Matthew 26:31 - ASII LAKDAP Bible (BSI)

³¹ Tsangshiq ka Olip Pero Hiqlam kiiniishe saüwa raüta, Jesuq raq tsangshiq ma chongto, “Athi rawa li namshiq tarü raq ngi ka tiishaü baiqthü lanta pongpin riipin mipin han. Ara jamkhano chongtiikang ngukla, Asii bomtsi na, ‘Shiikeawe raq sku rümti we ka mitsat. Kiimaq skuse kong ka wiita mitiipin baiq,’ nguta chongtlo.

Hawa Naga Bible 2001

³¹ Kvruex yimaq Yesu rueq tsuinghez muex jungx tueq, “Majuiuc raungyac dvyx nuimhez lotlaz rueq ngaz kuex gay shec ruiux yuz wvnc wuez tuinx, yvmx khoc lac ngoz ruiux lec rumvrc luik nuex, ‘Tishox rueq khelbuenx remc jix waz kuex wungthvt koq tueq khelbuenx htenc pungpenc rvpenc penx wvnc tuex,’ ngoz tueq wuiyq shec tueq.

Muklom

³¹ Jesu aa ning ma batta, “Nim thaji thaney rangpal o nga raa shingchak eq jol chuwang nin, chammatakoi Asang likwit na thawit ang aa, ‘Nga kelwut rimtey sha tikwat náng, etho kelwut tang sha rong pan jol chuwang na.’”

Matthew 26:31 Referencias Cruzadas

Tvtsvmc 38:11

Ikongtibi kiimaq chiiti min itho na wamak she, ikhum na ami phong kra chhi raüta; ijamtitiim dea min ngi rai ngadam mak she.

Tvtsvmc 69:20

Shummii thoda horaq itsan she bun wanto, itsai iji wiita she doq wanto. Ngi raq mangchan tsii miitu rankang, shatmaq jurmin mangchan mak; tsaiji doketi ritkang, shatmaq jumin ahü.

Tvtsvmc 88:18

Ümniiraq ngi ma tsanwa siti kongtitiim miimin ngi ka tiishaübaiq laü, krai mren ngi ma kongti ka ranyaq tangtang klishe.

ISAIA 53:10

Tatiwe raq ngutlo, “Kriika ngi raq athapthi wanha, apaiq ka chamchao chang nguta; apaiq tsaitaq kriika ngarai diike wan miitu. Krai mren, apaiq raq apaiq lai ala phan kra michhii wan; apaiq rilung ka luhea misi wan, kiimaq apaiq lümaq ijaqsham ka mitiiku wan.

AJONJÜ 1:19

“Ngi rai reraüshiti mung thun tiihea kang, shatmaq tsangshiq raq ngi laobaiqto. Ramwebi nai shiilangbi, tsang ramtsi ma chela mong na, phaqsea rit lam maq atsitsü thumto.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

Matthew 11:6

Kechu jonghea jurwa ngi ma kamwan tsantsii ka tiijam mak maq siwan ruq siwan tlaq!”

Matthew 26:24

Maiq Se riiwe kla Asii lakdap na apaiq ka jamkha tsai chang nguto waiq wantaq kra phan phan mitsai. Shatmaq Maiq Se shaphaq wanti we ma pinthum phiiptsi chang jonghea asi! Apaiq ka ara mangjong hiq arjaq rawii chhiki mak dongdii ngu raü jiiwe khoti ahea riichang!”

Matthew 26:56

Shatmaq ümchaü arthun hongtha rai wantaq arka, Asii bomtsi na shammibi raq ngi miitu awaiq thü bomtsi kra riikhaqli tiikupi miitu she hongtha wanto.” Kiijiishe ajaqshisetiim raq Jesuq ka miimbaiq thü raütiishe, pongpin riipin she pintrangto.

John 16:32

Ngi chongpha, akhing ashi she misaü wan, sha kra akhing ka ümchaü saü wato she. Namtsam thun ka wiita, pongpin riipin she mitiipin baiq. Kra, lanta, maiqmii jam niishe mipin wan han. Lanta, ngi ka ngi laqlaqse lishe mimiim baiq thü han. Shatmaq, riikhaqli miika, ngi ka ngi laqlaqse li ka riimak. I We ka ngi rai asi.