Matthew 11:5 - ASII LAKDAP Bible (BSI)

⁵ Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Hawa Naga Bible 2001

⁵ Muik mawz jix htenc rueq khiz lvp wvnc tueq; hukkuix jix htenc khuemx shamx lot yaq; vshungx jix htenc sawc wvnc tueq; nabawx jix htenc rueq tay lot wvnc tueq; vthueyc jix htenc tvyuing tvtenc wvnc rvhumc tueq, htemc saz jix tvkoc Thuix Thaungx Vhvlx jungphvnx kuq yaq.

Muklom

⁵ Miikduk tang aa jin khi sey aa, jaakung tang jin qhing ang aa, angam tang usang sey ang aa, naqbang tang aa utat sey aa, tik chol miq wey jey ang aa, etho tangshi miqtang ma tungtang aqhal raaq tatat aa.

Matthew 11:5 Referencias Cruzadas

2 HOKHVMX 5:14

Krai mren, Naaman ka Jordan rai na kihoto. Raüta Elisha raq apaiq ma chongkuqtaq kra phan phan khamchum mong na tiitsam hihi jang miishe tiitsamto. Kiimaq athatsi ka klang miitaq tiitsiirai heakito. Apaiq khum wa ahan ngam ka phintsaq tsaq heashe, tsindang dang heashe, nonose han ikhiishe nyeajok jok hea heakito.

2 HOKHVMX 5:7

Riita Israil mung hokhamwe raq kra lak ka phatto. Raüta apaiq raq adü na asam akhea kra chaiheahea, atsanbi riitaqli riito. Kiimaq, kiinyiikhiq akha nguto, “Siria mung hokhamwe raq ngi raq arwe thatsi ka jamkhii mitiiheakuq laq nguto tiima tla? Apaiq raq ngi ka atiichhunti nai miisaq tiithumti ningkun riimti Shiikeawe ngutiisha tiima tla? Arka tamlamlam maq ngi rai ta riitso ma nguta niqtlo ahata!”

Tvtsvmc 146:8

Kiimaq makchukti ma mak tiipiiqkuqtlo. Apaiq raq juwa hiq na riwantiiti ka ra na ado riikuqtlo; apaiq asengi kechu maiqsebi ka lungwiitlo.

Tvtsvmc 22:26

Miitsan maiqsetiim raq tsangwok phetak chhaq miphaqsiq; Tatiwe pha na wati raq apaiq mitiitsam, Tsangshiq ka pattup pat-sa she dea mirong winlaq!

DUNGWVNC 4:11

Kiijiishe Tatiwe raq apaiq ma nguto, “Maiqse ma anübok keti ka juwa? Kiimaq apaiq ka juro nibii ma tiijabaiqtla? Riimakla apaiq ka juro nütang ma tiijabaiqtla? Apaiq ma amakpo ka juro kuqtla? Riimakla juro amak ka tiichukbaiqtla? Arka Ngi, Tatiwe raq klo tiikang.

ISAIA 29:18

Kra ranaiq she saüwa raüla, nitangwe riika apaiq ma tiihong raüta lakdap ashi ka phatkuqtlaq kra mitai. Kiimaq makchuktitiim riimin, ranyaq tangtang mong na siwantibi riimin, tsangshiq mak ka apiiq she mirki. Krai mren tsangshiq raq phanrap ka michhi.

ISAIA 29:19

Miitsan maiqse kong nai sobsob bom bom maq siti maiqse thun riimin thongshiri hali Tatiwe, asii Israilnok Shiikeawe raq kuq tlaq chochi rilung kra milap wan nong.

ISAIA 43:8

Shiikeawe raq ngutlo, “Isenginok ka rung na tiichap ronglaq. Tsangshiq ka wiimak shatmaq makchuk; tsangshiq ka wiini, shatmaq nibii!

ISAIA 66:2

Ngi raq ijaq maq ra nai hiq kunli phansang wan kang! Ngi ka juwa saksi minmi kiimaq maiqmii mra tiidii raüta hoqtlaq, kiimaq jurwa Ngi ma haitlaq raüta i bom taitlaq kriiti ma khoqriiq tiikang.

JEKERIA 11:7

Sku piikiitinok raq ngi ka sku rüm ma amaq kham na thüto. Krai mren, ngi ka ataphaq chang sku rümti ma jakang. Ngi raq sku rüm chang nyeakii anai lam kang: kiishi mang ka “Akhrumti,” kiimaq kiishiti ka, “Aram ari,” nguta mang kang. Kra latiishe, skukong ka rüm kang.

Matthew 10:8

Lanta, atsiti thun ka chhintsii kuq wan rong laq; kiimaq atsai arkiti thun ka ama wa tiijang kuq wan ronglaq. Thupbi thati ashong ashai tsisiti thun kra tiihea kuq rong laq. Kiimaq tsak amii tha thun kra jobaiq ronglaq. Namshiq raq ara ningkun ara phe maq alap han, krai mren namshiq riimin nanok ma phe maq jaq ka shamkuqki rongkiq.

Matthew 11:4

Kiijiishe, Jesuq raq treto, “Namshiq ka jangho ronglaq. Lanta namshiq maiqmii mak maq jamlai phan jaqsham wa chhi tai tlan, kra thun ka Johan ma chongho rong laq.

Matthew 12:13

Kra bomlot raütiishe, apaiq raq ajaq ama arki we kiima, “Ümjaq ka tlii laq,” nguta thaüto. Krai mren, apaiq riimin ajaq ka tliisaq riito. Kiimaq, ajaq ka jaqko ahea nüti kiikha tiidoqra heasaq li she heakito.

Matthew 21:14

Kiimaq maiq pahea makchukti nai akü ashiiti thun ka, apaiq phana Shomjam mong na wato. Kiimaq apaiq raq tsangshiq thatsi ka tiihea kuqto.

Matthew 5:3

“Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

Matthew 9:30

Krai mren, tsangnai mak ka tiidoqra li heakisaq heakito. Kiimaq Jesuq raq tsangnai ma bom thang tsii chongke, “Ara tsütsa ara maiq ahinti ju miimin tiitai wan ra mak!” nguta chongkuqto.

Mark 7:37

Krai mren, kra tsütsa taiwanti bi tarü ka, pinthum amao riiwanto. “Apaiq riika jaqsham ahea, awang chang siisaq shamtlo!” nguta rin ra wanto. “Apaiq raq nitangti nai nütangti thun dea min wiita she tiihea kuqtlo!” ngutiishe tsaki wanto.

Mark 9:25

Jesuq raq maiqphong ka, tsangshiq tho niishe riitsap rai wan chhito. Kriikha maq, “Ümnaq nibii nai nütang tha. Ara no khum arwa dongho tlo laq. Ümniika ümtiikiimin ara no khum na jangwa nong maimak she!” nguta apaiq raq tha ka jobaiqto.

Luke 4:18

“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.

John 10:25

Jesuq raq treto, “Ngi raq namshiq ma bom ka achongke kun she. Shatmaq, namshiq raq i bom chong arma kam man. I We aming maq ngi raq ümchuwa jaqsham tiikang, kra riili she, ngi arka juwa kra namshiq ma chong kuq tlo.

John 10:38

Shatmaq, ngi raq, i We raq achongkuq jaqsham kriidea sham tiikang jiika, namshiq raq ngi ma kamwan romanli jiimin, i jaqsham arma kamwan rong liina. Kra kamwan han jiika, namshiq raq ngi ka i We rai, kiimaq i We ka ngi rai pumshi hanshi miidea sitiikai nguta pattup miitu she misap wan han.”

John 2:23

Jesuq raq Tiichhii Wan Poi liipan bala, Jerusalem maq awang chang jaqsham ka pahea shamto. Kra chhi raüta, maiq pahea raq apaiq ma kam wanto.

John 3:2

Rawashi apaiq ka Jesuq phana kito. Raüta, apaiq ma bom ka akha waito, “Shrinketi we, naishiq raq ümniika Shiikeawe raq atiiki shra we nguta asap hai. Ümniiraq awang chang jaqsham tlaü arka, Shiikeawe raq pongdam mak ngu raü ka, juwe riimin klo lot mak.”

John 5:36

Shatmaq, ngi miitu Johan raq jamlai hakhi wa kuqtaq, kra thaq niimin ajong hakhi kewanti ka asi. Ngi raq jamlai wa sham tiikang thun arka, i We raq atiisham wan. Arthun jaqsham ara riili, ngi arka, i We raq atiiki dea nguta, ngi miitu hakhi kuq tlo.

John 9:7

Kra raütiishe, apaiq raq, “Kilaq, Silom Thamchum na ümthea ka maikikiq,” ngutiishe makchuk we ka thaüto. (Silom liichum ka “tiikito” nguta ngo riito). Krai mren, makchuk we ka thamchum kiina kihoto. Raüta athea ka maito. Kiimaq amak ka heakisaq li she heakito. Raüta apaiq ka maiqhea tingsang she ajam na jang wanto.

Acts 2:22

“I nok i hiq Israilnok lei, ara chong tiikang bomtsi ara, samhea tiitsang tai ronglaq! Najareth hiqti Jesuq ka, Shiikeawe raq apaiq jaqsham ma ashong wan maiqse dea nguta, namshiq makki na apaiq pum lümaq, ümtinkhan wa awang chang nai amao chang jaqsham pahea shamkuq wan raüta, namshiq ma khangriri hea tiichhikuq wanto. Arka namshiq tarü raq asap han siisaq. Arthun jaqsham wantaq arka, namshiq man na sham wanto.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.