Mark 16:6 - ASII LAKDAP Bible (BSI)

⁶ Kiijiishe, “Namtsam ka naq hai rongkiq,” nguta apaiq raq nguto. Kiimaq apaiq raq, “Ngi raq asap ha, namtsam riika, Najareth hiqti we Jesuq pumsongkham na tübaiqtaq kra rittlan. Apaiq ka arjaq ahü. Ama wa dong wanto she! Liimanta, tsangshiq raq ama ka arjaq athü wa.

Hawa Naga Bible 2001

⁶ Piq rueq, “Nauk kawc yawc kaz, yauk juinc bulx nuex but gay tueq Nazaret waz Yesu kuex nuimhez rueq thuiyx vshuinx, ngaz rueq tuiuz yaq. Vpiq kuex vyuq vguez shex, vpiq kuex vthueyc wawc yuing kvtenc wvnc vtuex shex! Lawc shuinz, vruex kuex tsuinghez rueq vpiq vhtawc taq.

Muklom

⁶ Ethi miq they batta, “Nak cho inn. Nga usam eq phang, nim aa bólq na tita Nazareth Jesu tha bi inn i. Piq irina ahung; piq wey jey angta. Siin inn, ning aa piq tha irina shingta.

Mark 16:6 Referencias Cruzadas

Tvtsvmc 71:20

Ümniiraq idü na chamchao sangrai tiisaülaü, shatmaq ümniiraq iningkuntu ka ajang mirkuq nonghaü; ümniiraq ngi ka maakho niika tiiki maü mirhaü.

TAKSU LAK 8:17

Ngi lungwiiti ka ngi riimin lungwii tiikang, Jurwa ngi rittlaq kriiti raq ngi mihum.

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Mark 1:24

“Najareth hiqti Jesuq le, ümniika naishiq jaqsham ara tangta baiq kai she sha saüki laü? Ümniika naishiq ara shiithen baiq kai she sha saüki laü? Ngi raq ümniika asap ha. Ümniika Shiikeawe raq atiiki Asii kiimwe kata!” nguta siiraito.

Mark 1:27

Kra chhi raütiishe, nokwe ka kai awang rai lam miishe, “Notsam arwe ara juwa? Ara tsütsa chongtlaq arka anye ngo chang nya? Apaiq raq tha min tiidoq mra jobaiqtlo nya!” ngutiishe riibomto.

Mark 10:34

Tsangshiq raq apaiq ka mihaihii. Adü na tho maq mitho. Jinponyam chongwai maq mitsat. Raüta apaiq ka atsea mirbaiq. Shatmaq, ranaiqtsam jai maq, apaiq ka ama wa adong mirwan nong.”

Mark 14:33

Raüta apaiq rai Petar, Jakob kiimaq Johan kra sheaho raüta, tsangshiq ka phanshi kongkhu linlin niishe wato. Apaiq ka chamchao homa nai riiweatsi homa raq, tiimok miichaq she bok wan raüta, atsan among po paq kra tiipanki nam nam she tsi wanto.

Mark 9:15

Nokmaiqse phong raq, Jesuq ka chhi raüta, awang rai she riito. Kiimaq apaiq phana ju trang raüta, apaiq ka taoto.

Luke 24:46

Raütiishe, apaiq raq tsangshiq ma bom ka akha chongkuqto, “Asii Bomtsi na akha waiqto: Khristo ka tsai chang dongdii miraq. Raüta, ranaiqtsam jai maq, apaiq ka ama wa dong wan chang dongdii miraq.

Acts 2:24

Shatmaq, Shiikeawe raq apaiq ka amaa wa tiidong wanto. Shiikeawe raq apaiq ka atsai ningkun kharü mong wiishe daa wanto. Ara jamkhano chongtiikang ngukla, atsai ningkun kharü raq, Jesuq ka ümkhiiriita jiimin kha lot mak.

Acts 4:10

Riita, ümchaü min namshiq tarü raq, Israilnok mungmaiqse tarü raq, ara bomtsi ara tiitsangdada sap ronglaq. Arwe arka thawe kharü mong wa, ümchaü phintsaqtsaq she, arot la arot she heakito. Raüta, ümchaü namshiq tarü makki na, phintsaqtsaq hea she chap raü chhi tlan. Ara heakitaq arka, namshiq raq atsatbaiq han, Najareth hiqti we Jesuq Khristo mang na ningkun asi; kriiwe ningkun maq heakito. Jesuq ka namshiq raq pumsongkham na tübaiq lanta tsatbaiq lan. Shatmaq, Shiikeawe raq apaiq ka amaa wiishe tiidong wanto.