Matthew 22:16 - Muklom

¹⁶ Ning aa ujiphantey tang tha Herod ujiphantey tang jamoq Jesu relnáng ira bat eq takatta, “Tataltey wa, í aa sam eq i, nang aa raaq asing bat u etho Shkewa lam asing eq tatal kot u etho nang utang ma tho cho mu, chammatakoi nang miq sham siin eq wan mu.

ASII LAKDAP Bible (BSI)

¹⁶ Raütiishe tsangshiq raq tsangshiq jaqshisetiim wiijamti ka Herod sengibi rai adam maq, Jesuq phana tiiwato. Raüta tsangshiq raq Jesuq ma bom ka akha waito, “Shrinketiwe naishiq raq asap hai, ümniika tingting maiqse. Shiikeawe bomtsi lang raüta maiqse loweatek ka Shiikeawe wokhong na jamkhii shongnga chang wa kra bomtsi ka kholam kholiiq khaqkhaq chongkuq tlaü. Maiqse raq jamlai wa tiima tlaq kra thaq na seng laütiika chong maü. Kiimaq maiq ka asham na lii laüta tiikhothiq maü phan.

Hawa Naga Bible 2001

¹⁶ Kvruex yimaq tsuingshiq sangac bix nuiyc Herod phungc jix wvyvmc rulc roc nuex vpiq kox nuex tvkaz tueq. Tsuinghez rueq, “Tvluingc waz lex, mnoz rueq tsuingrux lvmx dvyx jungx vshuiux kuex nuiyshiq rueq tuiuz wuez vshix. Mnoz rueq miqsaz htvlx phawc lawc muq maq, miqsaz tvkoc Tishox thuinroc lvmx kuex rvkhauk laz tvluing kuq vshuiux.

Matthew 22:16 Referencias Cruzadas

Matthew 22:24

“Tatalteywa, Moses aa batta, ashey miqwa usa ahung ang eq ti ajo, uno aa uhimteynu sha kap eq upho sa rangma sa taqhong ching.

Matthew 22:26

Ethimal hun mikam ashey ni mikam ani ma angta, etho sapho wa sanat náng thula angta.

Matthew 26:18

Piq aa batta, “Ajong samhaq wang ashey miqwa relnáng ka eq piq ma bat inn, ‘Tatalteywa bat aa, i rangham arelna sey. Nga ni ijiphantey tang bahim na Ulit phaksat phaksa ma ta i.’”

Matthew 26:49

Judas kalo Jesu relnáng ka eq batta, “Tatalteywa, nungmay cham ang aa.” Etho piq aa Jesu tha chep ta.

Mark 10:17

Jesu tunshat eq ukat angma ang atho, ashey miq jol eq piq jakho na langku o tong eq piq ma pitta, “Aqhal tatalteywa, pattuk rollung kap rangma nga chamlang som ching aa?”

Mark 12:13

Jesu raaq pit eq thaman ma chamtey tey Phorisi tang etho Herod miqtang takat ta.

Mark 12:14

Ning piq jamnáng thu eq batta, “Tataltey wa, nang aa asing bat u ta í aa usam eq i. Miqtang aa jashit kap ajo tho etho jaqhal kap ajo tho, nang aa chamlang asing ira hun bat u. Nang aa Shkewa asing lam wang hun tatal u. Í ma batphu, í thong wang Rome ajong lungwang ma í aa phunta kotma khakla ang moq tia ang aa? Í aa kot eq chingti kotching ang moq aa?”

Mark 3:6

Ethi jio Phorisi tang eq synagogue wang thalat eq Herod miqtang jamoq tachong eq Jesu tha tatik ma raaq phung ta.

Mark 8:15

Jesu aa ning thima batta, “Phorisi tang etho Herod thawun phan wang rangtun eq tong inn.”

Luke 20:21

Hutsi sontey tang they Jesu ma batta, “Tatalteywa, í aa usam eq i, nang aa chamlang tatal u etho chamlang battan u sha asing sing hun. Í aa usam eq phi nang aa utang tho tanglom tangshit ta siin hung aa etho Shkewa raaq bara asing aa sha hun tatal u.

Luke 7:40

Etharin Jesu aa batta, “Simon, nga nang ma chamli raaq batma tathin phang.” Piq aa batta, “Tatalteywa, nga ma bat phutey.”

John 14:6

Jesu aa piq ma batta, “Nga raa hun lam, asing etho rollung; nga lit eq utang tho Iwa relnáng jin thumoq.

John 18:37

Pilate aa Jesu ma batta, “Nang raa lungwang i?” Jesu aa thawel batta, “Nga raa lungwang ta nang aa hun bat phu. Nga asing raaq bat ma iri mingkang ro chang ka taphang. Bara asing wang, ning aa i raaq tat na.”

John 7:18

Utang eq piq ching kowang bat aa, piq aa piq ni piq sha thajong ma tathin aa; etharin utang piq takatteywa thajong ma tathin aa, piq sha asing, etho piq shima jashit ahung.

2 Corinthians 2:17

Í iri miqtang mal ang mi, bara Shkewa raaq sha ashey thanghung somlot mal shing aa; etharin Shkewa takat tey thimal í Khristo sanga mal ang eq, piq jakho o lang eq asing raaq batni.

2 Corinthians 4:2

Í aa apu ashim raaq etho rakri jaksom tang sha shingchak i; í aa dipkup jaksom som mi, etho Shkewa raaq sha alik akuk ta shing mi. Irimal ang moq ang eq í aa thaji asing alit na í Shkewa jakho o tong eq thaji miqtang ma í jaqhal tang sha takhi ma tathin ni.

2 Corinthians 5:16

Ethirangma thang wang í aa utang sha tho miqna thunglam wang khaphung mi. Jukshey í atho Khristo sha miqna thunglam wang khaphung ti, etharin thang wang irimal somlo mi sey.

Galatians 1:10

Thanga nga miqtang ching kowang rangka kap ma tathin ang i? Irimal ang moq. Nga Shkewa ching kowang rangka kap ma nuk ang. Nga miqtang sha tasungrang ma tathin ang i? Nga thanga tho miqtang sha tasungrang ma tathin táng jo, nga Khristo sanga ang mong.

Galatians 2:6

Bari miqtang raa solwa tang ang aa, ning chammal ang ajo tho, ngama chamtho ang moq; Shkewa utang tho rangkho o siin eq phung moq. Eshi solwa tang jakwang nga chamtho kap mong ang táng.

1 Thessalonians 2:4

Etharin Shkewa chamal tathin aa eshimal hun í aa phanchan kot i chammatakoi piq aa tungtang qhal phanchan ma í raa tal taphi; í aa miqtang tasungrang ma tathin mi, etharin í tin tari tey Shkewa tasungrang i.

James 3:17

Etharin bari thunglam raa mungtan wang katapha sha phang tho asang ang aa, eshi jio nungmay, tinin, etho tinshit ang aa; eshiwang jaqhal uti ngo qhong aa etho irimal miqtang sha thaji jamoq arum dangjang aa etho takhi eq somtey ang moq.

1 John 5:20

Hiqtang ira tho usam eq i, Shkewa Miqwasa ka tapha etho hiqtang thaji ma thunglam kota phi, ethi rangma hiqtang aa asing Shkewa tha sam i. Hiqtang Asing Shkewa jamoq kara eq tong i; chammatakoi hiqtang Usa Miqwasa Jesu Khristo jamna kara eq tong i. Piq sha asing Shkewa, etho pattuk rollung.