Matthew 20:16 - ASII LAKDAP Bible (BSI) Kiimaq Jesuq raq bom ka akhiishe shat wanto, “Ara chongtiikang arai mren, maiq juwa ümchaü aran nguta sitlaq, kriiti ka ajong ma mitiija. Kiimaq juwa ümchaü aran nguta sitlaq, kriiti ka ajong ma mitiija. Kiimaq juwa ajong kriiti ka aran ma mitiija.” Hawa Naga Bible 2001 Kvruex yimaq Yesu rueq, “Kvkhoc rvtueq kvyix jix kuex kungkhux nuex rvtuex, kungkhux jix kuex kvyix rvtuex,” ngoz tueq tvsuip tueq. Muklom Etho Jesu aa tathun eq batta, “Ethi mal jitey tang jakho na angna etho jakho tey tang jina angna.” |
Shatmaq ümchaü maiq pahea juwa ajong nguta siwan thun ka, rawiichii maiqpat anye saüho tlaq akhing na, aran miishe mitiija wan. Kiimaq ümchaü maiq pahea, juwa aran nguta siwan tlaqti ka, rawiichii maiqpat anye saüho tlaq akhing na, ajong miishe mitiija wan.”
Riita ara siphu wenai arwa ümriiti riiwa awe bom chong ka taita?” Kiijiishe, “Aphu we raq,” nguta tsangshiq raq apaiq bom ka treto. Kiijiishe Jesuq raq tsangshiq ma chongto, “Ngi chongpha: phunta hitibi nai mephe nyungtiim thun kra khoti, namshiq ma sinkhu na Shiikeawe mungtan na wawantlo.
Kiimaq Jesuq raq abom ka akha shatto, “Shiikeawe raq maiq ka pahea asengi ma tiija wan miitu hea wan tlo. Shatmaq apaiq raq maiq ka atsapko li tsea wantlo.”
“Kilam atsase kiimaq warong laq. Jamkhano ngukla, wamungtan na kai chang kilü ka ajong wiq. Kiimaq kiina kaichang lam ka akhumsea ma aje. Kiimaq maiq apako ka kra lam maq khumtlo.
Shatmaq, ümchaü maiq pahea juwa sinkhu na watiikai nguta tiima tlaq, kriiti ka aran ma mija wan. Kiimaq juwa jai na watiikai nguta tiima tlaq, kriiti ka ajong ma mija wan.”
Ngi chongpha, tailaq, wanhea raüpot pheake wanjebi thun phong kra wiika, ara ngi raq poi ajong klo phaqsea tiije wan kang arka jurmin, phaqsiq lumak she miraq!’ ”
Ara chongtiikang akhiisii hali, ramungtan niika, ngarai tiidii ra mak kechu maiqse nguta tiima raüta, maiq roqtiikaü ri tiikaü sitlaq kra thaq na, maiq weshi ngarai maiqse tsantsii klai tlaq kra chhi raüta, apa michochi.”
Riita, ümchaü ngi raq ümniima bom poshi chongpha, tailaq. Apaiq raq ngi ma lungwii tsii ka tsaühea maq tiichhi kuqto riimak sha. Arka, apaiq ngarai ka jonghea sitaq li jiimin, diikuqto she dea nguta, tiichhike hakhi ashi she. Shatmaq, ümriiti ngarai wa atsapse li diikuqtaq, kriiti riika lungwii tsii min, atsapseli rümtlo.”
Riita, Shiikeawe raq Thungtri khakuq wantaq kriika, maiqse raq ngarai ka apapa mitang wan laq nguta ngo maq kuq wanto. Shatmaq, ümriibano ngarai ka pahea tang wan tlaq, kiijiika Shiikeawe kaphap mangchan tsii ka, akao pahea nyam wan wan khoti miraq.
Krai mren, Shiikeawe raq ümriiti wa pong na athiiq raüta rairii wantaq, kriiti ka hea wanto. Kiimaq maiqse ümchu wa apaiq raq hea wantaq, kriiti ka apaiq rai wehea ma tiija wanto. Kiimaq apaiq rai wehea ma tiija wantiiti thun miika, apaiq khushü ngao kriimin riisha kuq wanto.
Riita, ara chong wan tiikai bomtsi arka ara nangnga ngutiikai. Pongnok phan maiqse riika, Shiikeawe rai jam riidü wan chang sham nguta, jam min tiima wan mak nok raq khoti, ümchaü sanha, tsangshiq ka Shiikeawe raq, ajam mong niishe tiidii wanto. Arka tsangshiq raq, Shiikeawe ma kamtsantsii thü wan tlaq kra, lümiishe tiidii wanto. Raüta, Shiikeawe rai wehea miishe tiija wanto. Tsangshiq ka, Shiikeawe raq apaiq khoqramkii maq raikuq wanto she.
Kiimahali, naishiq raq wranaiqshe Shiikeawe ma kechutum tiikai arka, alam ashi dea asi. Arka, man na naishiq raq namshiq ma, Tsütsa Ahea chongke wa saü wan kai akhing na, namshiq raq Tsütsa Ahea ka, maiqse bomtsi nguta riimak, shatmaq, Shiikeawe bomtsi nguta tai lanta, lang wan lan. Kriika tengto dea. Jamkhano ngukla, namshiq apaiq ma kam tlantibi rilung na, Shiikeawe bomtsi raq, ümchaü min jaqsham wan ruq li.