Matthew 22:24 - ASII LAKDAP Bible (BSI) Raüta, tsangshiq raq Jesuq ma bom ka akha waito, “Shrinketi we, Mosheq raq maiq ashi laihü maq tsaiki raüla, tsang-nyung ka wulum we ma kiima aphu ano raq rom wan chang miraq nguta chongtlo. Kiimaq tsangnai setiim ka wulum we ma kra lai miishe mija wan nguta chongtlo. Hawa Naga Bible 2001 Tsuingshiq rueq, “Tvluingc waz lex, miq washiz shiz kuex vsuiuz vsaz max humc nuex thueyc kaz ruiux yuq, vtaungx nyuiuz kuex vnox waz rueq romc yek rax, vsuiuz vsaz humc wvnc shuex kuex vphuz waz phvnx vmaq momaq kaz muq tvkoc ngoz tueq Moshe rueq jungx shec tueq ngoz tueq. Muklom “Tatalteywa, Moses aa batta, ashey miqwa usa ahung ang eq ti ajo, uno aa uhimteynu sha kap eq upho sa rangma sa taqhong ching. |
Kiijiishe Juda raq anam-nyung Tamar ma akha chongto, “Ümwe jam niili jang wan laq. Laüta ise Shela kra maiq lamke cho misaü shaq wiiwii manti-nyung li silaq.” Apaiq raq akha chongtaq arka, apaiq ka ahai, Shela kiimin aphunai tsat baiqtaq kiikha tsat baiq nong jiiq nguta nguto. Krai mren Tamar ka awe jam na jang wanto.
Kiijiishe Juda raq ase Er ma anowe Onan kiima chongto, “Ümphu wulumwe khop kra thaqlaq. Laüta ümnyi-chhi-nyung manti-nyung krai sidamlaq. Laüta tri na chongtlaq kiikha ümniiraq apaiq ma ano-chhiwe raq aphu lai kra thumki mak chang tiishong ngalaq.”
Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.
Riita akhing ashi na maiq siphu wemiishi sito. Aphu jong ka tsangnyung lamje riito. Shatmaq laihü miili apaiq ka tsaikito. Apaiq tsaikai jai she tsang- nyung ka anowe riishe romto.
Kriikha maq apaiq raq Jesuq ma, “Shrinketi we, Thungtri na aming ajong pinthum ka ümriiti wa?” nguta waito.
“Ngi nangnga, ‘Tatiwe loi, Tatiwe loi’ nguta ngoti tarü ka Ramungtan na saülot mak. Shatmaq jurwa ramungtan na siti i We aming ka lang raüta sitlaqti kli misaü wan.
Raüta tsangshiq raq apaiq ma bom ka akha waito. “Shrinketi we, Mosheq raq nashiq Thungtri na, ‘Maiq weshi ka achak lamjai ase mihum shaq na tsaiki raüla, mantinyung ka wulum we ma ma, aphu ano raq rom wan chang miraq. Kiimaq tsangnai setiim ka wulum we ma setiim ma mija wan,’ nguta waiqthüto.
“Shrinketi we, Mosheq raq nashiq miitu thungtri waiqthütaq kiijaq akha chongtlo: ‘Ümtiikiiwa maiq weshi ka ase ahü maq tsaiki tlaq, kra haü la, wulum we ma tanyung ka, apaiq ma anowe riishe rom wan ra tlo. Raüta, tsangnai setiim kriika, wulum we ma lai ma jawan chang miraq.’
Riita, tsangshiq siphu wemiishi raq kra nyung ka rom wanto. Ikhiijiika, maiqse ka ama wa dong wan tlaq ranaiq akhing na, apaiq ka ümriiti we tanyung ngutiishe wa mingu wan? Jamkhano ngukla, tsangshiq tarü siphu wemiishi raq apaiq ka rom wanto.”
“Namshiq raq ngi nangnga, ‘Tatiwe, Tatiwe,’ ngutiika jaram li wa hearat tlan, ngi raq namshiq ma jamlai bomtsi wa chongkuq tiikang, kra riiwe ka lang man?
Kiijiishe Naomi raq, “Isenai, namnai ka nam-nyungwe jam na jangwa chang dongdii miraq,” nguta tsangnai bom ka treto. “Namnai ka ngi rai jaram wadam wa? Ngi ka noshii-nyung ma jangshi mijaki lot ha sha? Lata, namnai wa miitu isetiim maiqwe sere ka mihumki lot ha sha?
Riita ahea, ümchaü min, ümchaü rawa arka ra tiiwüli ajiili she jap laq. Anap ranap niishetiq kra bom ka mirchong phan rong i. Apaiq raq ümniika tiishong nga raü jiikla ahea. Shatmaq, ngi raq atraTatiwe mang chong lata, kiqkham tiikang, apaiq raq arang homak nguraü ka, ümnaq tiishong nga wan holai ka ngi riishe mihoha. Ümchaü ümniika ra tiiwü li ajiili she jap laq.”
Kiijiishe, “Ahea, kriika riikhaqli. Ikhla, ümniiraq hiq phu ka Naomi jaq wa she ri thü tlaü krai mren, ümniiraq Mob shea manti-nyung Rut kiimin she ri thü tlaüjo. Laüta Rut khop kiimin ümniiriishe mithaq haü. Krai mren, kra tachong hiqphu base kriika ahüwe maa ta awii mang niishe misi wan.”