Matthew 11:4 - ASII LAKDAP Bible (BSI) Kiijiishe, Jesuq raq treto, “Namshiq ka jangho ronglaq. Lanta namshiq maiqmii mak maq jamlai phan jaqsham wa chhi tai tlan, kra thun ka Johan ma chongho rong laq. Hawa Naga Bible 2001 Yesu rueq tvralc tueq, “Nuimshiq rueq tay tuit nuiyc khiz tuit htenc kuex yek waung vtueq Yohan muex jungx kuq shuinz: Muklom Jesu aa thawel batta, “Wey wel inn, nim aa chamlang tat inn etho chamlang khi inn shi John ma bat inn. |
Tsangshiq ka kiraüta, “Naishiq ma chong laq, ümnaq ardea sha Johan raq, ‘Maiqwe ashi saüho tlo,’ nguta chong kuq tiiwe kra, sha nashiq Jehudinok mung raq, kriiwe ka ümchaü min misaüho shaqli nguta kheruq li khe chang wa miraq?” nguta tsangshiq raq apaiq ma bom ka waito.
Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.
Kiijiishe maiq kong ka pahea pahea apaiq phana wato. Tsangshiq raq maiq atsi asiti hokkü, makchuk, akü ashii, nütang kiimaq phan phan thup atha tsisiti maiq pahea kra shea wan raüta, Jesuq jichong na phong kuq wanto. Kiimaq Jesuq raq tsangshiq tarü tsisi thun kra wiita chhintsii kuqto.
Kiimaq maiq pahea makchukti nai akü ashiiti thun ka, apaiq phana Shomjam mong na wato. Kiimaq apaiq raq tsangshiq thatsi ka tiihea kuqto.
Kiijiishe, Jesuq raq ajaq maq atsiti we dü na ashamho lam maq, “Ngi raq ümniika chhiijiike rotiikang! Ümchaü li heakikiq,” nguta apaiq bom ka treto. Krai mren, apaiq thatsi ka heakisaq li heakito.
Ngi ka i We rai, i We ka ngi rai adam na sitlo, nguta chongkuq tiikang bomtsi arma kamwan rong liina. Kiimaq arma kamwan man jiika, ngi raq i jaq sham ümchuwa sham tiikang arma kamwan rongliina.
Shatmaq, ngi miitu Johan raq jamlai hakhi wa kuqtaq, kra thaq niimin ajong hakhi kewanti ka asi. Ngi raq jamlai wa sham tiikang thun arka, i We raq atiisham wan. Arthun jaqsham ara riili, ngi arka, i We raq atiiki dea nguta, ngi miitu hakhi kuq tlo.