Matthew 22:16 - ASII LAKDAP Bible (BSI)

¹⁶ Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.

Hawa Naga Bible 2001

¹⁶ Kvruex yimaq tsuingshiq sangac bix nuiyc Herod phungc jix wvyvmc rulc roc nuex vpiq kox nuex tvkaz tueq. Tsuinghez rueq, “Tvluingc waz lex, mnoz rueq tsuingrux lvmx dvyx jungx vshuiux kuex nuiyshiq rueq tuiuz wuez vshix. Mnoz rueq miqsaz htvlx phawc lawc muq maq, miqsaz tvkoc Tishox thuinroc lvmx kuex rvkhauk laz tvluing kuq vshuiux.

Muklom

¹⁶ Ning aa ujiphantey tang tha Herod ujiphantey tang jamoq Jesu relnáng ira bat eq takatta, “Tataltey wa, í aa sam eq i, nang aa raaq asing bat u etho Shkewa lam asing eq tatal kot u etho nang utang ma tho cho mu, chammatakoi nang miq sham siin eq wan mu.

Matthew 22:16 Referencias Cruzadas

1 HOKHVMX 22:14

Shatmaq Mika raq treto, “Atra Tatiwe mang na, ngi raq ümniima atiitum lata chongtii kang, apaiq raq ngi ma jamlai bomtsi wa tiichong jiiq kriili michongha!”

Tvtsvmc 12:2

Tsangshiq wiita maiqmii liipan na arot akiq li chongtlo; tsangshiq liipan na weshi raq weshi kli jutjüsiqtlo.

Tvtsvmc 5:9

Ngi ngengsengtibi raq chongtlaq kriika akamsea chang riimak; tsangshiq riika ashthenbaiq kiimungli. Tsangshiq bom chong ka asomrasea nai atiishinyea seali, shatmaq among niika laopha thiikho.

Tvtsvmc 55:21

Abom sum ka krim ikha jeadang danghea, shatmaq atsan mong niika ransu asi; abom ka namman ikha nyeajokjok hea, shatmaq nepjasai phong ikha sihea hantlo.

TAKSU LAK 29:5

Jurwa chanhea tiishowo raüta, akongtiwe ka jutjütlaq, arewe tiidea chang thiikho thutlo.

MALAKI 2:6

Tsangshiq raq riikhaqli lamphan kli shrinkuq wanto. Ajiq lamphan ka shrinkuq wan mak. Tsangshiq ka ngi rai tsanshi mongshi maq shongnga wanto. Tsangshiq maiqmii raq tingting jaqsham lamlam li ka riimak. Shatmaq nokmaiqse pahea ma abi, ashut jaqsham ka wiita tiithaq baiqto.

MALAKI 2:9

Arkha na, ngi riimin, Israilnok tsantsii ka namshiq tiishummii wan miitu she mitiiphe baiq wan ha. Jamkhano ngukla, namshiq raq, ngi raq thapthi tiikang kra shamkuq man kiimaq, namshiq raq isenginok ma shrinkuq tlan na, nokmaiqse ka tarü makliishi maq liiman riitlan.”

Matthew 22:24

Raüta, tsangshiq raq Jesuq ma bom ka akha waito, “Shrinketi we, Mosheq raq maiq ashi laihü maq tsaiki raüla, tsang-nyung ka wulum we ma kiima aphu ano raq rom wan chang miraq nguta chongtlo. Kiimaq tsangnai setiim ka wulum we ma kra lai miishe mija wan nguta chongtlo.

Matthew 22:26

Aphu jong kiikhiisii hali anowe kiimin laihü miili tsaikito. Kiimaq nojam wetsam ngoja kiimin, kiimaq atiisup na nobung we wemiishi ngoja kiimin kiikhiisii saq laihü lahü miili tsaikito.

Matthew 26:18

Kiijiishe Jesuq raq tsangshiq ka akha thaüto, “Namshiq ka Jerusalem na kironglaq. Lanta kiijaq maiq weshi asi miraq. Apaiq ma, ‘Shrinketi we nga apaiq ma rahiq ka hong wato she ngu wa; apaiq raq ajaqshisetiim rai Tiichhii Wan Poi dung ka ümjam na klo raüta phaq sia chang miraq,’” nguta ümniima tiichong kito nguta chongki rongkiq.

Matthew 26:49

Krai mren, Judas ka lealea Jesuq phana wato. Raüta, “Shrinketi we le, khu asang maq silaq,” nguta bomto. Kiimaq Jesuq theaphi na shupto.

Mark 10:17

Kiimaq Jesuq nai ajaqshisetiim ka tiido wan raüta awa rai, lam niishe riito. Kiijaq maiq weshi ka tlat chhat ju raüta, Jesuq khaki na, kaütsrong na ngasaq raüta, “Ahea Shrinketi we, ngi raq pattup rilung lap miitu jamlai jaqsham chang wa miraq?” nguta apaiq ma waito.

Mark 12:13

Phorisinok raq nai Herod sengibi raq, tsangshiq phong wa, maiq wiijamti ka, Jesuq phana tiikito. Kriika tsangshiq thiikho na, Jesuq ka tiithap haijaq nguta tiikito.

Mark 12:14

Tsangshiq ka Jesuq phana kiraüta, apaiq ma bom ka akha waito, “Shrinketi we, naishiq raq asap hai, ümniiraq tengtlaq bomtsi ka maklii ashi maq chongkuq tlaü. Ümniiraq maiq ka asham na lii laüta, tseatsiiq maü. Kiqshi maq tri laüta, Shiikeawe bomtsi ka chongkuq tlaü. Riita ikhla, ara chong liita, nashiq raq Roman Hokham we ma phunta kewan arka, nashiq Thungtri na ajiq sha alam wa? Arka nashiq Thungtri na ang tlaq sha ang mak wa?”

Mark 3:6

Kra chhi raütiishe, Phorisinok ka, tiido rang, sinagok wa wawanto. Raüta, tlothit li she, Herod sengi wiijamti rai riihum wato. Raüta, tsangshiq raq Jesuq tsea baiq miitu, mat raü she süpha wanto.

Mark 8:15

Jesuq raq tsangshiq ma, “Namshiq ka Phorisinok nai Herod pithob kiima hon kamshat maq sirong liijo,” nguta tsii chongkuqto.

Luke 20:21

Ara siwebi tiikitaq ariiraq, Jesuq ma bom ka akha waito, “Shrinketi we, ümniiraq jamlai wa chong tlaü kra nai jamlai wa shrinkuq tlaü kriika tengteng dea. Naishiq raq asap hai, ümniiriika maiq sham na lii laüta, maiqse ka tiikhothiq maü phan. Tengtlaq Shiikeawe bomtsi ka maiqse miitu chongke chang sitlaq kriili chongkuq tlaü.

Luke 7:40

Kiijiishe, Jesuq raq kra he raüta, “Simon, ngi raq ümniima bom poshi chongke chang asi,” nguta apaiq ma chongto. “Shrinketiwe, chong liina,” nguta apaiq raq treto.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

John 18:37

Kiijiishe, “O, ikhiijiika, ümniika hokham we dea kata nya?” nguta Pilat raq Jesuq ma bom ka wai nongto. Kiijiishe, Jesuq raq treto, “Ümniiraq ngi ka hokham we nguta ngutlaü kata. Ngi ka ara mangjong hiq na pokikang arka, ara tengteng bomtsi ara chong kekai miitu kikang. Jurwa tengteng bomtsi kra lang tlaq, kriiti riika, i bomchong arka phaqchii nichii maq taitlo.”

John 7:18

Maiq ümriiti riiwa maiqmii raq athithi na traho bom chongkuq tlaq, kriiti riika, maiqmii khushü tiijong lamlu kli rittlo. Shatmaq, jurwa apaiq tiikaiti we khushü kra tiijong kli tiima tlaq, kriiti ka tingting maiqse. Apaiq tiima tsantsii niika arot akiq tsantsii ka ahü.

2 Corinthians 2:17

Naishiq ka nanok maiq ahinti pahea raq, Shiikeawe Tsütsa chongke jaqsham ka, mangjong hiq wa tsiiq nai nyam laopan jawanti raq shanshiiq tlaq laopanbi piikii hupsam kiikhiika shanshiiq mai phan. Tsangshiq raq Tsütsa Ahea chongkuq tlaq kriika, maiqmii wokpo kra tiipao wan miitu chongkuq tlo. Shatmaq, naishiq riika, tsantsii siirairai maq kiimaq tiima tsantsii tingting thü laita, ara Tsütsa Ahea ara nanok ma, Shiikeawe man na, Shiikeawe raq aming ke kha maq, apaiq tsasoq wantibi ma jawan laita kiimaq Khristo jaqshisetiim ma ja laita traho bomtsi kra chongkuq tiikai.

2 Corinthians 4:2

Naishiq raq ahuk arot nai jeasi miari sham akai ngutlaq kriika ümchaü sanha wiita baiq kaishe. Naishiq raq maiq ka laolii mai phan. Kiimaq Shiikeawe bomtsi ka trotkiq mai phan. Naishiq ka Shiikeawe apaiq maklii na tengman tlaq bomtsi kra kholam kholiiq, tantan maq chongkuq tiikai. Kiimaq wiitarü man na, naishiq tiima tsantsii ka wüjangjang hea maq sitiikai.

2 Corinthians 5:16

Riita ümchaü ka naishiq Jesuq miishe kam tiikai. Krai mren, naishiq raq maiq jumin mangjong han-ngam tri maq shin mai she. Man na lea wantaq akhing na riiwe kla, naishiq riimin Jesuq Khristo ka han-ngam tri miili dea shin rat wankai. Shatmaq ümchaü sanha han-ngam tri miika shin mai she.

Galatians 1:10

Riita, ara bomrai tiikang arka, namshiq raq tiima ma, ngi ka nokwe raq ngi rai mipong dam laq ngutiisha bomrai tiikang? Riimak! ümtiikiimin riimak! Ngi miika Shiikeawe raq thukto ngu raüla hongjiiq! Riita, ngi ka ümchaü min, nokwe man na, i mangjong sha rit tiikang? Ngi ka i mangjong ritti we ngu raü ka, Jesuq Khristo jaqshise ma jawan mang mirha wa.

Galatians 2:6

Kra akhing na, ümriiti wa phungtu thaq na, ashun asheatibi sitiikai lii nguta tiichannei rai tlaq tibi kriika, ngi raq asap man sap mang. Tsangshiq ka wela sha jarai tla, jamak wa kriika, ngi ma jamlai akhek riimak. Shiikeawe raq, maiqse ka asham na lii raüta, maiqshaq nai maiqkhü ngutiika chechiip mak. Kriika, tsangshiq welabi nguta sitlaq kra ngo nangnga ngutiikang. Kiitiikaq, kra chong tiikang welabi raq, ngi ma jamlai phan anye sungkhu tsiilam chongke wan, akhiijo ihiq jo nguta, ngi ma jam min chongkuq mak dea.

TRI CHONGKE 33:9

Tsangshiq ka ümniirai tiipumtlii siwanto Anyungwe, aphu anotiim riimakla tsangsetiim thaq niimin. Tsangshiq raq ümnaq aming thun langto Kiimaq tsangshiq ka üm tongshong mong na tsapkapkap sito.

1 Thessalonians 2:4

Kra rii na, Shiikeawe raq naishiq ma, jamkho chongkuq tlaq, kra phan phan, naishiq raq maiqse ma chongkuq tiikai. Ara jamkhano ngutiikai ngukla, Shiikeawe raq ara Tsütsa Ahea ara chongke miitu, naishiq ma tawun ka akhamke kun she. Naishiq riika, maiqse tsan tiihea miitu ka chong mai. Shatmaq, naishiq tiima tsantsii ajiq alam shinti, Shiikeawe tiichochi miituli, ara Tsütsa Ahea ara chongkuq tiikai.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.