Matthew 20:15 - ASII LAKDAP Bible (BSI)

¹⁵ Ngi raq i kampho arka, ngi raq aroro na shaphaq lot mang sha? Shea ngi raq nanok ma jaq chii jichii maq phong tsoktsok kewan kra chhi laüta, ümkhun nü sha tsi rai tla?’ ”

Hawa Naga Bible 2001

¹⁵ Ngvy kuimphox kuex ngvy thuinroc shuimc mvy yaq rvmuq haz? Ngvy thuinroc shuimx shaungx lvmx kuex mkhunc nyerc haz sac yaq nguinx?’” ngoz tueq jungx tueq.

Muklom

¹⁵ I lik aa ngin riwang chammal som ang tha jin som mong i? Nga qhal shi, nang chamma ngel jo phu?’”

Matthew 20:15 Referencias Cruzadas

DUNGWVNC 33:19

Kiijiishe Tatiwe raq treto, “Ngi raq wiita ikhushü jonghea chhainyii ka üm makki na alea wan mitiichhikuq kang. Kiimaq ümmiki na Ngi raq imang chong asii kra michong kang. Ngi ka Tatiwe. Kiimaq Ngi raq juwa tsea tsiiq wan kang kriiti ma mangchan tsii tiichhi kuq tiikang. Kiimaq Ngi raq tsea wan kangti ma mangchan tiitsi kuqtiikang.

TAKSU LAK 23:6

Khannyan heati jam na, dungsea kai hea kiiphaüla naqkikiq. Kiimaq apaiq raq phanrap phanrii, phaqsea chiimtlaq kra, naqran phan kiq.

TAKSU LAK 28:22

Maiq sükhaheati ka, chiithe ma ja kli taülaütlo; Miitsan tum saütlaq, kriimin sapphaq mak.

JEREMIA 18:6

“Hamlii tak lotiwe raq hamlii hiq da maq taklotlaq kiikha, Ngi raq Israilnok kiimin rüm lot mang sha? Ara hamlii hiqda ka taklotiwe raq jamkho haihuntlaq kiikha, namshiq kiimin ijaq khon mong na.

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Matthew 20:14

Ümjaq maq kampho kra lam wan laüta, ümjam na walaq. Ngi raq atiisup na sham wati ma ümchu wa kuqkang, kiichu sii hali ümniimiimin kewan rotiikang.

Matthew 6:23

Shatmaq ümkhum na walü ka ranyaq miishe jakitaq jiika, ümkhum na ranyaq jonghea she!”

Mark 7:22

maiqchak rai sra, sükha tsii, kiimaq ahin abi tiima tsantsii rümtlaq thun kra; laopha tsii, raweahü hon aja, makshu rashe tsii, maiq chongsea, ashkong tsii, kiimaq ngila sang jasha rong arai siwan tlaq kra;

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

Acts 13:45

Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.

1 Corinthians 4:7

Riita ija, ümniika juro wela ma shong ta? Shiikeawe raq ümniima phanrap ka kuqto she riimak sha? Riita, Shiikeawe raq ümniima phanrap ake kun she jiika, ümnaq shiikong rai chang lam min asi sha? Shiikeawe raq phanrap ka phe maq kuqto riimak sha?

Ephesians 1:11

Phanrap kiimung tlaq arka, Shiikeawe apaiq raq sürii tlaq nai thimi tlaq kra phanphan tiikutlo. Kiimaq Shiikeawe raq nashiq ka, Jesuq Khristo rai pumshi hanshi she tiija wantaq kra lümaq, asengi she nguta phumram kham maq bat wanto she. Arka apaiq raq man na rapha hiqwa niiphü athapthi wan wi she dongdii kra tiiku pi miitu she nashiq ara tsea wanto.

Ephesians 2:1

Man na ji na, namshiq ka wenyi na amaa siwan lan. Namshiq raq Shiikeawe kiq khü lanta, ngarai mong na silan kha maq, namshiq ka wenyi na amaa silan.

Ephesians 2:5

Arkha maq tiina, nashiq ka man na, Shiikeawe kiqkhii laita, wenyi na amaa sitiikai liipan niili, apaiq raq nashiq ka Khristo rai atra tiija kuq wantaq ara. Namshiq ka Shiikeawe kaphap mangchan lümaq tiina tiichhii kuqtaq.

TRI CHONGKE 15:9

Thiitham raüpot diike wan rawii saü wan ka ajeli she nguta, apaiq ma phanshi ra tiinamke ka naq khun niikiq. Akha abi hon atsii ka ümkhutsai na naq tiinyap kiq. Kiimaq ümniiraq apaiq ma kampho ka tiinam kuq maü riihaüla, apaiq ka Tatiwe phana wa raüta ümniika mishok wa. Krai mren, ümniika ashut we miishe mija haü.

TRI CHONGKE 28:54

Aki miikiimse maiq shaq wase kriiraq dongdii min, re raq chela tro maq kom wantlaq kra akhing na ram raq apit wan kra kha miishe, atsaitsi ma, asetiim wiijam ka tsat raüta kra ngam ka miphaq. Jamkhano ngukla laihin phaqsea chang jam min ahü she. Apaiq raq kra ngam ka phan shi se ra dongdii min aphu ano ma riimakla apaiq raq lungwiitlaq achak kriima dongdii min kuq phaq mak miraq. Riimakla, asetiim abung atra tiichongtlaq kriiti ma dongdii min kuq phaq mak miraq.

James 1:18

Apaiq tsantsiitsii maq nashiq ka tengteng bomtsi maq rawü tiichhi kuqto. Raüta wenyi rilung na nashiq ka apaiq raq ümchuwa phansang wantaq, kra thun thaq na, nashiq ka lamsheati ma tiija wan miitu phansangto.

James 5:9

Phuno nyinotiim lei, namshiq raq chamchao litkot riihum tlan akhing na, riithu riisi lanta, weshi raq weshi ma naq tiishaü rongkiq. Nashiq raq kongti ka khühü na tiishut wan raa mak. Ara chongtiikang arka, Shiikeawe raq namshiq ma kha nyan mak chang miitu chongtiikang. Phowe jong ka ümchaü aje niishe. Mangjong maiqse kunli kha phokai saüho tlo she.