Mark 3:10 - ASII LAKDAP Bible (BSI)

¹⁰ Apaiq raq maiq atsiti ka pahea tiihea kuqto. Krai mren, maiq atsiti thun pahea raq, apaiq khum na jaq maq shamtlo haijaq nguta, riithu riiliiq, apaiq phana wa riitsap khatto.

Hawa Naga Bible 2001

¹⁰ Miq paunghvlc muex vpiq rueq tvhvlc kuy ningkhvnc nuex, vthuiuz vsac miq htenc kuex vpiq gvnz nuex kvtungc lvp laz juing ngoz tueq, vpiq kox nuex kvtuiuz nyuip wvnc wuez tueq.

Muklom

¹⁰ Piq aa daqhan miqtang takasa taqhal kota, req thaji atak miqtang they Jesu hanphung o tatit ma tathum jangta.

Mark 3:10 Referencias Cruzadas

RAPHA HIQWA LAK 12:17

Shatmaq hokhamwe raq Sarai ka tsang-nyung ma nguta shea wan kha na, Tatiwe raq akhum na nai ahokham jam na sitibi maiq thun khu thaq na phiiptsi chang thatsi henghea tiisaüto.

WEAWEA 11:33

Tsangshiq jaq na wushi ngam ka aphaq chang pahea aphong along riiphong rai tlaq bala liipan niili she Tatiwe ka Israilnok ma atsan khiq she riito. Kra ningkhan, tsangshiqnok liipan na thabi tsi she tiidongto.

Matthew 12:15

Jesuq raq apaiq tsea miitu matkii she süriitlo nguta tai raüta, apaiq ka kriiba wa ahin niishe tiido wawanto. Kiimaq nokmaiqse kong phong pahea raq apaiq jai ka phan wanto. Apaiq raq tsangshiq phong wa maiq atsi asiti thun ümchuwa sitaq kra wiita kunkun tiihea kuqto.

Matthew 14:14

Jesuq ka lai maq satki raüta, mungmaiqse phong pahea riiphong rai tlaq kra chhito. Kiimaq apaiq raq tsangshiq kra chhi raüta, atsan mong na tsangshiq miitu pinthum mangchan tsito. Kiimaq apaiq raq tsangshiq phong wa maiq atsi asiti thun sitlaq kra tiihea kuq wanto.

Matthew 14:36

Kiimaq tsangshiq raq Jesuq nangnga atsi asiti thun tarü ma apaiq raq samtlaq samtong jong kaü nise kiijiili jiimin, thansaq tiisham laq nguta tiipaiq neato. Krai mren, maiq ümchu riiwa apaiq kheani na jaq maq than sham wantaq, kriiti ma tsangshiq thatsi ka wiita tiihea kuq wanto.

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Mark 5:34

Kiijiishe, Jesuq raq, “I se le! ümniiraq ngi ma kamwan laü kha maq, hea wan laü. Ahea, Ümchaü ka hansang miishe siwakiq. Ümthatsi ka heakito she” nguta chongkuqto.

Mark 6:56

Krai mren, Jesuq ka hiqshong thun na, chela thun na, kiimaq wakram thun na wato. Apaiq ümbano saü wantlaq kiijaq, nokmaiqse raq, atsiti thun kriika, kejat tang chang ba na sheahoto. Raüta, apaiq nangnga akheani se na jiimin tiisham laq, nguta tiipaiqneato. Kiimaq atsiti ümchuro, apaiq raq samtlaq samtong jong ni na, jaq maq sham laptaq, kriiti thun ka wiita tiihea kuqto.

Mark 8:22

Tsangshiq ka Bethsaida hiqshong na saü wanto. Kiijaq maiq wiijamti raq makchuk we ashi ka Jesuq phana shea wanto. Kiimaq Jesuq ma adü na jaq maq shamlaq nguta tiipaiqneato.

Luke 5:3

Lai ashi kriika, Simon lai riito. Jesuq ka Simon laiti kiina nga wato. Raüta, apaiq ma lai ka kham mong linlin kiina thu wan laq nguta thaüto. Kiijiishe Jesuq ka lai na nga wa raütiishe, mungmaiqse thungtlaq kiima trahokuqto.

Luke 6:19

Jesuq khum na ningkun ka jonghea asi. Kriikha maq, maiq tarü raq tsangshiq thatsi kra tiihea miitu, apaiq dii na jaq maq sham shiichaqto. Krai mren, Jesuq khum wa adong ningkun raq, apaiq dii na jaq maq shamti thun thatsi ka wiita tiihea kuqto.

Luke 7:2

Kiijaq Roman phentuwe ashi asi. Aluqkhap se ka apaiq raq kai mangchantlo. Aluqkhapse ka tsihea, tsaija chhunja.

Luke 7:21

Kra akhing bala, Jesuq raq maiq atsi asiti ka pahea tiihea kuqto. Apaiq raq, maiq ka thup atha raq arom wan wa kiimaq maiq achuk amiiti thun pahea kra tiihea kuqto.

Acts 5:15

Kiimwebi raq awang chang nai amao chang jaqsham tlaq kra chhi raüta, atsi asiti maiq pahea piho raüta, changdü na nai damsii na tiikon raüta, lamkii tho na tiibum tlo. Kriika, Petar khum raüjaq, apaiq tsaiji nyam raq jiimin, tsangshiq atsiti dü na miham dam laq nguta tiima raüta tiibum wantlo.

Hebrews 12:6

Jamkhano ngukla, Shiikeawe raq juwa lungwii tlaq, kriiti ka atsea ason raüta, trantsii tlo. Juwa Ase she nguta awokhong na tiisi tlaq, kra tarü atsea ason riiwan tlo.”