Mark 16:6 - Hawa Naga Bible 2001

⁶ Piq rueq, “Nauk kawc yawc kaz, yauk juinc bulx nuex but gay tueq Nazaret waz Yesu kuex nuimhez rueq thuiyx vshuinx, ngaz rueq tuiuz yaq. Vpiq kuex vyuq vguez shex, vpiq kuex vthueyc wawc yuing kvtenc wvnc vtuex shex! Lawc shuinz, vruex kuex tsuinghez rueq vpiq vhtawc taq.

ASII LAKDAP Bible (BSI)

⁶ Kiijiishe, “Namtsam ka naq hai rongkiq,” nguta apaiq raq nguto. Kiimaq apaiq raq, “Ngi raq asap ha, namtsam riika, Najareth hiqti we Jesuq pumsongkham na tübaiqtaq kra rittlan. Apaiq ka arjaq ahü. Ama wa dong wanto she! Liimanta, tsangshiq raq ama ka arjaq athü wa.

Muklom

⁶ Ethi miq they batta, “Nak cho inn. Nga usam eq phang, nim aa bólq na tita Nazareth Jesu tha bi inn i. Piq irina ahung; piq wey jey angta. Siin inn, ning aa piq tha irina shingta.

Mark 16:6 Referencias Cruzadas

Tvtsvmc 71:20

Mnoz rueq kuilc daz lvmx htenc nuiyc jamjaux lvmx htenc kuex ngvy htauk nuex tvrvhumc phux, yuq muinz mnoz rueq ngaz muex hungc vlaungc tvmvrc kuq yek vtueq luip ruiuz khux nuex httuiuc mauk juing mnoz rueq ngaz taq wvnc phux.

TAKSU LAK 8:17

Ngaz muex lungwawc jix kuex ngaz rueq lungwawx vshaungx; ngvy thuiyc jix ukhaq rueq muinz ngaz kuex humc lot yaq.

Matthew 12:40

Yona kuex vnuiyq nuiyq thuimx, vwvrx wvrx thuimx ngaq yungx wuk mungx nuex httax tueq kvkhoc Miq Saz vruex muinz ghaq mungx nuex vnuiyq nuiyq thuimx vwvrx wvrx thuimx httax tuex.

Mark 1:24

“Nazaret waz Yesu lex, nuiyshiq kuex mnoz muex yvmx lac seng yaq nguinx? Nuiyshiq tvbac gay muex haz mnoz httuiuc kaz tonx? Mnoz ukhaq lac rvtonx ngaz rueq tuiuz yaq, mnoz kuex Tishox vsawc miq rvtoq!” ngoz tueq ramc tueq.

Mark 1:27

Miq htenc lotlaz vwangc raz tueq, “Vruex kuex yvmx khoc lac? Tvluingc kuy lvmz vnyalx phvnx shiz lac rvtvnx? Vruex waz nuex vshuy htaungc htenc muex nvrc juing vrangx vpangx httax yaq, tsuingshiq rueq vpiq muex tay kuq yaq,” ngoz tueq vshiz maq vshiz rvjungc wuez tueq.

Mark 10:34

tsuingshiq rueq vpiq kuex shummarc vtueq, htoz maq htoz ruiux, wungthvt vtueq, thvt gay shuex; yuq muinz vpiq kuex raungnuiyq thuimx yix maq yuing kvtenc waung tuex,” ngoz tueq jungx tueq.

Mark 14:33

Peter, Yaku, Yohan hez kuex vpiq rulc vdvmz shvlx wvnc tueq. Vpiq kuex pinhtumc japa wvnc tueq nuiyc thuinz rvhumc wvnc vtueq,

Mark 9:15

Nuk miqsaz htenc rueq Yesu kuex khiz vtueq tsuingshiq pinhtumc wangc langc ruiux vpiq kox nuex yuz vtueq rvbomc kaz tueq.

Luke 24:46

Vpiq rueq tsuingshiq muex, “Vsawc luik nuex vkhoc wuiyq shec tueq, Mesia kuex vthueyc rvhumc vtueq raungnuiyq thuimx nuex yuing kvtenc wvnc yek tuex,

Acts 2:24

Yuq muinz vthueyc vmvy luimc vkawc wawc vpiq kuex dawc vtueq Tishox rueq tvyuing tvtenc wvnc tueq, yvmx khoc lac ngoz ruiux lec vthueyc vmvy rueq vpiq kuex khvrc shauk gay lot muq.

Acts 4:10

nuimshiq wvyvmc rueq nuiyc Israel miqsaz lotlaz rueq tuiuz tuit shvmx, nuimshiq rueq yauk juinc bulx nuex but thvt gay ruiux, Tishox rueq vthueyc kay wuez jix htenc kox wawc tvyuing tvtenc wvnc tueq, Nazaret ghaq jix Yesu Christu muingc jungc luimc vkawc maq vruex waz kuex hvlx wvnc vtueq, vyuq nuimshiq htumc nuex jvp yaq.