Matthew 22:17 - ASII LAKDAP Bible (BSI)

¹⁷ Riita ikhiijiila ümchaü naishiq ma chong liita, ümniiraq jamkho tiima tlaü? Nashiq raq Roman Hokham ma phunta kuq tiikai arka nashiq Thungtri maq ajiq sha alam wa?”

Hawa Naga Bible 2001

¹⁷ Kvkhoc rvtueq mnoz rueq yvmx khoc lac tvmaung vshuiux? Nuiyshiq muex jungx kuq koq. Roma Kesar hokhvmx muex hihic kuy mvy yaq shuex, mvy muq lac?” ngoz tueq wiz tueq.

Muklom

¹⁷ Ethirangma í ma bat kophu, Rome ajong lungwang ma phunta kot shi aqhal tia jashit aa? Nang aa chamta tathin u?”

Matthew 22:17 Referencias Cruzadas

EJRA 4:13

Riita, Ajongwe lei, tsangshiq raq ara chela tro wa longperuk kriishe hai lot raü jiika, mungmaiqse raq ümniima phunta kuq tlaq kriimin kuqmak she miraq. Kriishe nguraü ka, hokhamwe raq mungmaiqse jaq wa hirii wan tlaq phunta ka akom she mirki.

EJRA 7:24

Namshiq raq ramwebi, Lewinok, Shomjam na ashitibi, Shomjam kheti petabi, jaqsham wantibi, lo maiq ahinti juwa Shomjam na jaqsham damti sitlaq, kra thun jaq wa phunta hirii maimak.

NEHEMIA 5:4

Kiimaq, maiq wiijamti riika, “Naishiq ha hokhamwe ma wak phunta, kiimaq spiqro phunta thun kewan chang kampho ahü kha maq, kampho nam laita, maiqtijong howan kai. Laita kra kampho maq phunta kuq wan kai.

NEHEMIA 9:37

Naishiq minshiiq hunnii wankai, hokhambi ma tijong hihi kuq wan kai. Arka naishiq ngarai tang wan kha na, ümniiraq naishiq ma, dise kharü li she tiiho kuq laü. Tsangshiq raq naishiq khuthaq na, naishiq nyamse khuthaq na, ji maq nishishi lishe, tiichamchao wanto. Naishiq ka pinthum pitlang pitthea, chamchao kharü mong na, sitiikai!”

JEREMIA 42:20

Namshiq raq ashut pinthum thapthi tlan. Namshiq raq ngi nangnga Tatiwe, nashiq Shiikeawe jaq wa achu jaü kuqlaq nguta chong lan. Kiimaq namshiq raq ngi ma kiqkham kuqlan apaiq raq jamlai aming wa kuqtlaq kra phan phan phanrap miklo hai nguta ngulan.

Matthew 17:25

“Üm kuqtlo” nguta Petar raq treto. Kra riibom jai she Petar ka jam mong na nyap wato. Kiijiishe, Petar raq michong shaq niili Jesuq raq waito, “Simon ümniiraq jamkho tiima tlaü? Ara mangjong hiq na honyung hokhambi sitlaq kriima phunta ka ju raq kechang wa? Maiqmii mungti raq kechang sha pongmung maiqse, wansha we raq kechang wa?”

Matthew 22:18

Shatmaq Jesuq raq tsangshiq tsan na anyaq sitlaq kra asap. Kriikha miishe apaiq raq tsangshiq bom ka akha treto, “Mongnam nok! Namtsam raq ngi ka namshiq thiikho na jaram tiidea wa tan tlan?

Luke 2:1

Kiitincho ji, Roman Hokhamwe Agastas raq apaiq jaqkhong na mung ümchuwa sitlaq, kriiwa maiq ka wea miitu aming kuqto.

Luke 20:22

Riita, ümchaü ümniiraq naishiq ma bom poshi chong liita, nashiq raq Roman Hokhamwe ma phuntake kriika, nashiq Thung- tri na hong tlaq sha hong mak wa?”

Luke 3:1

Kra akhing ka, Roman Hokham we Tiberias raq Hokham jawan li maq, wiiroqshi ri wiibiingi she riito. Pontias Pilat ka Judia wang na Wanghupti we riito. Herod ka Gelili hong na hokham riito. Kiimaq ano Philip ka Iturea nai Trakhonitis hong lang wanti riito. Lisanias ka Abilene hong langti riito.

Acts 17:7

Kiimaq tsangshiq saüwa kiita Jason raq apaiq jam na tiijapto. Tsangshiq raq Roman Hokham tri jintlo. Tsangshiq raq Roman Hokham thaq na hokham weshi asi nguta nokwe ma chongkuqtlo. Kriiwe mang ka Jesuq nguta traho kuqtlo,” nguta tsangshiq ka gisii trang wanto.

Acts 25:8

Shatmaq, Paul raq apaiq khum tiichhii bom ka akhiishe chongpha hoto, “Ngi raq Jehudinok Thungtri min jin mang. Shomjam min tiisheshi mang. Kiimaq Roman Hokham we miimin abi jam min bom mang.”

Acts 28:22

Shatmaq naishiq riimin, ümnaq shang wan dam laü phungnok tsütsa kra kiitiina atai wan ka ro tiikai dea. Ara jamkhano chongtiikai ngukla, barap binrii na, nanok raq arphung ara ngengseng wanti siisaq chhi tai wan tiikai,” ngutiishe tsangshiq raq Paul bom ka treto.

Acts 5:37

Kra jai miihali, Gelili wangti we Judas nguta maiq weshi hali, wela dong tiikang, nguta balashise tsangpii raito. Kriika mungmaiqse mang waiq akhing bala riito. Apaiq riimin mungmaiqse ka pahea tiimiirurangto. Shatmaq, apaiq kiimin tsatbaiqto. Apaiq tsaijai, asengi thun ka pongpin riipin wiita pintrangto. Raüta, mokito.