Matthew 22:15 - ASII LAKDAP Bible (BSI)

¹⁵ Kra jai miishe, Phorisinok wiijamti ka nga raüta, Jesuq ka tsangshiq thiikho na tiithap haijaq nguta bom riichongto.

Hawa Naga Bible 2001

¹⁵ Pharise nuk kaz wvnc vtueq Yesu muex yvmx khoc kvmungx maq wisoz juing lac kuex rvjungc phvnc wuez tueq.

Muklom

¹⁵ Phorisi tang ka eq, Jesu ma cham ta pit eq thaman i ta, ning jaktung tho rum wanta.

Matthew 22:15 Referencias Cruzadas

Tvtsvmc 2:2

Tsang hokhambi maiqmii wela ja phetrang hoto, tsang tuwebi ka adam riitam raüta Tatiwe nai apaiq raq ashong hokhamwe kra khat miitu redong süriitlo?

Tvtsvmc 41:6

Ngi rai riihum watibi ka tsanghiq tsantsii riikhaqli riimak; tsangshiq raq itsütsa abibi kra riichomhotlo raüta kra tsütsa ka lamho raüta nanok tarü ma phanhotlo.

Tvtsvmc 57:6

Ijaqtinok raq ngi tiimin ma chiiq chanto; ngi ka kai chapatsi riili she tsai wan kang. Tsangshiq raq ngi tiithap ma i lam na thiikho thuto, shatmaq kiijaq tsangshiq li dea wanto.

Tvtsvmc 59:3

Liilaq! Tsangshiq raq ngi tsea ma bomhai raüta khetlo; ngi ma wesang ralii jatibi ngi khat ma thungtlo. Arka ngi raq ngarai tanglata riimak, kiimaq phanshira na ngi jiq latiimin riimak,

ISAIA 29:21

Shiikeawe raq maiq chong seatibi ka mishthenbaiq, matsaü tsaseti kra tiiwongketibi kiimaq arot saqse kuq raüta maiq setu sepiiti raq kha tsangshiq raq tang changwa tiitang mak riitaqti thun ka wiita mitsatbaiq.

JEREMIA 18:18

Kiijiishe nokmaiqse raq nguto, “Jeremia ara jamkhii riichangwa riichong rong i! Nashiq ma shrinketi ramwebi ka wranaiqshe siruq miraq. Kiimaq nashiq danhonti taksubi kiimin asi miraq. Kiimaq Shiikeawe bomtsi chiiriim raüta chongketi shammibi ri asi. Apaiq ma kha pahea nyan rong i. Laita apaiq traho ka taimai she shishe baiq rong i.”

JEREMIA 20:10

Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

Matthew 12:14

Kriikha miishe, kiijaq nga damti Phorisinok ka ahin na tiidorang she wawanto. Raüta Jesuq kra tsea baiq wan miitu mat-sü tsasü she hong wanto.

1 Corinthians 7:35

Ngi raq ara chongkuq tiipha arka, namshiq khrumke miitu chongkuq tiikang. Ngi raq namshiq khu thaq na atang ata ikha bom chongke kla riimak. Ngi raq tiima kla namshiq raq jamlai wa riikhaqli athuk atsom lamlu riiwe ka klo han jaq ahea miraq nguta tiima lata chongkuq tiikang. Kiimaq namshiq raq namshiq khum ka Tatiwe shiililii minshiiq na kunli apke miitu jai na tiima chang ka ahü she miraq. Tatiwe jaqsham ka aheawiq maq misham wan lot han nguta ngo maq chongkuq tiikang.

Hebrews 12:3

Apaiq ka ümtinkhan wa, achong lot mai, chamchao walü mong maq lea wantaq, kra tiima rong laq. Ngarai maiqse raq, apaiq ma achong lotmai ngeng seng wanto. Raüta, tiichamchaoto. Kriithun ka wiita anin riiwanto!