Matthew 11:3 - ASII LAKDAP Bible (BSI)

³ Tsangshiq ka kiraüta, “Naishiq ma chong laq, ümnaq ardea sha Johan raq, ‘Maiqwe ashi saüho tlo,’ nguta chong kuq tiiwe kra, sha nashiq Jehudinok mung raq, kriiwe ka ümchaü min misaüho shaqli nguta kheruq li khe chang wa miraq?” nguta tsangshiq raq apaiq ma bom ka waito.

Hawa Naga Bible 2001

³ “Mnoz kuex httuiuc kaz yaq waz kvruex haz rvtonx? Rvmuq ngoz ruiux nuiyshiq rueq vganc washiz bvmc juing lac?” ngoz tueq Yesu muex wiz tueq.

Muklom

³ “Ukat Khristo sha nang raa i, tia, í aa miq dak ban i?”

Matthew 11:3 Referencias Cruzadas

RAPHA HIQWA LAK 12:3

Jurwa ümnaq shiimantlaq kriiti ka Ngi raq mishmanha, Shatmaq jurwa ümniima mansontlaq kriiti ka Ngi raq misonha. Kiimaq ümnaq lümaq Ngi raq mangjong maiqse kunli mishmanha.”

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

RAPHA HIQWA LAK 49:10

Juda raq hokham nyeakii kra misham, Kiimaq asaü ase phan raq pattup mung misiq wan. Maiq mung thun raq apaiq ma tijong tsiiq wa miho kuq wan Kiimaq ajichong na apaiq puk na minyap wan.

Tvtsvmc 118:26

Shiikeawe raq juwa Tati mang na watlaq kra mishman kuqlaq! Tati Shomjam maq naishiq raq ümniima ramkuqtiikai.

ISAIA 7:14

Ahea na ikhiijiika. Tati apaiq riishetiq ümniima miithii kiishi mishongkuq: Junrii wahüse ka wiihan she miraq. Apaiq raq ase ka maiqwe se michii. Kiimaq apaiq mang ka ‘Immanuel’ nguta mimang.

Hosea 3:5

Shatmaq akhing ashi misaü wan, Israilnok ka tsangshiq Tati Shiikeawe wokhong na hali mijang wan nong. Raüta tsangti Dawit saüse phan wa tsangshiq hokham ma shong wantlaq kriiwe puk niishe hali mishang wan nong. Kra akhing niishetiq tsangshiq ka Tatiwe ma haisong tsantsii kra mithü wan nong. Krai mren, tsangshiq raq Tatiwe achu shiiman ahea kongphiq thun kriishe milap wan nong.

Obadia 1:21

Jerusalem chelati ka rekhat tang wan raüta, arü ariiq wawan tlaq kong raq, Edom mung ka mikhat wan. Raüta mitang wan. Raüta Edom mung ka misiq wan. Kiimaq kra akhing na, Tatiwe apaiq kli Hokhamwe ma mija wan,” nguta Tatiwe raq chongtlo.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

HAGAI 2:7

Ngi raq mangjong hiq wa maiq mung thun naüshaüshaü mirha. Krai mren pongmung maiqse raq tsangshiq tsiiq tum kra howan raüta arjiishe mito wan. Krai mren, Shomjam ka tsiiq anyam raq ama she miraq.

JEKERIA 9:9

O Jajon chelati lei, chochi rong laq, chochi ronglaq, O, Jerusalem chelati lei chochi ronglaq! tiihong lanta gitrang ronglaq! Liimanta, nam hokhamwe ka saüwato she; Apaiq ka tingting maiqse kiimaq tiichhiiketi, apaiq ka tsannin woknin, kumtoq kaü thaq na ngaraü; kumtoq kaüse thaq na ngaraüta watlo.

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

WEAWEA 24:17

Ngi raq rawiichii akhing chhitiikang, Kiimaq Israilnok mung kra chhitiikang. Hokham weshi, raiqsaiq ikha chhai hea, Kra mung na midong. Komet raiqsaiq po ikha apaiq ka Israil mung wa midong. Apaiq raq Mob mungti welabi thun mibuk. Kiimaq Seth mungti tlotli mitiiq baiq.

Matthew 11:10

Asii bomtsi na Shiikeawe raq Johan miitu akha chongtlo: ‘Ngi raq ümniima sinkhu na milon weshi mitiikili ha, apaiq raq ümkai chang lam ka atan mirkuqho!’

Matthew 11:4

Kiijiishe, Jesuq raq treto, “Namshiq ka jangho ronglaq. Lanta namshiq maiqmii mak maq jamlai phan jaqsham wa chhi tai tlan, kra thun ka Johan ma chongho rong laq.

Matthew 21:5

“Jerusalem chela ma chong laq, ‘Liilaq, ümhokham we ka ümphana watlo! Apaiq ka tsan nin woknin we, kumtoq kaü thaq na nga raü watlo, kiimaq kumtoq kaüse thaq na nga raüta watlo.’ ”

Matthew 21:9

Jesuq khaki na nai apaiq jai na mungmaiqse watlaq thun kra raq, “Dawit Se kli tiitsam ronglaq! Shiikeawe le, Tatiwe mang na juwa kitlaq kiima achu shiiman kuqlaq! Shiikeawe li tiitsam ronglaq!” nguta rü riiq trang wanto.

Mark 11:9

Mungmaiqse Jesuq rai wadamti, apaiq khaki na nai apaiq jai na kongta hushhu maq wawan damtlaqti thun raq, “Shiikeawe li tiitsam ronglaq! Shiikeawe le, Tatiwe mang na kitliiwe kra shiiman kuq laq!

Luke 19:38

“Shiikeawe le, Tati mang na hokham we kitlaq kiima achu shiiman kuq laq! Ramungtan na khu asang mirlaq! Kiimaq Shiikeawe khushü kli mijong laq!” nguta arii ariiq she wawanto.

John 11:27

Kiijiishe, “Tatiwe, kamtiikang! Ngi raq ümniika Khristo, kiimaq Shiikeawe Se, ara mangjong hiq na misaüki nguta chongtlaq we kra, nguta kam tiikang,” nguta apaiq raq Jesuq bom ka treto.

John 12:13

Krai mren, mungmaiqse raq taitsi hii ka maiqmii jaq na doraq maq, Jesuq taokai nguta, chii phai niishe arü ariiq wa trang liishe, kongta hushhu maq kihoto. Raüta, tsangshiq raq apaiq ka tao wanto. Tsangshiq raq apaiq tao wan lam maq, “Shiikeawe ka shreng rong i! Shiikeawe lei, ümmang na juwa kitlaq, kriiwe ka shiiman kuq laq! Shiikeawe lei, Israilnok Hokham we ka shiiman kuq laq!” nguta arü ariiq watrang liishe apaiq ka tao wanto.

John 16:14

Apaiq riika, i khushü jonglu ümtinkhan wa sitlaq kra, namshiq ma mitiichhi kuq. Ara jamkhano chong tiikang ngukla, ngi raq jamlai wa chong tiikang, kriili apaiq raq lamho raüta, namshiq ma michong kuq.

John 4:21

Kiijiishe, Jesuq raq apaiq ma chongto, “Maiqnyung loi! I bomchong arma kamlaq! Akhing ashi misaü wan, maiqse raq Awe Shiikeawe ka ara kin arjaq lo, Jerusalem na lo, ka shomnoq mak she miraq.

John 6:14

Jesuq raq kra wangchang jaqshamke kra chhi raüta, mungnyung mungse raq, “Arwe arka Asii Bomtsi na jai maq shammi weshi mangjong hiq na mikilii nguta chongtlaq we kriidea saükito sham!” nguta tsangshiq liipan na bom ka riichongto.

John 7:31

Shatmaq, mungmaiqse phong wa maiq pahea raq apaiq ma kam wanto. Kiimaq tsangshiq raq, “Ümtiikiiwa Khristo saüki jiiq, kra akhing na ümchaü arwe raq awang chang jaqsham wantaq arthaq na achat raüta, akao lin she sha misham wan nya?” nguta tsangshiq liipan na riibomto.

Hebrews 10:37

Riita, Asii bomtsi na akha nguta chongtlo: “Aloseli she misi, heashi se sijai, saühoti we kriishe misaüho. Alu ka tiijai rai mak she miraq.