Matthew 7:13 - ASII LAKDAP Bible (BSI)

¹³ “Kilam atsase kiimaq warong laq. Jamkhano ngukla, wamungtan na kai chang kilü ka ajong wiq. Kiimaq kiina kaichang lam ka akhumsea ma aje. Kiimaq maiq apako ka kra lam maq khumtlo.

Hawa Naga Bible 2001

¹³ “Vtsaungx kaluix lvmx kvmaq nyuip kuinz, yvmx khoc lac ngoz ruiux lec ngarvyx nuex kay juing kaluix lvmx kuex yunghvlc raz tueq vyoalx ningkhvnc nuex kvruex yuq kay wvnc jix paunghvlc httax yaq.

Muklom

¹³ “Aming kalung o nop inn, chammatakoi walmungtan náng nop ching kalung sha rapney ajong etho lam sha rapney achol. Miq daqhan eshi lam sho ka aa.

Matthew 7:13 Referencias Cruzadas

RAPHA HIQWA LAK 6:12

Shiikeawe raq mangjong hiq ka liito. Kiimaq mangjong hiq ka abi chhito. Jamkhano ngukla maiqse kunli ka abi kiimungti siisaq.

RAPHA HIQWA LAK 6:5

Riita Tatiwe raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

TAKSU LAK 16:25

Ümniiraq riikhaqli lam phantiikang angu ka, atiisup na tsai lam thiikho ma moja miraq.

TAKSU LAK 7:27

Ümniika kriinyung jam na kihaüla, lumkiq sat wan laü she ngushat. Arka atsai kai lam aje pinthum.

TAKSU LAK 9:6

Makchuk jaqmiiti rai naq riikongkiq she. Laüta atra silaq. Phaqchi lam kra phan phan khum laq.”

ISAIA 1:9

Riita Tati Ajong Pinthum raq khup wongkuq mak nguraü ka akha aso amose dongdii min tiichong mak, Sodom nai Gommora chela then wantaq kiikha ara Jerusalem chela armin laimiq mitiithen baiq wa.

ISAIA 35:8

Kiijaq munglam jong kaü jonghea she mitan wan, kra mang ka, “Asii Lamjong” nguta mingu. Ngarai maiqse ka kra lam maq ümtiikiimin khum mak miraq; kra lam phan phan khumti ka maiqjiqti thun raq tiishonlot mak she miraq.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

Matthew 23:13

“Namshiq ma phiiptsi chang jonghea asi, Phorisinok nai Thungtri shrinketibi le! Mongnam nok le! Namshiq raq mangjong maiqse ka Shiikeawe sengi ma jawanti wachang lam kilü kra ashaq riibaiq tlan. Namshiq maiqmii kiimin wawan man. Kiimaq nanok juwa awa wan tiima tlaq, kriiti kiimin tiiwa man maq lam ka tangta tlan!

Matthew 25:41

“Kra chongkuq lot raütiishe, apaiq raq apaiq ma jaqpha nü na ngati mungmaiqse kra miishe akha nguta mison, ‘Namshiq ka Shiikeawe manson hotibi ara ngi tho arwa tiibin tlo ronglaq! Khiim wan tlo ronglaq Thawe nai apaiq rasetiim miitu atiihong pattup pat-sa thumki mak phan wamungtan mong kiijaq!

Matthew 25:46

Riita ümchaü sanha arthun arka pattup pat-sa thum mak miq mak chamchao wamungtan kiiniishe mitiidea baiq wan. Shatmaq, kechu maiqse thun arka pattup pat-sa rilung lap wan raütiishe misi wan.”

Matthew 3:2

“Namshiq tsantsii ka klai wan tlo ronglaq. Jamkhano ngukla Ramungtan ka aje niishe!”

Matthew 3:8

Namshiq ngarai tsantsii ka klai wan lan she dea nguta, maiq ma jaqsham maq tiichhi kuq rong laq.

Matthew 7:14

Shatmaq, rilung lam nü na wachang kilü ka atsase. Kiimaq arlam ka akhum ma ahawiq. Maiq atsapko riili arlam ka hum wan tlo.”

Luke 14:33

Ikiikhiisii hali, namshiq phong wa juli jiimin, maiqmii raq jamlai wa rümtlan, kra thumthum miimthü man wiiwii, i jaqshise ma jawanlot man.”

Luke 9:33

Kra maiq wenai ka Jesuq pha wa awa wan, atiido wan she kiijaq, Petar raq apaiq ma chongto, “Tatiwe, nashiq ümchaü arjaq chakai arka pinthum kopan jonghea! Naishiq raq tiipsetiim atsam mihaikai. Ashi ka ümniirii, ashi ka Mosheq rii, kiimaq ashi ka Elija rii.” (Apaiq raq arka jamlai ngo wa bom tlaq kriimin, hemak lam miili bomto.)

John 10:9

Ngi ahata skukhok kilamchong. Juwa ngi lümaq khok mong na watlaq, kriika khup wong kuqshat mirüm kom wan. Apaiq ka dongki dong wa mihaisiq. Apaiq dung chang nyiimrü ka tlung tiiwii mihum phaq.

John 14:6

Kiijiishe, Jesuq raq “Ngi ahata lam. Ngi ahata tengteng bomtsi. Kiimaq ngi ahata rilung tsitsü raü. Ngi ara tlea raüta, Awe pha na jumin walot mak.”

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Romans 9:22

Krai mren sii hali, Shiikeawe riimin maiqse ka phanrap na seng raüta tiipok wan tlo! Arka, Shiikeawe raq apaiq tsankhiq nai apaiq ningkun jong kra, tiichhi kuq wan tlaq kiijaq chhi wan tiikai. Arka, apaiq tsankhiq ka ümriiti khuthaq niiwa siwan tlaq, ümriiti wa chongthum walü maq tiikhiim chaq baiq wan chang sitlaq, kriiti thun miimin, apaiq riika, pinthum anin riiwan raüta, khebom wan tlo chhi wan tiikai.

2 Corinthians 4:4

Tsangshiq raq Tsütsa Ahea ma kam mak riitlaq kriika, Thawe raq tsangshiq wenyi makpo kra pangho kha maq chhi mak sitlo. Ara mangjong hiq rümti thawe abi raq, tsangshiq wenyi mak ka apang riibaiqto. Tsangshiq khuthaq na rawüli liliim wan tlaq kriika, tsangshiq raq chhi mak sitlo. Ara chong tiikai rawüli litlaq ngutiikai arka Tsütsa Ahea Khristo khushü jonglu liliim chhainyii rawüli kra nangnga chong tiikai. Khristo ka Shiikeawe rai shamshi ngamshi sitlaq kra tiichhikuq tlo.

2 Corinthians 6:17

Kiimaq ara chongtlaq arai mren, TATIWE raq akha asengi ma chongtlo, “Namshiq raq thatsang maiqse ka baiqthü raa dongdii; Lanta, namshiq ka pong na trai lanta sirong laq; Ashe ashi rai kongshi ka naqsi rongkiq. Namshiq ka trai lanta asii maq sihan jiila, ngi raq namshiq ka I wokhong na mitiisiha.

Galatians 5:24

Kiimaq ara chong tiikang arai mren, ümchaü sanha, juwa Khristo Jesuq riishe nguta sitlaq, kriiti riika, tsangshiq ngarai han-ngam rong arai nai tsangshiq ngarai han-ngam sükha ramho hon atsii tiima sitlaq kriika, wiita atsea baiq wishe.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

1 John 5:19

Ara mangjong hiq arka Abi Thawe jaqkhon mong niili sitlo. Li jiimin, nashiq raq asap i, nashiq ka Shiikeawe rii she nguta sitiikai.

Revelation 12:9

Kra ajong pinthum prenkaü ka, man niiwa paükaü nguta sitaq kriili. Apaiq ka Thawe riimak la Soitan ngutiimin ngutlo. Apaiq raq mangjong maiqse tlot li laolii wanto. Apaiq ka ra wa mangjong hiq na, akongti asengi rasekong rai tiidea baiqto.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 20:15

Ju mang wa atra lakdap na ahü, kriiti thun ka ara walü tum wamungtan arjiishe tiidea baiqto.