Matthew 11:5 - Hawa Naga Bible 2001

⁵ Muik mawz jix htenc rueq khiz lvp wvnc tueq; hukkuix jix htenc khuemx shamx lot yaq; vshungx jix htenc sawc wvnc tueq; nabawx jix htenc rueq tay lot wvnc tueq; vthueyc jix htenc tvyuing tvtenc wvnc rvhumc tueq, htemc saz jix tvkoc Thuix Thaungx Vhvlx jungphvnx kuq yaq.

ASII LAKDAP Bible (BSI)

⁵ Makchukti riimin chhi tlo she, hokkü jaqküti thun kiimin khumtlo she, kiimaq thupbi thati raq akaq ashong ashe mitsi rai tlaqti thun kriimin tiisii kuq wanto she, nibii biilati thun riimin taitlo she, maiq ka ama wiimin tiijang wantlo she, kiimaq Tsütsa Ahea kra miitsan miijan maiqse thun ma tiitai kuq wanto she.

Muklom

⁵ Miikduk tang aa jin khi sey aa, jaakung tang jin qhing ang aa, angam tang usang sey ang aa, naqbang tang aa utat sey aa, tik chol miq wey jey ang aa, etho tangshi miqtang ma tungtang aqhal raaq tatat aa.

Matthew 11:5 Referencias Cruzadas

2 HOKHVMX 5:14

Kvkhoc rvtueq Naman kuex Yodan ruilx nuex svt kaz vtueq piq muex Elisha rueq jungx tueq rulc rv-ngvlc lauk mvshix piq pumz kuex yuix nuex thuimc koq tueq, tvdawk raungx tvhvlc gay rvhumc tueq. Piq gvnz kuex nosaz gvnngvmx ikhoc yaungx wvnc tueq.

2 HOKHVMX 5:7

Israel hokhvmx waz rueq luik kvruex wvllawc ruiux, piq khoz vkhvy kuex juir gay ruiux, “Vruex waz kuex tvhvlc lot tvkoc Siria hokhvmx waz rueq ngaz muex yvmx khoc lac tvluimc yaq nguinx? Ngaz kuex thuiuzthuic tvraungx kuy nuiyc tvthueyc tvmvy lot yaq luimc vkawc httax yaq Tishox ngoz tueq wuez tvmaung yaq nguinx? Piq kuex ngaz rulc thaung thoz rvnaq tvkoc thuiy yaq kuex raungshuex raung rvtueq!” ngoz tueq ramc tueq.

Tvtsvmc 146:8

muik mawz jix htenc muex muik tvkalc kuq tueq. Vrulc wvnc jix htenc kuex htuiz daungx kuq ruiux, vpiq muex tsuingrux miqsaz htenc kuex vpiq rueq lung-wawc yaq.

Tvtsvmc 22:26

Htemc vrvmc miqsaz rueq phoay laz phauk saq wuez shuex; Yehowa kox nuex kvnvp jix rueq vpiq muex tvtsvmc shuex. Tsuingshiq kuex pattup mrungx wanx wvnc kueq!

DUNGWVNC 4:11

Yehowa rueq piq muex ngoc, “Nuix kuex uraq lac tvdung tvnx? Nac bawx, rvmuq ngoz ruiux nuix tuingx kuex uraq lac tvyaungc tvnx? Muik kalc, muik mawz kuex uraq vtvdung lac? Kvruex kuex Ngaz, Yehowa rueq vtvdung rvtueq.

ISAIA 29:18

Kvkhoc raungnuiyq httuiuc tuex nuex, nac bawx jix rueq luik phat yunghvlc tvruingc tay wvnc shuex, raungx nyauk nuex httax yaq muik mawz jix htenc muinz muik kalc wvnc vtueq khiz wuez shuex.

ISAIA 29:19

Htemc saz jix nuiyc thuinz tvyomz jix bix kuex Yehowa Israel vsawc Tishox rueq kuq tueq kokez juing kuex lauk shiz hulawx lvp wvnc yek shuex.

ISAIA 43:8

Tishox rueq, “Ngvy miqsaz htenc kuex tvrac rungx nuex gvl shuinz. Tsuingshiq kuex muik vhttax, yuq muinz vmawz; tsuingshiq kuex nac vhttax, yuq muinz vbawx.

ISAIA 66:2

Ngvy shauk pumz maq httax mvhttax tvdung sung! Thuinz tvyomx vtueq tharc khic wvnc jix nuiyc ngaz muex hiyaz vtueq ngvy kvjaz phvnc jix kuex ngaz rueq lungwawx shaungx.

JEKERIA 11:7

Khelbuenx rvrez rvshaungc jix hez rueq ngaz kuex shap phuex, kvkhoc rvtueq ngaz rueq vthvy gay tvkoc vthvl taq khelbuenx htenc kuex remc jix waz yaungx kaz tauk. Ngaz rueq ngvlhtulc vnueyc lvmz vtueq vshiz kuex “Htvlx phawc lvp lvmz,” vganc vshiz kuex “Vrungx vraz lvmz” ngoz tueq muingc tauk. Kvkaq khelbuenx kung kuex ngaz rueq remx tauk.

Matthew 10:8

Vthuiuz vsac jix htenc muex tvhvlc kuq shuinz; vthueyc jix htenc tvyuing tvtenc shuinz; vshungx jix htenc muex tvsawc kuq shuinz; htaungc htenc kuex yurc gay shuinz. Nuimshiq rueq kejux kuex htawguez rawguez maq lvp tuit ningkhvnc nuex miq yauk wawc muinz vhtuimc vphawx nauk thoz kaz maq kuq shuinz.

Matthew 11:4

Yesu rueq tvralc tueq, “Nuimshiq rueq tay tuit nuiyc khiz tuit htenc kuex yek waung vtueq Yohan muex jungx kuq shuinz:

Matthew 12:13

Kvkaq vpiq rueq kvruex waz muex, “M-yauk kuex tenz shuiuz,” ngoz tueq. Kvruex waz rueq vyauk kuex tenz koq tueq yaukkox kvrulc rv-ngvlc hvlx kaz tueq.

Matthew 21:14

Muik mawz jix nuiyc vkuix vshawx jix htenc kuex Shomc Yuimx mungx kvyuq vpiq kox nuex httuiuc kaz wuez koq tueq, vpiq rueq tsuingshiq muex tvhvlc kuq tueq.

Matthew 5:3

“Siyac htauk nuex vhtemc vrvmc rvhumc jix kuex thuinhvlx wuez yaq; yvmx khoc lac ngoz ruiux lec raungx Mungtan kuex tsuingshiq mungtan rvtueq!

Matthew 9:30

Kvkaq tsuingnueyc muik kuex kalc kaz tueq, Yesu rueq tsuingnueyc muex, “Ukhaq muex muinz nauk jungx kaz!” ngoz tueq bomc htuing kuq tueq.

Mark 7:37

Kvkhoc yaungx wvnc tueq lvmx tay jix miq lotlaz kuex pinhtumc wangc wuez vtueq, “Vpiq rueq lvmx ruip saz kuex vhvlx nuex shuimx kaz lot yaq! Nac bawx jix muex nac tvtay kuq wvnc vtueq kvjak thenc muq jix htenc muex kvjaz kuq wvnc yaq rvtueq!” ngoz wuez tueq.

Mark 9:25

Yesu rueq tsuinghez kox nuex nuk miqsaz kung kvnvp wvnc yaq kuex khiz vtueq, vshuy htaungc muex ngoc, “Nac bawc nuix tuingx htaungc lex, nox gvnz vwawc dung wvnc kuiuz, Yix maq mkaq muinz nyuip mvy muq, ngoz tueq ngaz rueq mnoz muex ngoz vphaungx!” ngoz kuq tueq.

Luke 4:18

“Taungjix Siyac kuex ngvy htauk nuex svt kaz ruex; htemc saz jix muex thuix thaungx vhvlx jungc kuy tvkoc vpiq rueq ngaz muex vpuiz tix maq nyvt kuq phuex. Khvrc buinc rvhumc jix htenc tvdung wvnc shuex lvmz nuiyc, muik mawz jix htenc rueq muik khiz wvnc shuex lvmz jungphvnc kuy tvkoc muinz; tuinghtuing rvhumc jix htenc palc wvnc shuex lvmz muinz;

John 10:25

Yesu rueq, “Nuimshiq muex ngaz rueq vjungc kuy wuez shex, yuq muinz nuimshiq kvmx muit, Iwaz vrangx vpangx maq ngaz rueq shuimx vshaungx yauk shuimc htenc rueq ngvy lvmz hakhix khvmc kuq yaq;

John 10:38

Yuq muinz ngaz rueq shuimx vshaungx ngoz ruiux yuq kuex, ngaz muex kvmx muit ngoz ruiux yuq muinz ngvy yauk shuimc muex kvmx kuinz; kvkhoc ngoz ruiux jix Iwaz kuex ngaz rulc, ngaz muinz Iwaz rulc httax vtaungx lvmx kuex nuimshiq rueq tuiuz wvnc shuinx,” ngoz tueq.

John 2:23

Tvlvy Wvnc Moalx baunglaung Yerusalem ghaq nuex vpiq rueq tvkhic wvnc tueq vwangc juing yauk shuimc htenc kuex miq paunghvlc rueq khiz vtueq vpiq muex kvmluimx wvnc wuez tueq.

John 3:2

Kvruex waz kuex raungnyauk nuex Yesu kox nuex kaz vtueq, “Rabbi lex, mnoz kuex Tishox rueq vtvkaz tvluingc waz vshiz rvtoq lvmx kuex nuiyshiq rueq tuiuz lvp vshix. Mnoz rueq vwangc juing romzyac htenc tvkhic vshuiux htenc kuex Tishox lomx muq ngoz ruiux uraq muinz shuimx lot muq,” ngoz tueq vpiq muex jungx tueq.

John 5:36

Yuq muinz ngaz rueq lvp taq tauk hakhix kuex Yohan rueq khvmc yaq hakhix htauk nuex muinz vyungx rvtueq. Yvmx khoc lac ngoz ruiux lec Iwaz rueq ngaz muex kuq vtueq ngaz rueq shuimx vshaungx htenc rueq muinz, ngaz kuex Iwaz rueq vtvkaz rvtueq lvmz hakhix khvmc kuq yaq.

John 9:7

“Kaz kuiux, Siloam yuix Jumx nuex hoal kaz kuiuz,” ngoz tueq jungx kuq tueq. (Siloam ngoc vlvmz kuex “Tvkay” ngoc rvtueq,) piq kaz vtueq hoal kaz koq tueq vmuik kuex kalc wvnc ruiux yek waung tueq.

Acts 2:22

“Israel miqsaz htenc lex, kvjaz vruex tay wuez shuinz! Tishox rueq vwangc juing yauk shuimc htenc nuiyc romzyac htenc kuex Nazaret ghaq jix Yesu maq tvkhic wvnc tueq. Kvkhoc rvtueq vpiq kuex Tishox kox wawc vrangx vpangx lvp jix waz rvtueq lvmz kvkhic wvnc tueq. Kvruex yaungx wvnc tueq htenc kuex nuimshiq htumc nuex yaungx wvnc tueq ningkhvnc nuex nuimshiq miqmac rueq tuiuz wuez vshuinx.

James 2:5

Lungwawc phunox bix lex, tay wuez shuinz! Kvmluimx lvmx nuex rungwanx jix yaungx vtueq, vpiq muex lungwawc jix htenc muex kuq shaungx ngoz tueq bomkhvmc taq shec tueq raungx mungtan wawc tsak vnyvmx kuex lvp wvnc laung nuex Tishox rueq mungkawx vwawc htemc saz jix htenc kuex thvl wvnc tueq.