Matthew 16:21 - ASII LAKDAP Bible (BSI)

²¹ Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Hawa Naga Bible 2001

²¹ Kvruex vkhing maq raz tueq Yesu rueq vpiq sangac hez muex jungx phaungc wvnc tueq kuex, “Ngaz kuex Yerusalem nuex kaz vtueq vyungx vlaungx bix nuiyc shomc walaungx bix tvluingc waz hez yauk maq tvliz tvlawx guirguenc paunghvlc rvhumc vtueq, vthvy gay rvhumc ruiux raungnuiyq thuimx nuex ngaz tvtenc tvyuing wvnc rvhumc taungx,” ngoz tueq.

Muklom

²¹ Eshi rangham wang sey Jesu aa ujiphantey tang ma phang batta, “Nga Jerusalem náng katching etho eshináng ka eq nga miqlang tang, ajong tingwa tang etho thong tataltey tang ching wang ajong hal tintashit ching kap náng. Ning aa nga tatik eq chak phanáng etho saltom o nga wey jey ang náng.”

Matthew 16:21 Referencias Cruzadas

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Matthew 16:22

Kra tai raüta Petar raq Jesuq ka kinphai na sheaho raüta sonto, “Tatiwe, Shiikeawe raq khekuq shat mirlaq! Ara chongtlaü thun arka ümdü na jamkhii riita jiimin tiisaü wan ra mak!”

Matthew 16:28

Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”

Matthew 17:12

Shatmaq ngi chongpha. Elija ka asaü kaiwi she. Shatmaq mungmaiqse raq apaiq ka juwa sapmak dea riito. Tsangshiq raq apaiq ka shumii laqpii li shiinüm shiinai li haihii wanto. Kiikhiisii hali tsangshiq raq Maiq Se ngutlaq kriimin shiinüm shiinaili mihai hii.”

Matthew 17:9

Jesuq nai ajaqshisetiim atsam ka pum kriimaq asatkai lam miishe, Jesuq raq tsangtsam ma, “Ümchaü namtsam raq jamlai wa riisham mak maq chhi lan, kriika Maiq Se kra ama wa midong wan shaq wiiwii, maiq ahinti ju miimin naq chong rongkiq,” nguta kiq thangto.

Matthew 20:28

Maiq Se saükitaq kriika, maiq raq apaiq ka mishiili lii laq nguta aki riimak. Shatmaq maiqse shiililii kai kito. Kiimaq maiqse pahea khupi kai miitu kito. Akhiisii hali, namshiq min sichang.”

Matthew 26:2

“Namshiq raq asap han ranaiqnai jai maq Tiichhii Wan Poi miraq. Kiimaq Maiq Se ka pumsongkham na tü baiq miitu lap raüta maiqjaq khon mong niishe mikuq baiq.”

Matthew 26:47

Jesuq ka abom miiqshmiiq liipan niili, ajaqshisetiim roqshi ri wenai phong wa Judas ka saü wato. Apaiq rai maiq ka kongnyung kaüshi, tsangshiq ka nepja hi wiraq kiimaq klata piraq chhaq maq saü wato. Tsangshiq ka ramwe jongbi nai welabi raq atiiwa.

Matthew 27:12

Shatmaq Jesuq raq Ramwe jongbi nai welabi raq apaiq dü na kha pahea asi nguta ümchuwa nyantaq kriithun bom ka poshi min tre mak riito.

Matthew 27:63

Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

Matthew 28:6

Apaiq ka arjaq ahü she. Apaiq raq namshiq ma kongkhu ji maq jamkho chongkuqtaq krai mren, Shiikeawe raq apaiq ka ama wa tiidong wanto she. Ana warong ra. Lanta apaiq wechang na liiwa manta. Apaiq ka ajaq ahü.

Mark 8:31

Kiijiishe, Jesuq raq ajaqshisetiim ma tsii ka akhiishe chongkuq hoto: “Maiq Se ka pinthum chamchao ra dongdii. Kiimaq welabi, ramwe jongbi, kiimaq Thungtri shrinketibi raq apaiq ka mitiishaü baiq. Apaiq ka atsea mirbaiq. Shatmaq, ranaiqtsam jai maq apaiq ka adong mirwan nong.”

Mark 9:12

Apaiq raq treto, “Tengto. Elija ka sinkhu na phanrap tiijemeho kitlo. Shatmaq, Asii Bomtsi na Maiq Se ka pinthum mitiichamchao. Raüta maiqse raq apaiq ka ashleq mirbaiq ngutiika jaram wa ngu tla?

Luke 17:25

Shatmaq, apha na apaiq ka pinthum chamchao litkot walü mong maq lea wan chang miraq. Kiimaq ümchaü pat wa maiqse raq, apaiq ka ashleq mirbaiq wan.

Luke 24:46

Raütiishe, apaiq raq tsangshiq ma bom ka akha chongkuqto, “Asii Bomtsi na akha waiqto: Khristo ka tsai chang dongdii miraq. Raüta, ranaiqtsam jai maq, apaiq ka ama wa dong wan chang dongdii miraq.

Luke 9:31

Tsangnai sham ka ramungtan wa rilung chhainyii sham. Tsangnai ka Jesuq rai, apaiq raq jaqlo miili she, Jerusalem na tsai raüta, Shiikeawe kiimung jaqsham shiiku piwan chang kra miitu bom riichong.