 16:8

Krai mren, tsangtsam ka makho maq tlatchhat jutrangto. Tsangtsam ka achapa, kiimaq ahai lam maq jangto. Tsangtsam ka ahai kha maq, kra tsütsa ka maiq ahinti ju miimin chong mak dea riito.

John 21:1

Arjai maq hali, Jesuq ka ajaqshisetiim rai, Tiberias Thamchum kii maq jangshi hali riihumki nongto. Apaiq raq tsangshiq rai ka akha riihumto.

Acts 13:31

Kiimaq apaiq ka rahiq luhea na saüli, Gelili maq riita Jerusalem chela na saüli, apaiq rai jaqsham khrum damti pha na sham tiichhikai nong riihum kito. Tsangshiq raq ümchaü akhing na Israilnok mungmaiqse ma apaiq hakhi kuqtlo.

1 Corinthians 15:5

Raüta, apaiq ka Petar phana riihumkito. Kra jai maq apaiq ka kiimwebi roqshi ri wenai krai riihum kito.

2 Corinthians 2:7

Riita, ümchaü ka namshiq riimin apaiq mra ka diikuq rong liishe. Kiimaq bomhea maq, apaiq tsaiji ka dokuq ronglaq. Lanta, Phungtu na hali tiijang shea wan nong ronglaq. Kra riiman jiika, apaiq tsiim tiina mijüki.