Luke 7:21 - ASII LAKDAP Bible (BSI) Kra akhing bala, Jesuq raq maiq atsi asiti ka pahea tiihea kuqto. Apaiq raq, maiq ka thup atha raq arom wan wa kiimaq maiq achuk amiiti thun pahea kra tiihea kuqto. Hawa Naga Bible 2001 Kvruex baunglaung Yesu rueq miq vthuiuz vsac htenc muinz tvhvlc kuq tueq, htaungc htenc muinz yurc gay ruiux muik mawz jix kuex muik tvkalc kuq tueq. Muklom Eshi rangham tho Jesu aa uphan phan atakasa miqtang etho anaan tsija eq lottey tang tha taqhal ta, etho daqhan miikduk tang aa ukhi eq ma kotta. |
“Ümtiikiiwa armung arjaq ram dongtlaq, riimakla thabi dongtlaq, riimakla rahai haike hai raüta tsam ka wak wa tiithen baiqtlaq, riimakla kupchi sawa long raüta tiithen baiqtlaq, riimakla, ümsenginok ka chiqse rewe raq longtlaq, riimakla, thatsitlaq, riimakla tsangshiq liipan na thuptsi thatsi saütlaq akhing na,
Kiimaq ümtiikiiwa ramwe ka jam kra shri ra liiwa watlaq, kiitiikaq apaiq raq jam ka boq anye maq lojai thathaü ka longmak she jiila, apaiq raq kra jam ka asii she apii chang ahü she nguta bom ka mitoqtan. Jamkhano ngukla thathaü ka tiisiirai alambaiq kun she.
Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.
Krai mren, apaiq mangjong tsa ka Siria mung tlotli na nyam wanto. Kriikha maq, mungmaiqse raq phanrap phanrii thuptsi thatsi chamchao maiqse thun ka apaiq phaniishe sheahoto. Atsiti phong wa wiijam ka thaq raq arom wan, wiijam ka angaq tsiti, kiimaq wiijam ka khum amaa arki tsiti thun riito. Jesuq raq tsangshiq tarü thatsi ka tiiheakuqto.
Apaiq raq maiq atsiti ka pahea tiihea kuqto. Krai mren, maiq atsiti thun pahea raq, apaiq khum na jaq maq shamtlo haijaq nguta, riithu riiliiq, apaiq phana wa riitsap khatto.
Krai mren, apaiq raq Jesuq khea samtong jong samtlaq kiijaq, thansaq shamto. Krai mren, athatsi ka tiidoqra heakito. Kiimaq apaiq raq akhum na atsi hea wan kra sapto.
Kiijiishe, Jesuq raq, “I se le! ümniiraq ngi ma kamwan laü kha maq, hea wan laü. Ahea, Ümchaü ka hansang miishe siwakiq. Ümthatsi ka heakito she” nguta chongkuqto.
Krai mren, tsangnai ka Jesuq phana saüwa raüta, “Riita Khamlamketiwe Johan raq nainai arka ümniima bom tiiwaikai tiikito: Ümnaq ardea sha, apaiq raq maiq weshi saüho tlo nguta chongtiiwe kra, sha naishiq raq kriiwe ka misaüho shaqli nguta khewan ruq chang li wa?” nguta waito.
Jamkhano ngukla, Shiikeawe raq juwa lungwii tlaq, kriiti ka atsea ason raüta, trantsii tlo. Juwa Ase she nguta awokhong na tiisi tlaq, kra tarü atsea ason riiwan tlo.”